
جوجي امها @gogy_amha
عضوة فعالة
سؤال محرج ومحيرني يانفاااس
انا قبل مااولد كنت متحمسه لللنفاس وكنت مجهزه خلطات واشياء كثيره بعد مااولد وبعد ماولدت تدمرت كل شي يعني يالله يالله عشره ايام بس اهتميت باكلي وبنفسي يعني كنت رابطه بطني وراسي ومدفيه جسمي وكنت ادهن جسمي يوميا بزيت الزيت وبعدها طفشت من الرباط ونومي قليل ويومي كله نعسانه ودايخه وتعب واقوم من الظهر انظف البيت واجري من ورا عيالي وصياحهم وبكاهم تحت اذني ويتهاوشو :06:وفي صوت في اذوني كاني في غابه بزات لمن اكون لوحدي او البيت هادئ هل انتو كمان تحسو بهذا الصوت ولمن جبت الممرخه تقول هذا من الصراخ وقت الولاده وكمان يدخل هوا وقامت هيا مرخت جسمي كله بالزيت وخبطت راسي وكبت عليه زيت مره ريحتني هذي الحركه والمشكله رحمي نازل ومو كل وحده تعرف تمرخ وترجع الرحم مكانه الا اغلب الجاويات في وحده اعرفها في جده مره ممتازه تودي الرحم مكانه ومع تمريخ كامل للجسم ولسه مارحتلها انشغلت وان شالله اروحلها قريب لاني احس بالم في رحمي :06:.... وغير كده كل شويه احس بعطش شديد وطفلي يبكي كثير وارضعه مايكفيه حليبي واسويه له رضاعه وحايسه معاه وقت النوم ومع شغل البيت :06:ماعندي وقت لنفسي بشرتي جاااااافه وفي اماكن مسمره في جسمي مافي وقت اعمل خلطات وكلام فاضي :icon31:ووزني زايد مدري كيف انزله وكل شويه اجوع بسبب الرضاعه واكلي قليل وانا نفسي مااعطيه حليب صناعي بس مره يطفشني يرضع و يبكي.. في بنتي لمن كنت ارضعها ماكانت كده حتا لمن الحليب قليل في صدري ترضع وهي ساكته ترضى بالموجود :Dتربية الاولاد صعبه من صغرهم يرضعو اكثر من البنات .. طولت عليكم وخرجت من الموضوع ...:icon20: يابنات اختي قالتلي لايحصل جماع الا بعد الاربعين يكون افضل وانا قبل 30 يوم الحمدالله نظفت وبدات اصلي وحصل جماع :eek:هل له اضرار وهل من الممكن يصير حمل لاقدر الله .... افيدوني جزيتم خيرا ويسهل عليكم يارب
5
2K
يلزم عليك تسجيل الدخول أولًا لكتابة تعليق.

سـكـر زيــادهـ
•
الحمدلله على سلامتك والله يعينك ليش ماجبتي شغاله تساعدك المهم انا بعلق على الجماع قبل الاربعين الافضل والسنه تكملين الاربعين لان رحمك والمهبل توه رطب صحيا المفروض مايكون فيه شي مو قصة انك طهرتي وصليتي يعني جماع هذي السنه والرسول ذكر في حديث فيما معناه ان النفاس اربعين يوما واكيد ماتحدد الاربعين الا لحكمه وليش العجله يا اختي اهتمي بنفسك ونظمي اولادك والرجال يمدي عليه واعتقد من حقك تاخذين اجازه الفتره هذي وتهتمين بنفسك بعد تعب دام ٩ شهور واهمال والبشره منعدمه والمفروض زوجك يقدر واذا مايقدر انتي تفرضين عليه باي طريقه ممكنه وتفهمينه انه ماينفع الجماع هالوقت والرجال يا اختي مايعرفون بامور الحريم ولايعرفون ان فيه ضرر عليك وممكن يكون عليه واستغرب منك تشتكين الم رحمك وتنامين مع الرجال امرك غريب بصراحه مايطير ولايموت اذا اجلتي الموضوع واهتميتي بنفسك لو ما اعجبتيه قالها بوجهك او ابتعد ماراح يقول حرام مسكينه ماكملت اربعين الا اذا انتي اللي تبين هذا شي ثاني ..

الله يعينك ويساعدك والله مدري وش اقولك غير الله يساعد ونصيحه لايحصل شي جماع اقصد تراء مو زين الحين انتبهي وفهمي زوجك مو بس الطب الشعبي يقوله حتى الدكاتره المفروض مايحصل الا بعد شهرين بتمام مو من صالحككك


hmhm2007
•
الحمدالله على السلامه وان شاءالله مافيه شي خلاص الي صار صار وش بتسوين المهم اذا جات اخت النفاس اهتمي شوي وعادي شغلك وكذا هذا درس وثاني مره تنتبهين ماتطحين في نفس الغلط والمهم انتبهي لا تحملين على طول ورضاعه اشربي لها كثير وكلي اكل مافيه نشويات كثير وبتنحفين وبقوه من الرضاعه بس اصبري يكبر طفلك ويرضع كمية اكبر بتشوفين الرشاقه وعليك باالشمر يدر الحليب وممتاز والمفروض ماهتميت مره مره يكفي لوك شاربه قشر قهوه وشمر وحلبه وترجعين تمام ويقوى جسمك وفيك تستخدمين الحلبه الحين

الصفحة الأخيرة