سؤال للمتزوجات: لما جاوا الحريم يشوفونج لولدهم.....!!!! (أدخلي وبتعرفين)....!!!

أنا غير مخطوبه
و لكن تمت اكثر من مره شوفه شرعيه
بس يجي الابن مع الاب و الام و اكون انا مع والدي و والدتي او اخوي

تحسين الناس قاعدين و مبوسطين
حتى انت تكوني مرتاحه
اذكر مره من كثر القعده كانت حلوه نسييييت انهم جاين علشان يشوفوني
كنت حاسه انها زياره عائليه عاديه
هذا علشان الجو لم يكن مكهرب (يعني الكل ريلاكس)

و مده الرد تعتمد من بلد للثاني
احيانا كم يوم, يعني يومين او ثلاث ايام و ممكن اسبوع
و في ناس ترد ثاني يوم عالطول و بصراحه ما تعجبني هذه الحركه
احس الشاب مستعجل و ما اخذ وقته يفكر!!!

يعني المده لازم تكون معقوله ان الشاب و البنت ياخذوا وقتهم بالتفكير

الله يسرلك يارب و يحققلك الي لك الخير فيه

1- حبيبتي اذا كانو مبسوطين وتغيرت الوان وجيهم
2- اذا صارت الام تناظر في بناتها بقوه ومطيره عيونها فيهم
3- اذا وقفو عن شرب القهوه والشاي ويوم تدخل البنت بالعصير يحطونه ومايشربونه او ياخذون منه ذوقه وبس
4- اذا اطلعو قالت الام يصير خير احترو منا اتصال وتعض شليلها وتنحاش
5- ما يتكلمون بشي وهذا اكثر الي يصير انهم اذا شافو البنت يطلعون وهم مافتحو الموضوع

اما اذا عجبتهم البنت بعد يومين يكلمون وهذا صار معاي
اما اذا ماعجبتهم البنت اذا هم تكلمو بالموضوع يدقون ويعتذرون باي شي احد مريض او عم الولد زعل اننا ماخذينا من بناته وهذا بعد صار معاي
واي شي يصير ماراح تاخذ الوحده منا الانصيبها الي الله كاتبه لها

عن نفسي ماتعجبني حركة الي يجون يشوفون البنت في البيت
تنرفز

لكن احنا من عاداتنا انو مايجي يشوف غير الجاد والي سأل تمام ومايبقى غير
التعارف ويشوفون هل ارتاحوا لها ولأهلها
لأن الشكل يكونون حاسمين امره من خلال السؤال وعارفين انو مافيها مايعيبها مظهرا
تجي والدة الشخص وهم يحاولون يبينون انطباعهم لأهل البنت من البداية
وينهونها ويسهلونها على أنفسهم العلامات مثل أول ماتقبل لحد ماتروح يقولون ماشاء الله
أو لما يجي ولدها الخاطب حتى ياخذها تقول له ينتظر طبعا يبي يدخل البيت , تطول في الجلسة , تبين ارتياحها

دموع الندم ورمل الصحاري الله يجازكم خير على كلامكم...

شوفي بقولكم شي...انا جاو ناس يشوفوني عن طريق وحدة كانت معانا انا وامي بالحج...وهي دلتهم علي وقالوا لها لا تقولين للبنت عشان ما تنحرج وهي عشان تعرفني وتعزني قالتلي لازم اقولج - قلت لها هذا نصيب ولو نصيبي اللي الله كاتبه لي اكيد بيرجعون مرة ثانية ول بعد سنة ههههههه ولو مب نصيبي الله بيرزقه وحدة احسن مني...وبالفعل انا ما قلت لأمي وأمي ما تعرف ان الناس اللي جايين معاها جايين يشوفوني عشان ولدهم وقلت لأختي الكبيرة بس...

وجعدنا سوالف وضحك وغشمرة كنا نعرفهم من زمان...وهم ما يدرون اني اعرف فكان هذا اسهل لهم...وهم طالعين قلت لهم والله تشرفنا بمعرفتكم وياريت تززورونا مرة ثانية فقالت الأم: إن شاء الله بنزوركم مرة ثانية... وبالفعل والله يبين عليهم ناس طيبين وايد جات امه وخالته وخواته الثنتين والمرأة اللي جابتهم معاها...

فما أدري اشلون تكون نظرتهم...وما كان في ما يدل على شي...بالعكس ضيفتهم واشربوا القهوة والشاي وكلوا الحلو والفواكه وتموا قاعدين حوالي 40 دقيقة وبعدين طلعوا...

فقلت يمكن المتزوجات عندهم خبرة من الجعدة هل في ما يدل على ان البنت عجبت أهل الولد (أمه وخواته) أو لا...؟؟؟

وثاب صح كلامج الحركة تنرفز بس هاذي رؤية شرعية ما نقدر نقول لا...

بس انا دايماً افضل الرجل يشوف على الأم والخوات لن الرجل له نظرة تختلف عنهم. اقولكم مرة ناس راحاو يتقدمون لوحدة والبنت ما عجبت الأم والخوات!!!! طلعوا من عند الناس وما صار نصيب... بعد فترى كانت الأم والبنات مع الولد بالسوق وشافوا البنت وقالت وحدة من خواته شوف هالبنت هاذي اللي شفناها ذيك المرة وما عجبتنا...

تدرون اخوها مات من القهر قالهم حرام عليكم هاذي مب حلوة...بالعكس البنت وايد حلوة...ليش سويتوا جذيه...وكان الولد خلاص خطب وحدة ثانية...

عشان جذيه انا افضل الرجل يشوف على الأم...وبنت عمي مسكينة نفس الحالة يجون يشوفون ويروحون...

وثاب ترى في جزء من كلامك عجبني...والله انا رضيت عشان الأخت اللي جابتهم والا انا ما اجيب اي ناس بيتنا غلا بعد ما نسأل عنهم لكن شاسوي....كل شي نصيب...

أبي بعد مشاركات وتجارب من اخوات...ياريت يالأخوات الطيبات تشاركونا برايكم وتجاربكم....

وشكراً للجميع