الأهل يضلوا أهلك لو قطعوا راسك

لا تنظري لمساوئهم ولو كانت كلماتهم جارحة

بقدر ما تري كيف هم فرحوا بك وبطفلك وكل شيء زين

الله يوفقكم وييسر أمركم

السلام عليكم ورحمة الله وبركاته
القصة هي انه عندي صديقة و هي من دولة خليجية و زوجها من دولة خليجية اخرى.
انا لازم اقول اللي صار بالتفصيل . و الكلام اللي انا الحين باكتبه على لسانها .
القصة و مافيها
قبل كم اسبوع من موعد ولادتها كانت تطلب من امها انها تجي عندها( لانه في ولادتها الاولى جتها الولادة قبل اسبوعين من الموعد) ولكن كانت امها تقول لين اختج تخلص تدرين السياقة و تاخذ الليسن. طبعاً هي يأست و كان زوجها يقول انه الليسن يتاجل و الولادة ماتتاجل يعني انهالازم امها تبدي الولادة قبل الليسن و قال لها انه مابيتصل على اهلها لين دخلت المستشفي الا بعد ماتولد و تترخص من المستشفى, و هني هي خافت انه هذى الحركة بتتسبب في مشكلة بين الاهل.( و الصراحة معاه حق اي اوله). المهم طبعاً هي يوم دخلت التاسع كانت فيها اعراض الولادة و الالام العادية في البداية وكان التخطيط يبين انه في انقباضات الولادة و لازم الدكتورة تسوي لها فحص لان الولادة الاولى كانت قيصرية فكانو متخوفين, ولكن هي رفضت وقالت حق الدكتورة انها ماتبي فحص خايفة من الولادة وامها مش معاها.وبعد اسبوع او 10 ايام من الموعد حظرو اهلها عندها امها و خواتها. ولكن اللي صار انها ماكانت مجهزة لهم شئ ( يعني اكل) لانه مثل ماقلت فيها الم الولادة وباقي كم يوم على الولادة.المهم وثاني يوم ودتهم السوق ( ساقت السيارة بنفسها مع انه الام عندها رخصة سواقة و الاخت رخصتها جديد وعشان مايقولون خلتنا نسوق و ريلها ماودانا مكان ) لان السيارة ماتساع انه يروح معاهم.و اليوم الثالث كان عندها موعد في المستشفى(الفحص الدوري حق الحامل)من بعد هذا الفحص دخلت في الام شديدة للولادة وبعد عناء طويل كانت الولادة قيصرية. المهم هي في المستشفى لمدة 5 ايام وكانت امها دوم مكشرة و مكتأبة و هي بدل ما حد يعتني فيها و يسالها شو صحتها هي اللي تسالها شو فيج , ليش ماتاكلين , ليش ماتشربين والى اخره يعني شايله همهم و هي مريضة. ومرة في المستشفى كانت جالسة على السرير و كان ولدها الكبير يرفسها قام ابوه وشاله وضغط عليه علشان يهدأ لان هي كانت فيها جراحة و في يدها الابرة مالت المحلول وطبعاً ولا وحدة فيهم حركت ساكن الا هو و قامت وحدة من خواتها وقالت له مسكين يعور القلب لاتعور قلبه هو رد عليها وقال لها لوسمحتي لاتدخلين بيني وبين ولدي و قامت من مكانها و زعلت و صاحت.المهم بعد ماترخص من المستشفى ورجعت شقتها طلعت بعد كم يوم مع زوجها و راحت بيتها اللي هو قيد الانشاء و لازم تروح و تتأكد من الصبغ اللي هي مختارته و تعتمده علشان تروح بيت اهلها. و طبعاً الام حطت في خاطرها تدرون ليش؟ (لان البنت ما استأذنت من امها علشان تطلع و تروح مع زوجها و تشوف بيتها؟؟؟؟)و لان زوجها بعد اللي صار في المستشفى مايكلمهم البنات لانه تعب و هو يداري خاطرهم و لا يزعلون. فكان الكل اللي في البيت مكشر و نافخ ويهه واولهم الام. وطبعاً كانوا دوم يتافففون و دوم متنرفزين على ولد اختهم و دوم يسون حركات بويههم من ورا ظهر الزوج و الى اخره. و مرة كانت صديقتي مع اختها حصلت مشادة كلامية صغيرة و الزوج ماعجبه لانهم ماراعوا انها مريضة,وقال انه مالازم تروحين بيت اهلج بيتج احسن لج على الاقل محد بيزعلج زانتي في هذي الحالة بس هو كان قصده انه الاخت لازم تعرف انه زوج اختها مايعجبه انه حد من خواتها مايحترمها و لايقصد شئ ثاني. طبعاً الام شو قالت لها ليش انتي دوم تتشكين انه خواتج يزعلونجو انه, وانه. طبعاً هم مو عاجبهم ان الزوج مايرضى على زوجته(غريبة والله) و من بعد الكلام مع الام و الخوات قامت الاخت و طلعت كل اللي في خاطرها من ناحية الزوج شو كانت تقول انه كان يتنرفز عليهم في المستشفى لانه هو ينتظر برع ولا وحدة فيهم تروح وتطمنه على زوجته و انه يتحلطم من ورا الام و انه يقصبهم على سياقة السيارة مع العلم ان الاب هو اللي طلب من زوج ابنته ان يخليها تسوق السيارة و الام بعد زعلت و كان الزوج قصده من سياقة الام انه في حال صار شئ و هو غير موجود الام تاخذ على الوضع ماترتبك ولانهم بعدين في البيت الجديد بيصيرون راعين البيت و يدخلون ويطلعون متى مايبون و السيارات تحت يدهم في اي وقت و تقول الاخت انه مايسلم عليهم ولازم نحب يده علشان نسلم عليه وطبعاً الزوج كان يسمع و زاد الكلام الطين بله و صديقتي انقهرت لانهم كلهم مو عاجبهم الوضع وكانوا يهاجمونها و مو عاجبهم كلام الزوج و صاحت وتالمت من جرح القيصرية و كانت تقول حق زوجها مابي مشالكل .و طبعاً صار في تاخير انها تروح بيت اهلها لان بيتها لازم توافق على اللي اختارته و الا الشغل كله بيوقف. المهم يوم صار انه زوجها حجز حق السفر قامت الام و بكل فرح غرييييييييييييييييييييييب قالت انها بترجع قبل لان البنت على خطوط ثانية فقالت الام انها بترجع قبل علشان تجهز حق بنتها الغرفة وطبعاً راحو قبل يومين من حجز البنت. هل هذا التصرف عادل؟؟ و لكن في هذا اليومين محد اتصل فيها و لا سال عنها و لا على عيالها . قام الزوج و اتصل في الاب و الام ردت و سالها ؟؟ شو فيكم اول مره يصير انكم ماتسالون عن بنتكم ؟ في شئ صاير و هي كانت لين ذيك اللحظة تنكر انه في شئ ولكن الاب كان يقول لها قولي له ليش ماتقولين. وتغيرت اللهجة و اخذ الاب التليفون وقال له انه اول صدمه انصدموه انه صديقتي ماسوت لهم غداء (مع انهم واصلين المغرب يعني وقت عشاء و كان الزوج بيطلب عشاء من برع لان الزوجة تعبانه) و الام من وراه تقول انه احنا مابني عنكم مرة ثانية و بناتنا مو مرتزقة و انك غلطت على ام زوجتك وانه لين اتزور اهلها ماتيب معاها هداية و انها مقحطة و انك ماطلعتهم و فسحتهم و انك لين تزورنا و تيب اكل ماتطلع الا وانت مخلص الاكل و انه ماعنكم في البيت عصير و فواكه انه نكذب عليهم بخصوص الصبغو انه عمتها ازواج بناتها هم اللي يشترون لها التذاكر( شنو تفهمون من هذا الكلام) و ان بنتي حمارة اذا يت البيت واذا يت بتشوف شئ ماشافته؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وطبعاً الزوج مارضى انها تروح بيت اهلها خايف عليها وانها مريضة تبي مساعدة مو هواش و يوم عرفت البنت بالكلام اللي انقال ارتفعت حرارتها لمدة يومين وهو شال عنها التلفونات لان الاب يبغي يهاوشها و لان البنت ماترد اتصلو على الزوج و سالوا عنها قال لهم انها مريضة حرارتها مرتفعة وانه مايبي ابوها يكلمها لانها مريضة لانه بيهاوشها ردت عليه الام و قالت له عادي ابوها خله يهاوشها. (يعني بينوا حق الزوج انهم غير مبالين لوضع بنتهم المريضة عادي يهاوشونها و هي بعيد عنهم لاحول لها ولا قوة) . وبعد ماتعافت البنت كلمت الام و الام ماكثرت خبر استلمت البنت و كانت تكلمها باسلوب استفزازي كانها تكلم وحدة من الشارع مو بنتها و مو راضية انها تتكلم عن اختها و من تتكلم ترد عليها مو عاجبها . والبنت لين هذا الوقت ماغلطت فيهم (فشلوها عند ريلها ).

