سؤال مهم..... للزوجات المغتربات وزوجات المغتربين

شوفي حبيبتي اذا تبغين النصيحة روحي مع زوجك
ولا تخلينه يروح لوحده ترى البعيد عن العين بعيد عن القلب
انا اكبر مثال الان تاركه دراستي ورايحه مع زوجي والجامعه يهددوني بيطوون قيدي بس وش اسوي واهلي حاولو
فيني اجلس اكمل دراستي ورفضت حلو الواحد يجرب
بعدين انت تقولين انك ساكنه مع اهل زوجك انا نفس الشىء
والان زوجي اذا رجعنا ما عنده اي نيه انه يرجع يسكن في بيت اهله ذاق طعم الزواج لما صرنا لو حدنا...
ولك تحياتي

بسم الله الرحمن الرحيم

والله ياحبيبتي الموضوع مايبيله تفكير

روحي معاه واعتذري عن الدراسه وبعدين ارجعي لها

الزم ماعليك زوجك ومانافعك الا هو وبعدين اعتبريها تمشيه وفرصه تشوفين استراليا

وتنعزلين انتي وزوجك هناك لانك تقولين انكم ساكنين مع اهله

وبعدين اذا رحتي معاه بيحس باهميته وانك ماتقدرين تستغنين عنه

خلاص بتروحين صح :)

توكلي على الله وروحي مع زوجك وزي ماقالت الاخت ام تيا البعيد عن العين بعيد عن القلب

هو ماخيرك الا انه يخاف يضغط عليك وانتي ماودك تروحين

روحي له الحين وقولي له انا يزوجي الحبيب ماقدر استغني عنك دقيقه فكيف اتحمل اربع شهور بروح معك والدراسه لاحقين عليها انشاء الله

ارجو اني اكون نفعتك :) ويالله مع السلامه وعلمينا وش قررتي

شكراًُ لكم يا أخوات .. بس عشان أفصل أكثر في موضوعي
زوجي رايح يكمل دراسته في استراليا، 4 سنوات ، وأنا باقي لي من الدراسة سنتين ، فكان الخيار إما إني اترك الدراسة أو أروح معاه كورس وأبقى هنا كورس،

وكانت البداية على أساس إن أول كورس أبقى هنا(4 شهور) والكورس الثاني معاه وهكذا..

بصراحة أنا درست سنتين وما ودي يروحون بلاش ، والله مش عارفه شو أسوي

شوفي حبيبتي اللي اعرفه انه في الجامعات شيء اسمه مرافقة زوج
يوقفون الدراسه ليما تردين ان شاء الله وترى انك تخلين زوجك
فتره طويله مو كويس لحياتك الزوجيه خاصة انك توك في بداية زواجك ..ولا تنسين تصلين صلاة الاستخاره والله يكتب لك اللي فيه الخير،،،،

السلام عليكم

اختي انا اقولك روحي واوافق البنات في كل اللي قالوه

وانتي الحين في اول زواجك يمكن مابعد يتعلق فيك زوجك فإذا تركتيه يمكن شوي شوي يستغني عنك لا سمح الله
الرجل ابن ادم وممكن يضعف مهما كانت قوته
بعدين لاتنسين انه رايح بلد كفار ومتبرجين وبعيد عن الاصدقاء الطيبين ولا يسمع الاذان كل يوم
اذا رحت معه بتكونين خير معين على طاعة الله وفي نفس الوقت متعة
وبالنسبة للدراسة تقدرين تسوين معادلة للمواد اللي درستيها هنا وتكملين عليها هناك ( بعد ما تاخذين لغة) وطبعا تتخرجين من هناك
وراح يكون عندك مجال اوسع لاختيار التخصص اللي يعجبك ويمكن تقدرين تكملين ماستر وهذا من صالحك جدا ..

اهم ما عندك زوجك روحي معه ولن تندمين وطبعا بيني له انك رايحة معه بس لانك تحبينه وما تستغنين عنه ابد..
واذا قلتيله هالكلام راح تغلين عنده كثير ويبي يحس بمكانتك ..
الله يوفقك

وياليت تقولين لنا وش قررتي