سؤال مهممممم للحبايب إللي ما عندهم شغالة

أرجو التفاعل .. ولو ممكن المشرفات يغيرون لي إسم الموضوع (دعوة للنقاش حول الحاجة لوجود للخادمات )

:26:حبيبتي المساله صدقيني لاهى بيت كبير ولاهي عيال كثير المساله قناعه وراحه نفسيه ولله اني مااعارضش في اي كلمه قلتيها لاكن انا اامن ان الوحده هي الي تريح نفسها وهى الي تتعب نفسها بتقولين كيف اقولش النفسيه والقناعه متى مااقتنعتي ان هذى غيشتى ولله كتبها لى ولا معناتهاتوقفين لا عند هذى النقطه بلعكس مقتنعه فى حياتي اى نعم لاكن احسن فيها قد ما اقدر ولله معى واقولش هذا الكلام مش من فراغ لا ولله انا وحده ما اقتنعت بالكلام هذا الى انا اكتبه لش الا قد جربتهعندي ثلاثه اطفال الكبير 9 سنوات ولوسطى 6 سنوات والصغير 10 شهور ولاوسطي الله يعطيهالعافيه ما يمشي طبعا انتي تعرفين ان كل شى من اكل ولبس وغيره ما يعتمد الا على يخلي قلبه لي ولايحرمني من شوفته واقف على رجوله يمشي طبعا زنيت على زوجى يجيب شغاله للبيت ولله انها ماتمسك عيالي الا اذا انا برا في مستشفى ولاغيره ولله اني اقلها لش مارتحت من يوم جات لاني وحده احب شغل يدي وفيني غيره على عيالي وزوجى يمكن تشوفينها خطى كنت احسب انها بتقوم بالبيت وانا اقوم بعيالي وهذا الى ساير لاكن عيت النفس ترضى مع انها للامانه بنت حلال لاكن مامثل حريتش فى مملكتش مهما كان الوضع اسفه على الاطاله بس حبيت افسرلش ليه القناعه والنفسيه تلعب دور قوى في حياة الانسان حتى في عدم وجود شغاله او لا لاني افكر ارجع من دونها ****الله وتسلمين ياحياتي:)

كلامك صحيح وانا ياما جاني احباط لما اقرى مواضيع احس نفسي رفلا
البيت يبي شغل لو هو غرفتين حتى لو نظمتي وقتك بالدقيقه والثانيه انا حاولت لكن لقيت نفسي كالنحله طول اليوم في شغل دائم لا راحه الا عند النوم اكون منهده عشان ماتطيح قرطاسه بالارض تحسبا لضيف مفاجىء

يعني بيت دورين وتمسيح وغسل سيراميك واثاث وشبابيك وجدران وابواب وغسيل ملابس ومطبخ من الى مع عدد اطفال 4فما فوق منهم التعبان اللي يبي رعايه ومنهم الشقي اللي مايخلي ركن مايحوسه شاق القاع وقايل امباع
وزوج يبي اهتمام بدون مراعاة لنفسيتك طفل مريض ضيوف بيجونك بيت يبي ترتيب آآآآآآآآآآآآآآآآآآآه ياما عانيت بحجه اني ابي استغني تراكمت علي الامراض

انا عندي يكفي المطبخ هو نص الشغل فيه لو عندي بنت كبيره بتمسكه خلاص انا بتفرغ للبيت كله
بس اذا عندك بنات صغار ماتقدرين مثلي
طبعا انا ام ل4 اطفال ساكنه بنفس ديره اهلي واهل رجالي
ماعندي شغاله جسديا رايحه فيها عندي روماتيزم واعصاب تالفه والخافي اعظم ولله الحمد اهل زوج مايراعون اسبوعيا الاجتماع حريم ورجال والدور يجيك 2بالشهر والضيافه وماادراك ماالضيافه العشاء وماادراك

قولولي كيف اعيش بدون شغاله العالم مرتاحه كل وحده تجي والشغاله ماسكه الطفل وشنطته وانا جايه منهده وتعبانه من شغل البيت واجلس الاحق بهالبزر:04: لا وجايبه معي طبق لالالالالالازم

يمكن طولت لكن لابد اكتب تجربتي خلال سنوات ليست بالقليله من المعاناة مابين (البيت الزوج الحمل الاطفال الدراسه الحموله الاجتماعات المرض ):44:

اتمنى مااكون رفلا بنظر البعض :mad:
لأني اشوف الناس تمدح بهالحريم اللي معهم شغالات (سنعه قرما ومادري ايش )
بس خلي الشغاله تروح وشوفوا سنعها

حبيبتي ريانة العود الله يحفظ لك عيالك ويشافيلك ولدك يارب .. طبعا القناعة كنز لا يفنى والحمد لله هذي القناعة متوفرة لأني ما طلبت بيبي سيتر وطباخة وشغالة للبيت لا وحده بس تكفي تقوم بالأعمال إللي ممكن الاستعانة بأحد يساعدك فيها طبعا في وجود إشرافك .. أما أطفالي لا وألف لا والله ما لها شغل فيهم وأزيدك من الشعر بيت لو بأطلع محل ما يقعدون معاها لحالهم لو إيش ما يكون إما يطلعون معانا أو أتركهم في بيت أحد من أهلي ..
وطبعا الشغالة محضورة الحركة أمام الزوج يعني أبدا ما تدخل غرفة هو موجود فيها ولا تمر من قدامه تقعد رايحة جاية ولا تتناقش معاه إلا عن طريقي أنا ولا يطلبها شي أبدا ..
عاد لو كان هذا كله وش المانع ما أتفرغ لما هو أهم بدل ما أوقت على الغسيل والكوي بالساعات أوقف أصلي لربي وأتعبده خاشعه بدلما أقعد واقفه أنظف الحمام وتاركه زوجي قاعد لوحده مع العيال أو أكنس البيت أنفض وعيالي وراي إللي يبغاني أذاكر له وإللي يبغاني ألعب معاه وإللي يبغاني أشاركه في رسم أو قراءة قصة ..
أرجو أن تكوني عزيزتي فهمتي قصدي ..

الأخت الفاضلة وصوفة الموصوفه .. الله يعينك ويشد من أزرك ويبارك في ذريتك يا رب .. بس حبيبتي ليه ما حاولتي تجيبين شغالة الله يعينك بس كمان لنفسك عليك حق .. وإنت ما شاء الله تقدرين تبعدبنها عنك لأنه بيتك دورين ما شاء الله ..
وإن شاء الله منتي رفله بسم الله عليكي تعبتي كثير الله يريحك بالعافية ..