البقية تاتي ولكن من الكلام المكتوب عطوني رايكم

للرفع

المثل يقول (اهلك لاتهلك)
وأنا ماعندي شي اقوله ‘لأن الزوج جزاه الله الف خير ماقصر بس يقدر ياخذ عليها ثلاث حريم وأهلها يضلون تاج راسها..
وأنا لو منها احاول ماتكلم عن اهلي عند زوجي الا بالخير علشان مايجي يوم يقول لو في اهلك خير ماقلتي عنهم ذاك اليوم، وذاك الحين، ويدور لها الزله..
وأهلها غلطانين 100% بس يضلون اهلها وهو ولد الناس..
وصدقيني مافيه اهل يتمنون لبنتهم الشر بس شكلهم ماعندهم حسن تصرف ولا حكمه!!
مدري كلامي صح ولا لا؟؟
بس انا دائما حاطه اهلي في القمه عند زوجي وكلنا عارفين ان الاهل دايما يكون بينهم شيل وحط وهواش بس فتره وترجع المياه لمجاريها..
الله يكون بعون صديقتك وأنصحيها بسهام الليل اللتي لاتخطئ والله كريم رحيم بعباده..

السلام عليكم ورحمة الله وبركاته

اشكر كل من:
عاشقة البعيد
*راجية رحمة الله*
المتلالاة
نهر العسل
الثلاثينية
بنيتـون
رحــيــل
اجمل الزهور
على تجاوبكم و صراحتكم
لكن المشكلة اكبر من هذا الكلام
و البنت مسكينة ماوصلت حق الزوج اي كلام بالعكس هي كانت دوم تذكرهم بالخير ورافعة مكانتهم عالية عند الزوج لكن هم اللي كلموه و خبروه بالكلام كله.
و ثانياً اتهموه بالتزوير و النصب و الزوج الحمدلله راتبه زين هل هو محتاج ل 600 درهم يحطه في جيبه , و هل الزوجه طول الخمس سنوات مغشوشة في الزوج