سؤال للي دايم يكشخون ببيوتهم

اهلين ياعمري مش لزام تلبسين ملابس اطلعت لا اكشخي بجمات كيوت وارواب ميداو قصيره خاصه لبيت بس حلوه وبرموده قطن وتشيرت وعنك ستي مكس وسنتربيونت تلقين بجمات حلوه وقطنيه مريحه لبيت وعادي لو تكشخين مره بملابس الطلعات ومكياج كامل عشان تغيرين الروتين وبس وان شالله قدرت افيدك بشي وعلى فكره المكياج اكتفي بكريم اولاي لانه مرطب واساس بنفس الوقت ومرطب شفايف بنكهه الكرز وكحل دخل العين وتطلعين قمر****لله

حبيبتي ماتلبسين ملابس خرجه في البيت
في البيت السي بجايم كيوووت مرررره ونووعي فيهاااااا
مره كت ومره سيور ومرة الظهر طالع شكلي بالموديلات
وقمصان قطن نعوومات والوانهاااا حلوة وردي مشمي عشبي موف كذا
قصيررر
برمودااات وبدي
شورتات
كذا ملابس البيت

وروحي لسنتر بوينت والهرم تلقين ملابس للبيت بالهبل واشكالها حلوة ورخيصة مررره

اما مكياج البيت
جربي تستخدمي كريم اولاي بالتوت البري يفتح بشتك خفيف ويعطيها نضارة من الصيدلية
اشتري لابيلو بالتوت يعطي شفايفك لون طبيعي
اشتري قلوسات بنكهه :$
اشتري عطر خفيف وهادي وريحته تدوخ زوجك ههه
مسكره لرموشك لو حبيتي
وبلاشر خفيف مرررررررررره بس يعطيك نضاارة

كذا غير انك بتعجبي زوجك+ بتتغير نفسيتك ويعجبك شكلك

موفقة اختي

شوفي حبيبتي انا ملابس الطلعات الجديده ما البسها بالبيت الا اول مره عشان زوجي يشوفها علي قبل الناس ..

وبعد كذا ما البسها للبيت ابد الا اذا صارت قديمه خلاص تركتها للبيت لاني الاحظ انه الرجال يملون من الملابس السبور والمشخلعه دايم يحبون احيانا الزوجه بشكل رسمي اكثر وكأنها طالعه مناسبه ..

اما ملابس البيت غالبا اشتريها من جنيفر او الماركات اللي اسعارها مخفضه تلاقين فيها تنناتير قصيره وبنطلونات وبديهات ناعمين واسعارها مره معقوله ..

واحيانا اروح آخر فرصه عندهم ماركات غريبه يجيبون منها استكات موديلاتها تصلح للبيت برمودات وبديهات اشكالها حلوه وتتحمل الاستهلاك ..

لكن ابدا ما اجلس بالبيجامه طول اليوم الا نادر بس وقت النوم و اول ما اصحي احيانا آخذ شور .. واذا ما اخذته اول ما اصحى آخذه وقت ثاني باليوم يعني لازم ع الاقل مره او مرتين آخذ شور باليوم خصوصا مع الجو الحااااار .. وبعدها احط لوشن وزيوت عطريه ع الجسم من زهور الريف . وبعدين البس واتعطر ..<<< اهم شي العطر اهم من الملابس

البس بناطيل وبرمودات وباديهات او تنوره قصيره او فساتين قصيره يعني لازم شكلي ما شاء الله يصير انيق ومرتب .. وراح تلاحظين ان نفسيتك تتحسن مع اللبس الحلو ..

المكياج اكثر الاحيان روج بس .. ويمكن مرتين بالاسبوع احط مكياج خفيف ومره بالشهر مكياج لبناني ثقيل كنوع من التغيير ..

الشعر مره بالاسبوع او الاسبوعين اسوي له سشوار .. وباقي الايام اتركه طبيعي او ارفعه شينيون واحط اكسسوار ناعم ..


بنات ترى الاهتمام سهل مره وممكن تكشخين لزوجك بأقل التكاليف وتصيرين زي القمر ..اهم شي النظافه وريحتك دائما عطر ..

والاهم النيه تكون خالصه لله عشان يعينك :26:

أنا بقلك إيش ألبس بس أنا مو متزوجة بس إذا تحبي تأخدي برأيك أهلا وسهلا

عن نفسي أشتري جينزات سواء بناطيل أو برمودات وممكن قماش مو شرط جينزات وألبس عليهم تيشرتات برسومات أو مخططه أو كاروهات إمممممممممم بالنسبه لملابس الخروج إذا قدمت ألبسها في البيت مثلا تنورة ناعمة للركبه بس مايكون في مثلا قصات أو أشياء تحسيها للخروج يعني أشياء ناعمة فساتين للركبه ناعمة وألبس الله يكرمك شبشب في رجلي وأحيانا سليبر على حسب
شعري الصراحة عادة أنا ماأحب أمشط شعري بس ألمة ببكله ديل الحصان وأحط أطواق ملونه فوشي أصفر أحمر أخضر أي لون أو ألمه بشباصه وإذا مستشورته أسيبه مفتوح وأحيانا أتكحل وأحط مرطب أما البيجامات مستحيل ألبسها في النهار البجامات عندنا للنوم بسسسسسسسسسسس أول مايجي النهار نبدلها وبس