سؤال للي بعيده عن أهلها : فين تتركي أطفالك وقت ولادتك ؟؟

السلام عليكم ورحمه الله

ودي أستشيركم ..أنا الان في الشهر السادس وساكنه في الرياض وما أعرف أي أحد في الرياض
محتاره ..وين أترك أطفالي وقت ولادتي ..

أطفالي صغار ..عمر 3 و 5 سنوات ..وما أأمن الشغاله عليهم لأنها ماتعرف تتعامل معاهم ولها شهرين بس عندي ومهي على كفاله زوجي..

وطبعي ما أحب أطلب من جيراني ..علاقتي فيهم جدا سطحيه..

وزوجي ..أنتو عارفين الرجال ..قد ما تكلموهم وتقنعوهم في الاخير مايسون الا الي براسهم ..يعني حتى لو قال لي طيب ما أضمنه..وبالي بيكون مشغول فيهم ..

وما أقدر أروح لأهلي عشان دراستي ..بروح لهم بعد ما أولد بالسلامه بإذن الله على طووول ..

موضوع محييرني كثير ..الله ييسرها من عنده ..