سؤال مهم على الأقل بالنسبة لي ..

أهلاً وحياك الله أم هنيده

الموضوع بالفعل مقلق للأم كثيراً

لكن من رأيي أنك اذا حاسه نفسك سهل عليك تقولين له عن العلامات ( مع العلم أنه أكيد لديه علم بها )

قولي له

وأذا منحرجه أتركي أبوه يكلمه

وبالنسبه للأقارب ممن يسالك فهذا أمر يخصك ويخصه هو فقط أما اذا كان قصدك أنه بسبب الحجاب
المفروض الولد منذ أن يبلغ العاشره يبدأ أن لاياخذ راحته يدخل ويطلع على كيفه حتى يتعود وأيضاً
بعض الأولاد يبلغ في حدود هذه السن

بالنسبه للبنت

ياليت تمسكينها وتفهمينها على كل أمور البنات وأمور الدوره الشهريه
خلاص بسادس أصبحت كبيره نوعاً ما

وأبني بينك وبينها من الآن جسر الصراحه

مرحلة المراهقه صعبه جدا لابد تبدأ تصارحك بكل شيء حتى تسهل عليك تربيتها

أصلحهما الله وأولادي وجميه أبناء المسلمين ورزقنا منهم قرة عين

وأتمنى أكون أفدتك

يا هلا بام هنيدة .......فينك ....؟؟والا النقل؟؟؟

بصراحة الموضوع شغلني طول اليوم وانا فاتحة الصفحة عليه ...لكن مالقيت حل..

عندي فكرة تقرب ..موضوع البلوغ للبنت .....مع اني اعتقد انها عارفة ايش هو البلوغ..لانهم يدرسوه في سادس ابتدائي ..

المهم : عادة نقول للصغار قومو صلو..واحيان يتجرأ واحد منهم ويسأل وانت ليش ماتصلي..

هده الفرصة المناسبة عشان تشرحي للصغار السبب.

اول شي اقول انه عندي عذر شرعي.

وهدا الشي يجي للامهات (طبعا لما يكونو في عمر صغير) عشان الام تحتاج وقت لتربية طفلها والعناية به خاصة بعد الولادة.

البنت لما تكبر وتوصل 12 سنة يبدأ جسمها يستعد عشان تصير فتاة وتستعد للامومة اذا تزوجت .

عشان هده الاسباب البنت تشوف تغيرات على نفسها ..وهده التغيرات طبيعية ..ومهي مصدر احراج ولا ازعاج للبنت ..

وانا (الام )مقدرة هده التغيرات واحترمها ..لانها خاصة بالبنت وتخليها اقرب مني لانها راح تصير زيي .

اذا في احد استعمل هده التغيرات مصدر للسخرية من البنت .....لازم البنت ترجع لامها وتقول لها كل شي ضايقها عشان الام هي الشخص الوحيد اليي تقدر تتصرف في دا الوضع..

....................هدا الي طلع معايا ......واذا عندي شي جديد رجعت....:21:

السلام عليكم ورحمة الله وبركاته..

هلا بمشرفتنا الغاليه أم مسلم ,, الله يحيكِ ويبقيكِ وويسلمك يارب ..

والله مقلق جداً بالنسبة لي ومحيرني وأعتقد إنه من الأفضل أن يكلمه والده في الموضوع لأن موضوع إبني قالقني أكثر ,, لأن البنت مهما يكون طبيعتها من طبيعتك وماراح تنحرجي بالكلام معها وممكن تفهميها كما تفضلتي أختي في كلامك وأمهد لها الموضوع عن كل مايخص بلوغ البنت وبالفعل لقد بدأت معها بدايه طيبه وإن شاء الله تتقبل وأن تصارحني بكل مايقال لها لأنه بصراحه بنتي شوي غامضه وفيها عناد الله يصلحها ..

