مشكوووره جمال الخليج على ذا الموضوع
ومثل ماقالوا البنات الشبه مضره جدا سواء للبنت او المتزوجه
واذا على الغسول والريحه الحلوه البنات مدحوا المسك ومدحوه كثيير وانا ناويه اجربه ان شاء الله ولاتنسين انه الرسول وصى عليه يعني مامنه خوف
وخليكي من الغسولات الي بالصيدليه لأنه حنا بنات واخاف الاشياء المعطره هذي تسبب لنا مضار بالمستقبل
وبالنسبه للتحاميل اظنها للمتزوجات ماهي للبنات واذا تبغى شي ينزل الدوره عليكي بالقرفه واذا ماتحبينها جربي التمر والرشاد انا بصراحه ماجربته انا اول يومين اشرب حلبه عشان الالم واتحمل ريحتها بالقوه وبعدين ابدأ اشرب قرفه عشان تنزل الدوره

وابغى اسألك ياجمال وشو ايماك الاخضر الي قلتي عليه

هلا اختي ريما الغلا ماقصرتي على النصايح ايماك الاخضر هو كريم يزيل الشعر من اي مكان في الجسم بتحصيله في سوبرماركت والمحلات عند قسم الكريمات ومزيلات الشعر وهو انواع فيه تحطيه خمس دقايق فيه ثلاث دقايق فيه الحين نازل جديد وانا اشتريته تخليه دقيقتين بعدين تشطفيه بالماء وانتي تسبحين انا اشتريته بس بعديني ماحطيته اشتريه احسن الموس يلي يسود اي استفسار انا في الخدمه

مشكوووووووووووووووووووووووووورة عالموضوع استفدت منه
جزاك الله خير

حبيبتي جمال الخليج ...
الغسول الي قتلك علية رووعة ومامنة ضرر ان شاء اللة وتقدرين تسألين الدكتورة اذا انتي خايفة بس وهي نصحتني فية وقالت تقدرين تستخدمينة حتي للبنات الصغار ..وانتي تغسلين فية من برا ما تدخلينة طيب..
وتلاقينة في صيدلية الحياة وممكن في الصيدليات الثانية..
ولتفتيح المنطقة تستخدمين الجلسرين السائل او الجلسوليد الاحمر وتخلطينة مع ليمون بكميات متساوية ولو زدتي الليمون يكون احسن ..وتمسحين علي المنطقة بالليل والصباح تغسلينة ..ممتاز
واتتبهي تحطين شبة مرة ثانية وتدرين ليش يستخدمونها المتزوجات علشان تضيق من داخل وانتي بنت علي اي اساس تستخدمينها الله يهديك هي صدق تضيق بس في وقتها وتراها تحفر اللحم من داخل وما تدري المرة بعد فترة الاهي خربانة هذا غير الافرازات والتبهذل فنتبهي منها ...
والتحاميل الي ذكرتها تستخدمة الوحدة في فترة الدورة او النفاس وهي تصلح حق البنات مافيها شي ..وخواتي يستخدمونها من فترة ومرتاحين عليها مع انهم مش متزوجات الايمدحونها...عادي
شوفي حبيبتي انا بعطيك نصائح الي تتجنبينها في قترة الدورة لاني حاولت ادور الرابط وما لقيتة بس انتي امشي علي الي اقولة وبتلاقين كل خير ان شاء الله ...
1- كثرة شرب الماء وخاصة الماء البارد والسوائل الباردة في فترة الدورة ومع الأكل.
2-الجوع في فترة الدوره ..ولا بد من الأهتمام بتناول الوجبات كاملة..وحتي بين الوجبات لابد من تناول وجبات خفيفة(والرجيم ممنوع لثناء الدورة)
3-التخمة (كثرة الاكل)في فترة الدورة.
4-التعرض لتيار هوائي (المكيف)في نفس القترة.
5-اكل بعض المأكولات مثل الملوخية-البامية -البصل الاخضر -البطيخ والشمام -الطماطم والحمضيات وخاصة الليمون ..الموز -اللبن..
6-المشروبات الغازية مثل الببسي وغيرة وجميع المشروبات المصنعة والمعلبة.
7- تعريض القدمين للبرد والمشي من دون حذاء حيث يفضل لبس الجوارب.
8-كثرة الاستحمام ويفضل عدم الاستحمام اول ثلاث ايام من الدورة( لأن المنطقة تكون مفتوحة لأخراج الدم الفاسد فأذ اتحممتي يدخل هوا ويبرد الجسم مما يسمح للجراثيم الدخول فتسبب الالتهابات) وعند الاستحمام تغلق جميع الاماكن اللي يدخل منها الهوا واغلاق مروحة الشفط ايضآ..
9-لاتستخدمي الا الفوط المصنوعة من مواد طبيعية (القطن)وابتعدي عن الانسجة المصنعة..
10-اهمال نظافة المنطقة وعدم الاهتمام بتجفيفها ولبس الملابس الداخلية الغير طبيعية حبث ان الملابس القطن هو الانسب والأفضل...والابتعاد عن الملابس الداخلية الضيقة...
وبالنسبة للي تشربينة تستخدمين :
تستخدمين خلطة في اول ثلاث ايام من الدورة..نصف كوب حبة سوداء-فنجان قهوة حبة حلوة-ماعقة كبيرة قرنفل ..اخلطيها وتناولي ماعقة منها علي الريق مع الحليب.
ثم تناولي تمر ولاتكثري اجعليها 7 تمرات في الصباح والمساء ويفضل يضاف الية بعض حبات الرشاد..استمري علية
شاي الاعشاب ..يتم تناولة فترة الصبلح والعصر...او متا ماحبيتي..(هذا من عندي انتي وراحتك)
ميرمية -كمون -حبة سوداء -قشرقهوه-دارسين -ينسون-نونخة
أخلطيها بكميات متساوية او ما يتوفر منها عندك...
وفي اخر ثلاث ايام من الدورة ..علي الريق مع شاي الاعشاب السابق
اطحني (كوب حبة سوداء -ملعقة كبيرة قرنفل -وشوية فلفل اسود -ماعقة صغيرة حلبة -وفنجان قهوة صغير حبة حلوة )
وبعد الدورة استخدمي التحاميل اللي ذكرتها وان شاء الله بتشوفين كل خير..

مشكوره اختي عديل الروح راح اتبع نصايحج وان شاء الله الكل يستفيد