لا حول ولا قوة الا بالله

وش بلاكم يا بنات عالم حواء اغلب الاشياء تقدرون تسونها لاهي حرام ولا شي وسهله لكن انكم تتمنون عمل الكبائر فلا حول ولا قوة الا بالله انما الاعمال بالنيات وان لكل امرء ما نوى تعوذو من ابليس ولا تضيعون اعماركم بالاماني المحرمه لا تقبض ارواحكم وانتم تتمنون عمل الكبائر كبائر الذنوب من الشرك بالسحر وشرب الخمر والزنا فلا حول ولا قوة الا بالله العلي العظيم



اللبس البسي اللي خاطرك فيه في بيتك وعند زوجك تجملي وتدلعي وسوي اللي تبين
ركوب الخيل مهو حرام تعلمي ركوب الخيل واستاجري لك مزرعه كبيره وافصخي عباتك واربطي شعرك والبسي اللي تبين واركبي سياره وخيل واسبحي لو تبين محد شايفك ولا احد قايلك لا ولا انتي جالسه تسوين امر حرام

والسفر اتفقي مع زوجك كل سنه في دوله واقتصدي وخذي لك اسبوعين سافري فيها اي دوله خاطرك فيها وانبسيط وامشي بشوارعها والبسي حجابك واحتشامك وعلى فكره تراه ما يعيبك اصلا لو جربتي شموخ العباة السوداء في الخارج وكيف رزه وفخر وكيف هالاجانب يسئلونك عنها صدقيني تصرين اكثر انك تتعمدين السفر للخارج عشان تنشرين ثقافة العبائه السوداء

والحواجب مشطيها زين واذا هي تنكش بخي فرشة الحواجب اسبري وثبتيها وارسميها ثاني وبتطلع حلووه من غير نمص

والباروكه خلي عنك القرف وكلمة وع وادهني شعرك واهتمي بغذائك وخذي الفيتامينات وتلاقينه يهبل وطويل وكثير


وش بعد قريت والرقص ارقصي مين اللي مانعك ومين اللي قالك حرام يختي عندك اشرطة كلها بالطيران ولا موسيقى ولا ايقاعات مثل اللي ضاحكين على اعمارهم ان الايقاع حلال وارقصي الين توسعين صدرك

وعيشوو دنياكم بكل راحه واربطوها بدينكم ولا راح تلاقون للاماني المحرمه باب في قلوبكم ابد باذن الواحد الاحد


واللي تبي تحط الوشم وتاتوه حطي النقشه اللي تبينها روحي لاني نقاشه وخليها تسويها لك بالحنه

وعباية الكتف ليش محرمينها على انفسكم اذا هي ساتره واسعه مو احسن من اللي تجيك عباية راس وصدرها ونحرها برااا مكشوف وليتها مقفله مفتوحه والسيقان والملابس كلها براا كانها طالعه تعرض نفسها لا حول ولا قوة الا بالله البس عباية الكتف وخلي طرحتك كبيره ولفيها عليك زين الناس والله انها استر من بعض عبايات الراس

والطلاق اللي تبي الطلاق بيدها اذا عندك سبب شرعي اخلعيه مين قالك ان الشرع حاجر عليك الشرع معطيك كامل الحريه طالما متاذيه وعندك اسبابك اخلعيه وهذا ابسط حق من حقوقك الشرعيه


للاسف اغلب الامنيات اللي اشوفها هي من حقوقكم اللي انتم ساكتين عنها برضاكم ولا هي حرام ولا شي الاسلام قدمها لكم بين يدينكم بطريقه مباحه تستمعون فيها بالدنيا والاخره باذن الله


لكن اتركو عنكم كبائر الذنوب حتى من باب الاماني الله هديني واياكم يارب


اللهم ما كتبت هذا الكلام اللي لا يكون هذا الموضوع حجة علي يوم القيامه بقرائته دون الرد وانكار المنكر فيه

وكلنا ما نخلى من المعاصي الله يتوب علينا لكن كبائر الذنوب فلا حول ولا قوة الا بالله العلي العظيم

تسلمين اختي على المرور والله يجزاك خير ع النصيحه

نــــــــــــــــوال الله يرحم والدينا ووالديكم ويغفر لهم


كفووو كفووو وأنا أختك

ربي يجيزك عنا خير الجزاء

صح لسااانك

نفسي اتوظففففففففف جاتني وظيفه بواسطه لكن تركتها لان راتبي كله بيصر حرااام

نفسي اسمع اغاني
دائما اقول اتمنى انها حلال هي والدخان