سؤال .. هل إذا دعيتي لبيت أناس آمريكان آو" أجانب " تقبلين الدعوه آم لا ؟

بسم الله الرحمن الرحيم ...
كيفكم يا بنات ...

السوآل كالتالي :

اجتنا عزيمه من مدير العيادات بشغل زوجي ... عازمنا على بيته مع آولاده وأحفاده الكتار ما شا الله ... عنده 8 ولاد ومتزوجين وعندهم ولاد كمان ... المهم ..
رح يختتموا المسبح وعاملين اكل وما بعرف شو كمان ..
المشكله هو كتير حباب وحابب يقدرنا ويوجبنا لآن جايين جديد على المدينه .. وبنفس الوقت عم يتعرف على عاداتنا هل نحنا منحب اجتماعاتهم ، هل منصافح ، كيف التحيه بينها وبينهم ، وبيسآل كتير عن آمور الدين والتزامنا وكل خصوصيات المسلمين .. وهو من المسيحيين المحافظين" نسيت اسم المذهب تبعه "


هلآ برآيي آنو لو رحنا حيكون فيه اختلاط واخد وعطا ومجاملات يعني بيني وبينه وبين اللي موجودين !!

وكمان جو جديد عليي وما بعرف شو بدنا نحكي يعني طول الوقت مزال القعده طويله وفيها سباحه للولاد ..
ولو رحت ما بحب اعد مع الرجال واحكي معهم .. وصعب انو نفهمهم من اول مره وببيتهم انو ما بصير الإختلاط

وبنفس الوقت لو رفضنا عزيمته منخاف نعطي فكره مو حلوه عن انعزاليتنا وكذا ...
شو برآيكم التصرف الصحيح .. ولما بدنا نعتذر من العزيمه شو الكلام المناسب ؟؟

هو سآل زوجي : هل إنتوا بتحبوا التواصل يكون بيناتنا تواصل واجتماعات وعزايم .. ولا ما بتحبوا ...؟؟
زوجي عمل :humm::confused::huh: وكل آنواع الحيره والإستفهام لو بتحبوا ...


يلى بانتظاركم