وكما تفضلتي يالغلاا أحاول أن أبني جسر الصراحه من البدايه حتى لايفوت الأوان وأندم بعدها والله يهدي الجميع ويوفقهم يارب ..

وجزاكِ الله خير الجزاء غاليتي أم مسلم وبارك الله فيكِ ولاحرمكِ الجنه ..:26: :24:

هلا وغلا بحمرة الورد الغاليه ..

والله لكِ وحشه ياشيخه ومفتقدتك مرره ومفتقده كلامك الطيب والصور ماشاء الله تبارك الله حلوه ..

موجودين ياأختي في الدنيا ولكن كما تفضلتي النقل الله يعينا أدعيلنا ماتصدقي البيت عندي عاملين فيه زي الحجاج كل شي مكرتن ولا إننا هنا ولا إنناهناك خليها على الله ,, الله المستعان وينتهي وننقل على خير ..

والله صدقتي عيوني بكلامك لأنه هي بسادس وصح عندها فكره لكن مو بنفس الصوره إللي قلت لها عليها حسيت البنت متفاجئه وأنا أبين لها الموضوع بالتدريج وفي الأخير هديتها وقلت لها إنه شي غير مخيف والأفضل تقول لي كل شي يحصل معها والله يعين ..

تصدقي كم مره حصل الموقف هدا معايا مع أولادي سواء البنات أو الولد لأنه في مره كان أبوهم ينادينا للصلاه معاه وكلهم راحوا وجا ولدي وقال لي صلاه وبعدها البنت وقلت لهم في الأول بعدين وبعدها قلت لهم ماأقدر عندي عذر ,,

ولكن بعد ماأنتهوا من الصلاه جوني كلهم وقالوا لي ليش ياماما ماصليتي معانا بس بيني وبينك في البدايه سكت وبعدها رديت وقلت لهم كلهم ماأقدر أصلي لأنه في شي يعطيني العذر إني ماأصلي وهذا الشي من ربنا يعني مفروض على النساء عموماً وقلت لولدي إنه هدا الشي راح تدرسوه دحين في سنه تانيه متوسط وبس وبعدها فهمت البنت على إنفراد وتفهمت الموضوع نوعاً ما مع بعض الإستغراب ..

وماتصدقي اللي صار بعد كم يوم جاني ولدي وجايب في يده كتاب الفقه تبع الترم التاني وقال لي ياماما الموضوع اللي تقصديه وتكلمتي عنه داك اليوم هو وأشر لي على موضوعين وقال هدا ولاهدا تصدقي وكان يأشر على الحيض والنفساء فأشرت بيدي على الحيض وقلت له هدا إللي أتكلمت عنه والتاني اللي هو يكون بعد الولاده وهو خاص للنساء برضوووو بس حسيت بعدها بصعب التربيه عندما يبدأ البنات والأبناء بالكبر ووصولهم لهذه المراحل من العمر الله يعين كل أم على ذلك ..

مشكووره عيوني حمرة الورد الغاليه وجزاكِ الله خير وبارك الله فيكِ وتسلمي عيوني ..:26: :24:

لا شكر على واجب ......

حطيت رد واتمسح :(

الموضوع مش محرج ابدا
خلى والده يبدا يعرفة بالفترة دى والتغيرات اللى حاتطرا عليه لان هو الاقرب له لكن لو سالك عن اى شىء لازم تجاوبيه باسلوب مبسط ومتتهربيش منه
انا عندى ولدين باقول لهم على معظم الاشياء اللى بيسألوها لان باباهم متوفى وعشان كده باحرص اقول لهم بنفسى بدل مايعرفوا من اصحابهم باساليب خاطئة
لازم نتعلم نكلم اولادنا فى كل شىء بصراحة ومن غير خجل عشان يبقوا اسوياء وكمان عشان نحميهم من اى خطا
وانا علمت اولادى اما يغلطوا فى اى شىء يصارحونى وهما بيعملوا كده فعلا