سؤال للمتزوجات

اول يوم بعد الزواج كيف تقومين الصبح خاصة اذا كان زوجك من النوع اللي ما ينام وايد وانتي تموتين بالنوم؟
انا عن نفسي زوجي صحاني من النوم انواع الاحراج
وشعرك اذا ما كان ذاك الزود كيف تستشورينه خاصة اذا كنتوا بنفس الغرفة في الفندق؟
رحت اخذ شور حتى استشور شعري حتى يكون العذر حق الاستشوار اني ابي انشف شعري زين
كيف تسولفين معاه؟
عادي هو بيسولف وانتي شاركيه
ايش تلبسين؟ اللبس اللي يريحك عادي

يا بعد قلبي مشكوووووووووووووورة
فعلا سالفة ان زوجي يصحيني من النوم فشيـــــــــــــــــــــلة كيف يشوفني وانا صاحية من النوم احسن شيء نحجز جناح وكل واحد ينام بغرفة!

الف مبروك اختي

لا تحاتين بيومتها صدقيني ما راح تنامين ابد :) صدقيني انا اخذت فوق الاسبوع عشان اتعود على وجود احد يمي في السرير و وجود شخص ثاني معاي في نفس الغرفه

بالنسبه حق السشوار لما تنامين لمي شعرج بشباصه
ولما تقعدين خلي السشوار داخل الحمام ( اغلب الفنادق يكون في سشوار داخل الحمام اهم من الفندق حاطين لج سشوار ) اذا ما في اخذي سشوارج وحطيه في الحمام من الليل عشان لما تقعدين الصبح تروحين الحمام تتسبحين وتسوين شعرج وانتي بالحمام

يا بعد قلبي
الله يبارك بحياتج
اي والله مدري اشلون باتعود ان احد ينام بجنبي
مشكووووووووووووورة
والله يرزقج الذرية الصالحة اللي تقر عينج بهم اللهم امين

بالنسبه لي انا صحيت قبله لان في ذاك اليوم ماتنامين كثير وتحتاين شغلات وايد..عادي تحممت وسويت شعري في الحمام..وحتى شهر العسل لما ابي اسوي شعري ينزل اللوبي لين اخلص ويجي..يعني ياخذ له نص ساعه اكون تحمم وسويت شعري ولبست..واللبس مادري على حسب تعودج عليه يعني انا كنت معاه وايد ايام الملجه فلبست قميص نوم وروب...وكان اللون فاتح عشان الصبح ومابدلت الا الظهر لما راح يتغدا بيت اهلي وانا قعدت اتعدل وغيرت المكياج وتجهزت عشان اروح معاه بيت اهله واهلي..
وعن السوالف طبعا اكيد بتكونين منحرجة في البدايه لكن بعدين عادي بتسولفين....مادري احس يختلف الموقف على حسب كل وحدة ودرجة تعودها يعني في بنات مايشوفون رياييلهم ولا يكلمونهم اكيد ظروفهم بتكون غير..وفي ناس عادي يطلعون يجون مع بعض وناس بس بالتلفون وناس الزيارات تكون موجودة بس قليله