حبيبتي ساره مشكوره
بس مايحتاج وضوء الملح اذا انتي حاطه ملح فارسي مع الاورطا .. وعلى فكره الملح الفارسي غير عن الملح العادي
وكثرة الملح مو زين يعني يكفي الاورطا والماي وملح فارسي بس مانكثر حيل وهذي وصفة فيافي للغسول

اما شاي الاعشاب حسب وصفه الاخت فيافي ويشرب مرتين باليوم
( ميرميه
+ اعواد شيح+ شوي كمون +شوي حبه سوداء+ شوي حزاة+ سوي قيصوم+ شوي
قشرقهوه+شوي نونخه+شوي دارسين+شوي ينسون)
بس لاتكثرون الميرميه اذا ترضعون

تحياتي :26:

========
كهرمان

طبقي نظام الاخت فيافي وبترجعين عروس انشالله وترا اكثر انظمة النفاس اللي تنزل في المنتدى مأخوذه من فيافي وبعضهم فيه مغالطات واجد تضر النفساء بعدين مع انها تعطي نتيجه زينه وقت النفاس

http://forum.hawaaworld.com/showthread.php?s=&threadid=119705&highlight=%DD%CA%D1%C9+%C7%E1%E4%DD%C7%D3

تحياتي

تحياتي :26: :26:

لالالالالالالالا حرام عليج
اصلا اللحم والدجاج والسمك اهم شي
صح الرز ابعدي عنه
بس اللحوم لا والف لا واهم شي تاكلينها مشويه او مطبوخه مع مرقه بشروط معينه طبعا ( بدون معجون ولاليمون اصفر ولاليمون اسود ولاكوسا ولا باذنجان ولاقرع ولاملوخيه ولاتكثرين الطماط وحطي ماش او لوبيا حمرا او بطاط او جزر او سبانخ او مرقة شبزي ) واكليها مع الخبز الاسمر والفلفل الاسود

ويقولون اللي ثقيل وممكن يسبب امساك القبوط والمرقوق بس مانقدر نستغنى عنه لانه مفيد ويثقل المعده ويشبع ... بس لاتكثرين منه
وصدقيني مع الادويه ماراح يصير فيج امساك لان بطنج بيمشي على طول واذا صار فيج امساك اكلي عنب حلو مو حامض على الريق وكثري منه

تحياتي :26:

حبيبتي ساره ماانصح تضيفين الحلبه لان الحلبه اساسا موجوده في اللهوم وكثره الحلبه ترخي الرحم وتخرب من تحت وتسوي رطوبه وتمتن وتطلع ريحه
وفيافي ماقالت اشربو حلبه واكتفت بخلطها مع اللهوم لمدة 20 يوم
اما اذا بتشربينها مثل ماهي بدون خلط اشربيها 10 ايام الاولى بس ( ملعقه كبيره مطحونه في كوب حليب مع ملعقه عسل طبيعي او اسود كبيره على الريق ) واللهوم لاتضيفيله حلبه
والحبه السوده بس شوي لانها موجوده باللهوم بعد ولان كثرتها موزينه وهالشي مذكور بالطب النبوي
والمحلب مادري عنه بس الماش ممكن تخلطينه مع اللهوم والماش يقوي الظهر وينظف الرحم نفس الحلبه بس مايرخي .. يعني الماش تجرشينه وتلهمينه افضل او تطبخينه مع الشوربات والمرق بس احتمال يمتن .. يعني لاتكثرين منه لانه من البقوليات وممكن يسوي غازات
كل شي بالمعقول.. يعني يا تلهمينه يا تطبخينه
وماانصحج تحلينه بسكر لانه موزين لج يمتن والافضل عسل طبيعي
تحياتي :26:

الشمر هو الحبه الحلوه وهذي تنضاف مع اللهوم

مكونات لهوم فيافي لاول 20 يوم او اول 3 ايام بالدوره
في الصباح سفي مقدار 2ملعقة كبيرة من هذه الخلطة التالية على الريق مع كوب شاهي او حليب وتكون هذهالخلطة مطحونه ( كوب حلب+نص كوب حبة سوداء+فنجان قهوةحبة حلوة+ملعقة كبيره قرنفل)

مكونات لهوم فيافي لاخر 20 يوم او اخر 3 ايام بالدوره
خذي الدواء التالي على الريق2 ملعقة كبيرة مع شاي الاعشاب السابق
اطحني(كوب حبة سمراء+م.ك.قرنفل+ م.ك.دارسين+م.ك.فلفل اسود+ م.ص.محلب فنجان قهوة كمون+ م.ك. نونخة + فنجان قهوة صغير حبة حلوة)

الحلبه كثرتها مو زينه وشوفي جوابي السابق على الاخت ساره مكتوب فيه كل شي
والقرفه اهم شي اخر ايام النفاس لانها تنظف بس اول ايام تكون شويه بس مع الشاي عشان تنزل الدم وعموما مقاديرها مو واجد اذا خلطتيها مع غيرها
والقرفه موزينه وقت الطلق

تحياتي :26:

جزاك الله الف الف خير اختي لاتنسوا اسرانا و الله يبارك فيك و ما يحرمنا ربي من وجودك معانا في هدا المنتدى الرائع

تصدقي و الله اني احبك في الله و انت تحبين الخير لكل بنت الله يسر امورك و ينولك ما تتمناي يارب

بس عندي استفسار
مكونات لهوم فيافي لاول 20 يوم او اول 3 ايام بالدوره
في الصباح سفي مقدار 2ملعقة كبيرة من هذه الخلطة التالية على الريق مع كوب شاهي او حليب وتكون هذهالخلطة مطحونه ( كوب حلب+نص كوب حبة سوداء+فنجان قهوةحبة حلوة+ملعقة كبيره قرنفل)

يعني هده المقادير اشربها لمدة 20يوم الاولين من النفاس
و شو تقصدين مع كوب شاهي اعدرني ما فهمت
و حبة الحلوة هي حب رشاد و لا شو

وقت ما يجيني الطلق شو تنصحيني اشرب

الله يعينك على اسئلتي :26: :26: