وكلام اختي دمعه تائبه صادقه والله
المفروض الوحده اذا جابت شغاله ماتتكل عليها بكل شي من الى

بعض الحريم الله يهديهم ماتدري وين بعض مواعينها وبهاراتها فيه

حتى الاهتمام بالاطفال كله على الشغاله هي اللي تأكل وتشرب وتغير حفاظ وتنوم وتلعب بالله الام وش تسوي؟؟
هذا اللي انا ماايده

اعرف وحده قالت لشغالتها تجيب بنتها البنيه صغيره يمكن ماكملت السنتين

تخيلي جابتها لامها وعيت البنت تروح لامها تعلقت بالشغاله بصراحه منظر مررررره ازعجني وحزنني

ووحده ثانيه رايحه تزور صديقتها ومعها بنتها وتقول الله يقطع هالشغاله شوفي وش حاطه غيار لبنتي؟؟ انا استغربت مره لهالدرجه الاتكاليه؟؟

انا شغالتي بتكمل سنه رايحة
مرتاحه نفسيا وماكنت افكر اجيب
لكن لي تقريبا 3 شهور مقدمة ماقدرت انهديت وتعب جسمي وطفشت


تسلمين النافشه كشتها ههههه معليش ضحكت شوي على النك

بس مشاء الله عليك انجاز سنه ماقصرتي والله

ماله علاقه ابداااااااا
بالعكس انا لما ماعندي شغاله يدي احسن
ترى كثرة الغسيل مع الترطيب تحلي اليد والله من تجربه
نحف مانحفت اكرف عمر مانحفت هههههههههههههه

والله انا زي تفكيرك لما اخلص شغلي اقول ماابغى لما اشتغل اقول لا مهمه

بسس والله هي شر لابد منه
تمر عليك اوقات تبينها حمل ولاده
وايام عارضه
خاصة لما عنددك صغير وبتروحين مكان
لما ماشاء الله كم واحد معك
بس هي عموما والله رااااااااااحه
لو تنسين تواجدها تماما
ولو بتفكرين فيها تقيد
والله تجيني اوقات ببكي من شغل البيت امل مره
ذكرتيني بموقف
زوجي للحين يبي الشغاله بسبته
تخيلي جاني شد عضلي بجسمي نتيجة خلعه من حادث بسيط تعرضنا له
واستمر معاي والله يالله اتحرك
مت منه
تخيلي ولدي عمره قريب سنتين لما يوسخ اكرمك الله والله يجيني وصياح لاني ماخليه يطول وانا تعبانه بحالي
متممده زي الجنازه
وزوجي رايح جاي علي مو عارف اش يسوي
بقيت ثلاث ايام
اكلهم من برا
المطبخ يسد النفسس ووضع البيت خاصة مع الصغير
شي والله بكاني بمكاني
وتمنيت اني ماسفرت شغالتك

الشاهد من غير مااطول
الاستغناء عنها صعب من تجربه
واللي بترمي كل شي عليها من الى صعب كمان

انا اجيب ماهي متعلمه مره عشان ماارمي كل شي عليها
مااحب الشاطره من الى

وقتها بالعكس ينقسم الشغل وترتاحي
والله اهلي ع الشغاله من سنين مااكر امي خلتها تدخل ترتب غرفة البنات او العيال كل واحد يرتب غرفته
لا وازيددك من الشعر بيت
حتى العيال يغسلو حمامهم
الشغاله تجلاه مره بالاسبوع

انقهر لما اشوف ناس ياكلوا والكل يرفع يده وينادو الشغاله
ليش وماشاء الله عيالك وبناتك وين ؟؟

لو بتكلم مااسكت
ههههههههههه
حبيت اشارك

مشكوره على موضوعك الحلو

تسلمين ياعمري يادمعة تائبه على ردك والله يوفقك بحياتك مع زوجك يارب

تصدقين انا ضد فكره اني اجيب شغاله ماهي متعلمه طبعا كلامي من خلال تجربه جربت الي ماشتغلت وجربت الي مشتغله طبعا الي ماااشتغلت تعلك وتمرضك على بال ماتتعلم واول ماتصير بيرفكت مابغى شي على روحتها الا انتي بك السكر والامراض كلها الله يعافينا
ان شاء الله اما الي مشتغله تجيك ياماتحت السواهي دواهي تجي عارفه كل شي طبعا اذا كانت ذكيه وراعية الي بالي بالك بصراحه من خلال تجربتي تحاول ماتخليك تدخلين المطبخ تتفنن بالطبخ وكل شي بس عشان تعتمدين عليها اعتماد كلي وبعدين تبدا تلعب على كيفها وتتزعل وتراضينها وتدارين عليها اااه بس ذكرتيني بالذي مضى

وياحبيبتي لاتسكتين خوذي راحتك ترا الموضوع موضوعك

بصراحه انا لي 10سنين متزوجه ولا بعد جبت شغاله
لاكن شغل البيت يهد الحيل ويطفش بعد انا بصراحه اتمنى اجيب شغاله

لاني اشوف نفسي مالي خلق على نفسي اهتم فيها من وجهة نظري وجود الشغاله له سلبيات وايجابيات
السلبيات :

1:تقيد شوي يعني ماتاخذين راحتك باللبس والجلسه مع زوجك وعيالك والسوالف معهم طبعا هالكلام اذا الله بلاك بوحده ملقوفه وبلغه
2:تخافين منها على نفسك وعيالك وزوجك تسوي لهم شي
طبعا هذي اهم السلبيات
الايجابيات:
1:الراحه العضويه
2:الروقال للاطفال والزوج
3:التفرغ لنفسك

اما اللي يكبر الوحده ويخليها عجوز ومدري ايش هذا ماله علاقه بوجود الشغاله وعدمها
هذا كله حسب الراحه النفسيه والغذائيه

بسم الله ماشاء الله تبارك الله عيني عليك باردة
بس اختي هدة الحيل هذي مصيبه في حد ذاتها طيب بس ياليت تعمقتي في ايجابيات الاستغناء عن الشغاله من وجهة نظري سالفت
اخذ راحتي بالبس احس مستحيل اخذ راحتي باللبس لان عندي عيال مشاء الله تبارك الله يعني يفهمون

بس الحمدلله رفعتي المعنويات الله يبارك لك بوقتك وزوجك وعيالك تسلمين

لا والله يازين الخدامه زيناه اي وحده عندها خدامه وجهها باين عليه الراحه واللي مكروفه يبان تلاقينها بس مكشره وطفشانه وتنحرم من المناسبات بسبة عيالها وماتطلع مكان الا وروحها طالعه تلبس فلان وعلان ومايمديها تكشخ نفسها وكلامي عن تجربه