حبيباتي والله تعبانه حيييييييييييييل هالكم يوم

بكره باذن الله ارد عليكم اشكركم جميعا على تفاعلكم

ما قدرت اصبر لبكره
تحمست لما قريت الردود




مراكب ذكرياتي
وجزاك الله بالمثل

انا اقولك
والا تدرين بتكلم عن نفسي
تقدم لي مطلق وكنت اقول ما يهم اهم شي الاخلاق ولا فكرت ابدا انه له حاله خاصه


دموع الندم
ذا كنت بين عمر 22-25 طبعا لا و مستحيل دون اي تفكير
يمكن لو كنت فوق ال35 اتقبل الموضوع

رايك عين العقل لأن اللي راح يتقدم في هالسن راح يكون عاقل نوعا ما
حياك يا الغلا




ام كوشه
اول بعرف ليش مطلق يمكن السبب مو منه من زوجته الاوله او ماتوفق
عااااااااادي مافيه شي بالنسبة لي بس لازم اتاكد منه

تعجبيني تطرقتي لنقطه جدا مهمه وهي السؤال عن سبب الطلاق

بس يا ترى من راح تسألين؟؟؟

اذا بتسألين اهله امه ابوه اخوانه ماراح يقولون الحقيقه
بتسألين الناس بيقولون وش عرفنا شي بينه هو وزوجته

لكن انا اقول المفروض تسألين زوجات اخوانه
او لو قدرتي تدبرين رقم طليقته بيكون افضل
وبكذا بتتنوع الاراء واللي يتطابق تصدقينه




املاك خاصه
فعلا العمر مهم وانا نسيت اذكر العمر
اذا كان المطلق بنفس عمر اللي متقدم لها
ما تحسون مطلق بهالسن مو طبيعي
؟؟؟؟؟؟؟؟؟؟؟؟؟؟؟






المتغليه
بقولك شي ما شاء الله عليك المعجبين بك كثار في هالمنتدى
سجلي عندك انا وحده منهم
نرجع لموضوعنا
بنسبه لي طبعا ً لا حتى لو كان كامل والكامل الله من حقي اتزوج شاب لسا اول حياته واول فرحته معي ماله ماضي ولا ذكريات مع غيري
كلامك كله صح واتمنى كل البنات يحطون هالكلمه
ماله ماضي ولا ذكريات مع غيري
ببالهم ويفهمونها صح






ام عصومي
والله أعرف وحده تزوجت مطلق ولا معه ولد
وكان عمرها 20

والحين ماشاء الله عليها شايلها عن الارض وجايبه منه ولدين
زي القمر

الله يوفقهم
اختي انا ما اقول كل المطلقين
بس انا اقول اننا نوافق عالمطلق بدون ما نتأكد من امور مهمه بحياته

وموضوعي هذا للي نظرته للمطلق نظره بريئه
حبيت ابين للبنوتات شي يمكن ما يعرفونه
انا عن نفسي لو كنت شفت موضوع مثل هذا قبل زواجي كنت كونت فكره على الاقل
مو داخله على عماها!!!





همسة غلا

طيب الكلام اللي قلتوه يخص المطلق الي دخل بزوجته

ماذا عن الي مادخل بزوجته وعمره 26 وانتي عمرك 24 والسبب كما يقال اختلاف على شقة هو يبيها في مكان وهي تبيها في مكان ثاني

وش راييكم فية هل تعتبرونه متسرع ولا عادي ممكن البنت تقبله

بعد اذنك ياندو انا كنت ناوية اكتب هالموضوع بس لقيت موضوعك مقارب


ارجع واقول يا اختي ان قدرتي تسألين مصادر ثانيه عنه يكون احسن
قد لا يكون السبب فعلا على شقه
عموما الله يكتب لك الخير ويوفقك وان قدرتي تسألين عنه حريم اخوانه او طليقته السابقه يكون افضل




ام سعيد

Zezenya

Tunisienne

اشكركم على تواجدكم





سارة بدر
حبيبتي لا تغلطين غلطتي
انا كنت اقول كذا

قد تكون زوجته الاوله تحبه ومتعلقه فيه وصدقيني راح تحول حياتك لعذاب
لا تقولين لازم اتصرف بعقل واكبر عقلي وما تهمني هالتوافه

خصوصا اذا كان مايسمح لك تطلعين على جواله ومكالماته

اعرف وحده متزوجه مطلق وعنده بنت وطليقته دايم تكلمه وترسل له لكن كان يطلع زوجته بكل شي


هنا الفرق واااااااااضح
وهنا المفروض مانهتم
لكن لما يخبي هالشي
وتكتشفين انه جالس معاها بالساعات
بالله شلون راح يكون تصرفك؟؟

تخيلي اسأله ليش ما ترجعها اذا انت متعلق فيها لهالدرجه شيقول؟؟
قال انا اسولف معها عشان ولدي عشان ما تقسى عليه
عذر اقبح من ذنب




هلا بك صدوق
تخيلت يا ندو ... طبعا اوافق ... لكن بشرط ما يكون الطلاق بسبب انها ما تبغاه او لاسباب غير مرغوبة فية

