سؤال هام جدا للدكتورة عن خلع الولادة..

السلام عليكم يا دكتورة والله يعطيكي العافية..

اول ما ولدت بنتي شك الدكتو انو عندها خلع ولادة ,على اساس انو فيه صوت بالمفصل وعطونا موعد لما كان عمرها شهر تقريبا ورحنا بالموعد وعملها صورة اشعة و ultra sound نفس يلي بيستعمل للحامل(قبل ما يصير عمرها شهر عملنا الالترا ساوند) المهم الدكتور قال ان شاء الله خير وعطانا موعد عال3 شهور وقال الدكتور بعد ما فحصها سريري انو الحمد لله ما في شي وما رضي يعمل اشعة على اساس ما يعرض الطفلة كتير للاشعة بس عطانا موعد بعد 3 شهور وانا رحت لما صار عمر بنتي اول السادس اخر الخامس وعمللها الدكتور صورة وطمني وقال الحمد لله ما في شي بس يا دكتورة انا خايفة وبالي مشغول مع العلم اني بحس انو بنتي بتركز على رجلها اليمين اكتر من اليسار(على ما اذكر انو المشكلة كانت باليسار) وبحس اليمين اقوى , هي بتحرك اليمين واليسار وبتوقف على اليمين واليسار بس بحس اليمين اقوى وبتضرب فيها بشكل اقوى وبتوقف عليها بقوة اكتر من اليسار فيا دكتورة شو نصيحتك الي وشو رايك هل في داعي ارجع شوف الدكتور مع انو زوجي عم يقول لي ما داعي للقلق لان كل مرة بروح على المستشفى الحكومي بدبي بكون دكتور غير عن يلي شافها اول مرة وانو كلهم ماحدا خوفنا,,
سؤالي يا دكتورة شو هو العمر يلي الواحد بيتأكد انو الاشعة صح وما في مشكلة لاني خايفة بس تكبر اكتر يقولولي انو في مشكلة وحضرتك بتعرفي انو كل ما كان العلاج ابكر بهيك حالة بيكون احسن ..هلا بنتي باول الشهر السابع الله يحميها ويطمني عليها ويحمي كل الاطفال..

ولكي جزيل الشكر واسفة على الاطالة بس قلب الام غير.. :)