الله يفرج همها يارب ويكون بعونها بس ليه هي ماتقول لااهلها افضل لها من انها تساال لو احد بلغ ايش يصير؟وتحل موضوعها بطرف ثالث من اهله او اهلها ويارب يفرج لها من كل ضيق ياحي ياقيوم..

انا عني كثير اسمع جارتي تصيح وزوجها او البوي فرند يضربها

واستغرب ليه ماتشتكي عليه

لان واضح انهم ماايحبون بعض

بيتهاوشو وتفتح الشباك وترمي ملابسه ويرجع يضربها والجيران يبلغو

ويغيب الرجل 3 او اسبوعين وبعدين يرجع للبيت وترجع المشاكل

لو عندهم قانون ليه عائشه كذاا

عيشه تقصف العمر

استغفر الله واتوب الييييه


Up

حبيبتي فيه شي بالسعوديه اسمه خلع
تروح الشيخ وتقول ما ابيه وترجع له نصف مهره اذا كان عندها اولاد ويخلعها الشيخ
وياقلبي صح القضا متعب عندنا لكن ما يضع حق وراه مطالب
وياعسل مافيه مثل الاهل
خلي ابوها او اخوها يتدخل في الموضوع...بنات الناس مو لعبه
وياقلبي مافيه شي عندنا اسمه بيت طاعه... على قولة هوم هذا ما سمعناه غير في المسلسلات المصريه

هنا ياقلبي راح تدخل في سين وجيم وعوار راس
اعرف واحده في برسطانيا زوجها دفها من الدرج وبلغت الشرطه
وكانت حامل
طبعا ما طلعوه غير لما تنازلت
ولما رجع عند يطلع واتهمها في شرفها انها مصاحبه واحد بس عناد
وبالمره تعقدت امورها لانه مافيه شهود
لكن الحمد لله ربي خلصها منه

ومهما كان لو بلغت عنه هنا احد ماراح تستفيد...بس حيسجنوه لحد ما يتحاكم وبعدها يرحلوه... وطبعا لما يرجع ححيط الدنيا والاخره في زوجته
يعني هذولي اللي يساعدوهم بيساعدونهم عشانهم امريكيات مواطنات وتعرفين الست منهم كآنها رجال استغفر الله
تقدر تروح وتشتغل في مطعم او بالوول مارت وبهذله وحوسه
بالله قولي لي بنت سعوديه متعوده على الحشمه كيف حتسوي لوحدها؟ وكيف ختقدر تكمل هنا وتعيش؟ ولوحدها وبدون احد يسندها؟
وانا بصراحه اشك في حكاية انه بياخذوهم ويصرفوا عليها وهالشغلات اللي نسمعها... لانه لو الكلام مضبوط كان لقيتي كل الامريكيات يبلغوا

مراح يصرفون عليها طول عمرها مثلها مثل غيرها حتى لو فرضنا خلوها بالشيلتر اللي فيه ماهب ودب العيشة جدا صعبة بالغربة خاصة اذا المرأة لوحدها لا معيل ولااهل ،الاجانب متعودين من طفولتهم على الاستقلالية والوحده مو مثلنا ابدا الوحده منهم تستطيع تعيل نفسها وتشتغل اي شغلانة الله المستعان ولايحوج احد من عباده.
حبيبتي الله يهون عليكي ماله داعي البهذله وكلمة رايحة وجاية فكري شوي لبعيد الله يفرجها عليكي