السلام عليكم ورحمة الله وبركاته
أتمنى الكل يفيدني
أنا متزوجة صار لي 11 شهر ومارزقت بالحمل وسويت التحاليل المطلوبة وطلع عندي خمول بالغدة الدرقية وعالجتها والحمد لله انضبطت مع استمرار العلاج ومعاي ضعف بالتبويض مسبب عدم انتظام في الدورة مع اني سويت اشعة سونار مهبلية للرحم والحمد لله طلع سليم ومافي تكيسات وقلت ماراح ابتدي بالعلاج الا بعد ما اكمل سنة من الزواج ان شاء الله ومع انه ما طاف على آخر تحليل للهرمونات حتى 3 شهور كان هرمون الحليب خلالها مو مرتفع وسليم إلا اني ومن قبل الدورة الي كانت بتاريخ 14 / 6 وقبل تاريخها باسبوعين حسيت باعراض دورة ومنها آلام بصدري وانتفاخ وبروز للحلمة على طول بس مافي اي افرازات منها ولحد الحين والألم مستمر معاي واحس بنغزات بالصدر مع الم وثقل خصوصا عند الاستيقاظ من النوم والدورة أصلا تأخرت عندي قبل تاريخ 14 / 6 مدة 20 يوم وحللت كذا مره ومافي حمل وبعدها جاتني قوية مع قطع دم لمدة 7 أيام وطهرت
وسؤالي هل ارتفاع هرمون الحليب يسبب ألم بالثديين وثقل فيهما ؟
وهل تنصحوني أسوي تحليل لهرمون الحليب من جديد حاليا ولا انتظر الدورة الجديدة وأسويه يوم ثالث الدورة ؟
ياريت الي صار لها شي مشابه لحالتي لاتبخل علي وتكفون انصحوني لأني ما أفهم شي بهالأمور وسمعت إنه ارتفاع الهرمون يعني ينزل حليب من الصدر وأنا ماينزل اي افراز ولا حليب بس ثقل وألم بالصدر
يلزم عليك تسجيل الدخول أولًا لكتابة تعليق.
منى االروح
•
معقولة محد يعرف عن هرمون الحليب ؟؟
الصفحة الأخيرة