سؤال : ملفات أحملها وما أعرف البرنامج اللي يفتحها

كل عام وانتوا بخير وعيدكم مبارك يا بنوتات حواء
:26: :26: :26:
سؤالي زي ما هو واضح من العنوان بخصوص إني أحيانا أنزل ملفات وما يكون عندي برنامجها
بعدين أروح أقول فتح وأقول بحث البرنامج من خلال الإنترنت
بعض الأحيان يضبط معايه بسرعة وعلى طول يوضح البرنامج وأنزله
لكن أحيانا ما أعرف إيش يصير أو إني ما أعرف أتعامل مع الصفحة اللي تطلع المهم أصير ما أعرف راسي من رجولي:09:
كمان عندي سؤال بالنسبة للملفات المضغوطة أحيانا أحمل ملف مضغوط وما يكون عليه كلمة فك ضغط يعني المفروض ينفتح على طول وبرغم كذا ما يرضى ينفتح ويطلع لي إطار يوضح فيه علامات مثلثات صفراء فيها تعجب ويوضح كلام أعتقد معناه إنه الملفات معطوبة أو غير معلومة - هذا اللي فهمته - إيش الحل في هذه الحالة ؟ وما فيه طريقة أقدر أعرف الملف اللي راح أنزله سليم أو لا بدون ما أخسر وأصرف ساعة و ساعتين وفي الأخير يطلع ما ينفتح ؟ والله شيء يقهر
معليش نكدت عليكم بليلة العيد
وكل عام وانتوا بخير