ليش الندم.. وهذي اشياء مقدره ومكتوبه

تزوجت كبيره وكان نفسي اتزوج وانا صغيره اقل شي اقدر أتأقلم بسرعه مو زي زواج الكبيره بصعوبه تندمج مع بيئه غير بيئه بيت اهلها خاصه اذا خاب الظن بالزوج وكسر امالك
والحمدلله الله رزقني بثلاث اطفال
الاول والثاني بينهم سنتين ونص
والثاني والثالث بينهم ٤ سنوات
واطمح للرابع لان مابقا بالعمر شي ابي اللحق ويارب يرزقني
الافضل بين الاولاد ٣ سنوات يكونون متقاربين ويفهمون بعض ويكبرون مع بعض

فيه شغلات كثبر ودي اغيرها
بس ما اقدر اندم احس هذا قدري و نصيبي و مكتوب لي ولا اقدر اغيره

الحمدلله الزواج في سن صغير أو كبير له مميزات وله سلبياته، اللهم سخر لي ولكم ازواجنا تسخيرًا من عنده🙏🏼


بالنسبة لي الحمدلله تزوجت في عمر الـ٢٥ وراضية واشكر الله على ذلك، احس تزوجت وأنا واعيه وفاهمة ان الزواج تحمل وصبر ومسؤلية والحياة مثل المنحنى فيه من الأوقات السعيدة والحزينة والعصيبة واليسيرة🙏🏼💘، اخذت وقتي بعد الزواج بقرار الحمل وهذا افضل شيء تسويه الوحده يعني لا تستعجلين بالخلقة لأنها حتكون ربطة معك طول حياتك يعني عيشي اقل شيء ٦ شهور لوحدك مع زوجك افهميه وانبسطي بدون مسؤولية كبيرة💘💘 ودايم احس حلو الفرق بين الولادات تكون سنتين الى ثلاث أو اربع سنوات اقل شيء تشبعين الطفل وتعوّدينه على روتين وحاجات كثير☺️


بعد الزواج بـ٩ شهور حملت وأسأل الله التمام والبلاغ وان يهوّن حملها ووحمها وطلقها ومخرجها ورضاعتها وترتبيتها ياحي ياقيوم ويقرّ عيني ووالدها فيها🙏🏼♥️


في النهاية ادعي ربي بكل ثقة ويقين بكل ماتتمنينه💗

الله يرزقنا الرضا بماقسم الله لنا لان الزواج المبكر او المتأخر موبيد الانسان قسمة ونصيب وكذاك الذرية ماهم سويت علشان تمنعين الحمل اذا مكتوب حملتي على المانع واعرف كثير وبعض نساء تبي الحمل وتفعل الاسباب لكن ربي ماكتب لها لازم نعود أنفسنا على الرضا لان الرضا يجلب لنا الطمئنينه