سؤال للمتزوجات و المخطوبات و البنات .. للكل .. :)

انا متزوجه وعندي ولد وادرس بالجامعه والحمدلله لاعمري رسبت ولا عمري حملت ماده يارب لك الحمد (قولو ماشاء الله)
اطلع 6الصباح احط ولدي عند أمي بيتي جنب بيت اهلي يعني مشي ثم اروح للجامعه اطلع الساعة 12 ونصف الظهر من الجامعه واوصل لبيتي الساعه وحده الظهر امر على اهلي واخذ ولدي وارجع للبيت ابدل ملابسي ويالله شغل ..انا طبعا زوجي يطلع من الدوام الساعه 3 قبل العصر يعني عندي وقت ادخل المطبخ اصلح الغدا وارتب البيت واخليه على سنقت عشره وابخره واروش ولدي واتروش والبس انا وياه وانتظر زوجي اذا جاء نقعد نسولف الين ياذن العصر ويروح هو يصلي انا اجهز السفره نتغدى ياطويلت العمر نروح ننام كلنا الثلاثه نصحى المغرب اجهز القهوه والشاي ونتقهوى يطلع يصلي العشاء انا عاد في هذا الوقت ابدأ اذا كان عندي حفظ او كتابة بحث اوتحضير اوتكملة محاضرات اجلس اصلح شغلي وولدي حطيت عنده العابه
جت الساعه 10 اصلح العشاء ونتعشى الساعه 11 او 12 نروح ننام
وطبعا اكون مرتبه جدول لنوم ولدي ينام معنا ويصحا معنا تقولين يدااوم الضعيف
يعني انا مرتبه وقت للمذاكره اللي هو بعد صلاة العشاء والطلعات والتمشيات يوم الاربعاء والخميس اما الجمعه صيانه منزليه خخخخ
احس اني اقص قصة حياتي ههههههههه
الله يصلحك هذا سؤال انتي اذا تزوجتي غصب عنك بترتبين جدولك لان الوضع يفرض عليك كذا
وللمعلوميه مااقول مافيها ارهاق الا بتتعبين بس من بغى الدح ما قال اح خخخخخخخ
والحمد لله الأن خلصت دراستي يوم جيت بأحضر ماجستير بغى زوجي تجيه جلطه
قال خلاص طفشتيني بدراستك لاني اصير مشغوله عنه
والله يعين ..بالتوفيق حبيبتي

موضوع حلو ومفيد وشاغل بالي بعد

حلو والله جدولك يامعشوقه
انا لا متزوجه ولا شئ
بس لو فرضا وحده دارستها من 8 الي 4 والين توصل البيت 5 هذا غير الدروس والواجبات الكثير
انا كذا دراستي لاني ادرس طب
يعني في حااااااااااالتيييييييييييي الزوااااااااج مستحيل
اول اسبوع وبطلق
ههههههههههههههههه
مافي احد يرضى يتزوج وحده كذا ولا انا غلطانه واذا وحده دراستها كثيره ومتزوجه تفيدنا

ليمونه

أختي المعشوقة

أولاً حياك ربي

و ما شاء الله عليك و الله يهنيك

ثانياً

جدولك مرتب و حلو و مريح صراحة

هههههههههههههههه ضحكتيني بكلمتك من بغى الدح ما قال أح

و الله مدري أحس التنظيم مرة صعب علي لأني آنسة فوضوية بزيادة

ولا عندي أي طاري للتنظيم

عشان كذا قلت بسألكم أبستفيد من خبراتكم

شااااااااااااكرة لك حبيبتي ردك

و الله يسعدك و يوفقك بحياتك و يخليك لزوجك و ولدك و يخليهم لك

:)

اللة يوقفك المعشوووقه مرتبة وقتك وحياتك.. الله يكتب لك السعادة طول عمرك
wisam

ليمونه

حياااااااك ربي

أنا بعد جدولي حوسة وفيه تأخير يوصل إلى 3

صااااادقة و الله صعبه خصوصاً تخصصك طب

حلووووووة أسبوع و تتطلقين

بس ترى ماهي مستبعدة ينزل عليك فتى الأحلام اللي يرضى بحالتك

بعدين أنا اشوف إن الدراسة فترة مؤقته تقضى بأي طريقة

عقب تقدر تتفرغ لزوجها و بيتها أكثر

بس الشي اللي ما أعرفه جد هو كيف يتقسم الوقت

أحسها معضلة

شاكرة مرورك ليمونة