افهم من كلامك ان طليقته هي اللي طالبه الطلاق؟؟

عموما لوكان هذا المعنى
اقول
صح اسألي اول عن سبب الطلاق
وهل العيب منه او من طليقته
واسألي اهم شي عن السبب اللي خلا طليقته تطلب الطلاق
اكيد ما فيه بنت تسعى لطلاقها الا اذا صار فيه عله لا يمكن السكوت عنها

ومهم جدا نسأل هل لما طلبت طليقته الطلاق تركها معلقه؟؟
وكم تركها معلقه؟؟
هل أخذ منها عوض؟؟
اذا طلب بس المهراللي قدمه ممكن نتجاوز هالشي عشانها طالبه الخلع
بس تأكدي ما بالغ بالتعويض؟؟
اقصد هل طلب مبالغ اكثر مما يستحق بس عشان يذل طليقته؟؟

وهذا شي مهم جدا جدا جدا

لانه يبين جانب مهم جدا بشخصية هالمطلق




ايه صح فيه نقطه هامه جدا
اسألي عن عدد الطلقات لمطلقته السابقه؟؟
وهل فيها رجعه والا لا؟
لا يكون فيه مجال يرجعها؟؟
ويا حبذا تطلبين ورقة الطلاق للاطلاع عليها والتأكد بنفسك انه انتهى موضوعها
لأن فيه ناس يطلقون ولما يجربون الجديده يحنون للقديمه ويردونها!!

الا اذا هالشي ما يعني لك شي فهو راجع لك






عطور شرقيه
حسب سبب الطلاق
وحسب وضع البنت يمكن مايجيها عرسان يعني لو لقت فرصه افضل مابتضيعها

فعلا سبب وجيه يخلي البنت توافق على أي احد
بس لا ترمي نفسها على واحد موكفو لازم تتأكد من الامور اللي ذكرتها
وذكروها الاخوات
والله اجلس كل عمري بدون زواج ولا اتزوج هالزوج التعبان








ملاك نجد
شررررطي عشان اقبل طبعااااا الاخلاق والصلاه ومايكون له اولاد ضروري اعرف سبب الطلاق عشان اقتنع واوافق ليه لاااااا

تعجبيني ياملاك نجد الله يوفقك ويرزقك الزوج الصالح
ولا تنسين تتأكدين من باقي الاموراللي ذكرناها



لمسات الامل
اشكرك جدا على تفاعلك معي وتأكيد اهمية الموضوع
تدرين اش غلطتك؟؟
مثلي صدقتي انه ما حب بنت عمه عشان كذا طلقها
والله نفس السبب
ولا رحت اسأل عن سبب طلاقه من احد ثاني
اقلها قريباته اومرت اخوه عالاقل
الله يعوضك خير ويكتب لك الذريه الصالحه ياااااااااااارب





Algofr
الله يوفقك حبيبتي







انا الان باجاوب لكم عالاسئله اللي حطيت لكم
وهي عموما تجربه خاصه ولا اقول انها ممكن تتكرر مع الكل
كل هدفي اني افيدكم ولو بشي بسيط
ولك ان تقبلي او ترفضي اذا ما عجبك الكلام


اذا تقدم لخطبتك شاب مطلق
بتوافقين عليه؟
نعم اوافق ولكن بشروط


هل لك شروط معينه؟؟؟
نعم
اسأل عن سبب طلاقه اكثر من مصدر
اخواته
زوجات اخوانه
وجيرانه
ولو حصل لي اسأل طليقته بالذات
ومن منهم اراد الطلاق ((مهم جدا))
ولو كانت من قريباته احاول آخذ ارقام قريباته واسألهم عنه وعن كل شي ((غير سؤال اهلك عنه))



هل فيه صفات محدده وضروري تكون فيه بالذات؟؟؟
اذا كانت طليقته هي من طلب الطلاق هل ذلها؟؟
هل علقها؟؟
هل اخذ مبلغ مقابل الطلاق؟؟

هالشي يثبت هل نفسه دنيئه او عزيزه


(((اثناء ردي على البنات ذكرت شيء من تجربتي شفت انه ماله داعي التكرار))

واللي عندها أي اضافه ممكن تفيد
لا تبخل بها علينا

آنا اعرف وحدة تزوجت من مطلق وعمرها 21 ..

والحين ماشاء الله عندهم بنتين ..

وعايشين أحلى عيشة .. ماشاءالله ..


يعني مو مهم مطلق ولأ.. في عدة عوامل لازم نعرفها بالأول ..
مثلا كم عمره .. أو سبب الطلاق .. و عنده عيال منها ولا لأ..

:(.. الله يعوضش بخيرها يارب ..

وشنو كان موقفش ؟؟ عقب ما قالش هالكلام..

عذرا على الفضول .. بس قصتك شدت انتباهي .. كأنها قصة مسلسل ..

حياك ياليسار

مثل ما قلت تجربه خاصه كان فيه سلبيات او اخطاء مني انا عشان كذا ما اخترت صح وتنازلت عن امور المفروض ما اسكت عنها