سعوديه من قلب
اول شي زر البور وهو زر التشغيل وشكله دائري ابيض عليه دائره ووسطها خط
بعدين تختارين البرنامج غالبا او طريقتي الي دايما ابرمج بها غسالتي هي اني بعد مااضغط زر التشغيل زي ما قلت لك فيه زر كبير كان لونه شفاف على فضي هذا لاختيار البرنامج وعشان تتنقلين بين البرامج تلفينه لف وانا دايما اختار اقتصادي اذا صار اللون اخضر على اقتصادي تتركين الزر الي يلف
وروحي الجهه الثانيه مناللحوحة فيها زر دائري اذا ضغطتيه مره ينور ملء ساخن وانا دايم اختاره اواغلب الاحيان بالذات اذا الاواني وسخه مره واذا ضغطتيه مرتين ينور لك الشطف + يعني يشطف على مرتين انا مااستخدمه لان فيه اسراف للمويه لان تشطيفه واحده تكفي
وفي في اللوحه نفسها زر برضه دائري وهذا اذا مواعينك قليله وعبيتي الرف الاول بس من الغساله تضغطين عليه عشان يديكي علوي او اذا بس السفلي استخدمتي تضغطين الين تنور اللمبه تبع سفلي واذا تستخدمين الرفين يعني مواعينك كثير زيي لاتضغطين عليه ابدا عشان يصير رش المويه على الرفين كلها
ومستوى الرش انا دايم استخدم رش شديد ينظف ويقولون يوفر
واذا عندك اطفال وخايفه وخايفه يضغطونها وهي شغاله اضغطي زر اختيار الرف مع زر اختيار الشطف مع بعض في وقت واحد وتنور لك لمبه حمرا صورة طفل لو ضغطتي بعد ماتنور ما راح تستجيب الغساله لاي ضغطه وهذي ميزه حلوه

وجنب صورة الطفل فيه صورتين صوره زي الاسهم الملتويه هذي تولع اذا انتها الملح الخاص فيها طبعا تعبينه من جوا اغساله تلقين غطا رمادي وتعبين الملح حوالي 2كيلو او اقل شوي
وهو ملح خاص بالغسالات ممكن يديكي المحل اسمه اوعينه منه
الصوره الثانيه زي الشمس تولع اذا انتهى سائل التشطيف وهو سائل يلمع المواعين وفيه منه من ماركة finish لون العلبه ازرق واذا نورت اللمبه الخاصه فيه تفتحين الباب حق الغساله تلقين مكانه دائري تفتحين الغطا وتحطين شويه وتقفلين الغطا


لاتنسين تحطين الصابون فيه صابون سائل وفيه مسحوق وفيه مكعبات finish انا استخدمتها كلها زي بعض
واعذريني ماحطيت صور لاني ماعندي صور جاهزه لها وخفت اطول عليك في الرد بس ان شاء الله يكون الشرح وافي واذا فيه اي سؤال انا حاضره
ترى هي في الاول يمكن تصعب عليك بس بعدين مافي اسهل منها انا صرت اشغلها بدون مااطالع فيها **************************

تسلمين عيوني بس بالنسبه لزر توفير الوقت ضغطة عليه كم مره وما اشتغل
وكمان زر الرش انا اضعه على شديد وتشتغل شوي وبعدين تحول على عادي
وبالنسبه للزر الي قلتي عنه ينور ملء ساخن انا ما فهمت عليك وضحي اكثر واعذريني على كثرة الاسئله بس مالي غيرك ياقمر

ايه عيوني كمان اول ماشغلتها طلعلي حرف f في مكان درجة الحراره
وبعد ما خلصت الشغل ووقفت فتحتها ولقيت الماء متركي في اسفلها فهل هذا شيء عادي ولا لا فيه سبب مع العلم اني ماوضعت فيها الملح الخاص بها لان الماء عندنا غير مالح
فهل هو ضروري وضع الملح
وتحمليني حبيبتي بس احترت فيها وياليت تردين بسرعه

بالنسبه للزر تبع توفير الوقت اذا تبغي تعرفين اذا اشتغل اولا تطالعين في الوقت قبل ماتضغطين التوفير وبعد ماتضغطين التوفير راح تلاحظين ان الوقت قل عن الوقت الاصلي للبرنامج الي اخترتيه ممكن ربع ساعه زي برنامج اقتصادي يكون بدون توفير ساعتين وبعد ما تضغطين التوفير يصير ساعتين الا الا ربع يعني وفر لك ربع ساعه
والبرامج الباقيه تختلف

بالنسبه لزر شديد ماني عارفه السبب بس احتمال انك غلطانه في اختيار البرنامج وانا زي ماقلت لك في الاول انا احب استخدم برنامج اقتصادي وماراح يشتغل معاك الا اذا لفيتي الزر الكبير وضغطتي عليه بعد متتاكدين انك خليتي الضوء الاخضر على اقتصادي وان شاء الله تنحل مشكلة زر الرش ويصير شديد

وزر ملء ساخن هذي يااختي غلطه مطبعيه السموحه انا اقصد ماء ساخن
واسم الزر في الغساله شطف اذا ضغطتي عليه مره ينور ساخن جدا وهذي الطريقه الي استخدمها مع اقتصادي
وذا ضغطتي ضغطتين يسوي لك شطفتين للمواعين يعني ينور عندك شطف+
بس انا مااستخدمه لان فيه اسراف في المويه

وحرفfالي يطلع لك عادي بس لاتشغلينها عليه
لازم زي ماقلت لك تلفين الزر الكبير حتى ينور لك البرنامج الي تستخدمينه انا مثلا استخدم دائما اقتصادي (ياكثر ماقلتها !!!!!!!!!) لما ينور اقتصادي اضبط باقي الازره زي ماشرحت لك سابقا بعدين اضغط الزر البير الي لفيته سابقا

المويه الي بقيت هي شي غير طبيعي ابدا وممكن له عدة اسباب انك شغلتيها علىfومافهمت الغساله ايش تبغين بالضبط
والسبب الثاني ان لي التصريف لازم مايكون طايح في الارض لازم يكون مرتفع بعدين ينزل في فتحة التصريف العاديه الي في المطبخ

والملح ماقلنا المهندس لا عشان المويه مالحه ولا شي قال لازم تحطون هذا الملح وبس وانتي اسالي المهندس يمكن مو ضروري تحطين !!!!!!!!!

اي سؤال انا حاضره عيوني وان شاء الله اني ماتاخرت في الرد عليك واكون كتبت لك كل الي ودك فيه
تحياتي#####

1-الآن كم لك وانتي تستخدمين الغسالة يعني كم شهر .........2-هل هي تلمع الكاسات الى الآن.................3- كم مرة تحطين فيها الملح الخاص بالغسالة............4-هل يوضع فيها ملمع سائل..........واسفة على كثر أسئلتي