سؤال لمن مثلي.... وللجميع لا تبخلون علينا وانتم مثل حاتم الطائي حياكم الله

السلام عليكم ورحمة الله وبركاته
حبيباتي معتمده على الله ثم عليكم في حل مشكلة شعري ووالله اني مسجله من شان هالاستفسار لاني ماراح الاقي مثلكم
متعاونات وكل وحده تقول تجربتها يعني احس انكم اخوات ومن زمان وانا اتصفح هالمنتدى الرائع انتظر احد ينزل مثل معاناتي لكن مافيه احد
مالكم بالطويله ,, عطيتكم قصة حياتي هههاااايي
والله اني معتبرتكم مثل اخواتي (( بتتصفق اليوم))

المهم شعري دهني وهو الان طوله لحد اول اكتافي (يازين الوصف , وخروا عن طريقي) بصراحه مااقدر اصنف شعري اوله من الجذور لحدشحمة الاذن ناعم ومن بعدها يطلعلي ...
والله مااعرف اوصف ممكن تقولون مثل رقم الاربعه بس شابكين كم رقم مع بعض (( انا قايله لكم وخروا عن طريقي اذا جيت اوصف هههههههاااايي)))
يعني ممكن تقولون متعرج ماادري متموج والله اني ماادري وشلون اتمنى انكم فهمتوا علي وعلى شكل الاربعه المشبوكه
اوله دهني واخره جاف يعني لازم اذا غسلت شعري ادهن اطرافه بكريم ومستحيل اخلي شعري مفكوك مااربطه وانا مااستشورته لازم استشور شعري اذا كنت ابغى افكه(افله) واذا ماني فاكته باربطه طبعا ما استشوره بس والله منقهره احس انه ناعم ومو ناعم بنفس الوقت ودي افكه بدون استشوار ودي يكون شعري كله مثل بعض باختصار شعري دورين علوي وسفلي ههههههااااااييي العلوي دهني وناعم والسفلي جاف ولا يعرف النعومه
الله يخليكم اخواتي عطوني حل
وكمان فيه حاجه مهمه نسيتها وهي ان شعري يتساقط بشكل ماتتصورونه ماكان شعري كذا صحيح انه يتساقط لكن مو الدرجه هذي صار شعري خفيف
بالله عليكم عطوني الحل واللي شعرها مثل شعري ماتبخل علي الله يوفقكم وكمان الحل لتساقط شعري
الله يجزى اللي تساعدني كل الخير وينولها اللي في بالها وماراح انساها من الدعاء

جزاكم الله خيرا