شوفي عزيزتي ..
بعض الزوجات تكون ((هي السبب ))

على طبيعتها وتتكلم عند زوجها بالزين والشين عن اهلها ولا تحسب حساب ان اللي قدامها يسجل ويبرمج نفسه على كلامها ...

كثير منا تمدح في اهلها وتتكلم عن حياتهم وعن مادياتهم وعن افعالهم المشرفة وعن بطولاتهم ..... ما تدري ان زوجها يرى من كلامها انها تنتقصه هو ...خاصة ان كان ما يقدر او انهم مش من نفس الطبقة الاجتماعية و المادية
مش بالضرورة انها تقول له انت ما تقدر ... او انت ما تسوي مثل اهلي .... هو يعتبرها تقول كذا
لان الرجل بطبيعته غيور جداً من اي رجل تذكره زوجته مجرد ذكر .
لذلك وازني بين مدح اهله ومدحك لزوجك ...
النقطة الثانية .. اذا كان بين الزوجين مشاكل و كانوا اهل البنت مطلعين على ادق التفاصيل ... فطبيعي انه اهلها بتكون ردة فعلهم تجاه زوج البنت الكره او البغض ... ومهما تصلحت الامور بيخصل الزوج انه سبق وحصل مشاكل بينه وبين زوجته والناس كلهم عارفين والبعض من الازواج يفضل الطلاق على الفشيلة.

((لذلك نصيحه )) مهما حصل بينك وبين زوجك لا يدرون اهلك ..لانك بتتصالحين مع زوجك وترجع الامور لمجاريها بس اهلك بتترسخ صورة الرجل السيء في عيونهم وبيزعلون عليه مهما كانت اموركم زينه .

ان كانت الامور كذلك عندك ...

فعلاجك هو ...
اشكري في زوجك عند اهلك بس بدون مبالغات ... مثل قول ( ربي يخليه لنا .. ما قصر معنا .. )
وكذلك عند زوجك ...امي تسلم عليك .. امي تدعي لك .. اهلي يعتبرونك مثل ولدهم .. ما ناقصنا الا وجودك ... في المناسبة الفلانية الكل يسال عنك يقولون مانقصنا غير حضوره ... او ان اهلي يوصوني عليك كانك ولدهم
ومن هالكلام اللي يلطف العلاقة بين اهلك وزوجك .. خليه يعرف انهم يحبونه وانهم يشرفهم انه زوج بنتهم

وبالنسبة لخروجه ان كانوا اهلك موجودين ..
كثير من الرجال يسوون كذا ... حتى لو يموت على اهلك ... بس هو ينحرج ان كان الاثاث موب قد المقام .. يحس انه مقصر ..
أو انه يبغاكم تاخذون راحتك . او انه يحس ان حماته تستحي منه لذلك يطلع من البيت علشان تاخذ راحتها . والبعض يقول وش لي بالجلسة مع الحريم .


بس عزيزتي عندك نقطة في صالحك ... انه يقدر ويحترم ابوك وهذي اهم نقطة تلتفتي لها ... لانه دامه يحترم ابوك ..فان شاء الله ما بيضيمك ولا بتحصل بينكم مشاكل لان احترام الزوجة من احترامه لاهلها .

والله يسخره لك ويسخرك له ويجعلك قرة عين له ويجعله قرة عين لك ويرزقكم الذرية الصالحه .
لا تنسيني من صالح دعاك

ليش حبيبتى يكره امى عنه ما حبها مش ميته من غير حبه بس لا يمنعنى عنها ومن برها وليش تروحى لاهلك كل اسبوعين
حبيبتى فيه مثل او مقوله مادرى بس عندنا فى الحجاز تقول <موكل يوم ام < يعنى مهتنا كبار لله يطول فى اعمارهم لازم نكون جنبهم برى با مك ولا عليك فيه بس لا تقصرى معاه

الحمد لله يحب امي واهلي وبالذاااااااااااااااااااااااااات ابووي
لان اهلي يحبوووه ويحترموه
وغيررر كذا احنا اقارب
واالله لايغير الحال
اللهم اني استودعتك

انا زوجي يكره امي وابويا واخواني ويهاوشني ادا جبت سيرتهم كله بسبب اهله حسبي الله على اهلة

يحب ابوي و امي و يقدرهم و يحترمهم