سؤال يابنااات تكفون ساعدوني

اولا اذا رز ابيض

تكونين غاسله الرز وناقعته مده نص ساعه
ممكن تحطين زيت وبصل وتحمسينه على النار انا استغني عن هالحركه

وتحطين الرز والمويه وملح وماجي ابيض وحبتين هيل مفتوحه شوي ورقه غار وتخلينه على نار عاليه المويه تكون فوق الرز ب1سم
واذا شرب نص المويه قصري عليه النار وغطيه وبعد مايشرب كل المويه احسبي له ثلث ساعه
واذا قصرتي عليه قلبي الرز بشويش عشان يكون استوائه واحد مايكون اللي تحت منعجن واللي فوق نثري

جزااكي الله الف خير اختي بس كم مقدار الملح والماجي بالنسبه لكوب رز كم يحتاج ؟

كل كوب رز كوب ونص ماء .. والرز يكون مغسول ومنقوع
اغلي الماء وحطي هيل وقرنفل وورق غار وماجي ابيض وملح وملعقه زيت وذوقيه اذا يحتاج ملح او لا
وحطي الرز والماء يغلي وخليه لين ينشف شوي وقصري عليه لين يستوي
وتقدرين تذرين صفار الزعفران او تحمسين بصل مع بهارات وصفار زعفران وتحطينها فوقه

جزااك الله الففف خير اخت مخملييه بس سؤال اخير هل اغطي القدر او اخليه يطبخ وهو مكشوف واللله يرزقكم كل الي تتمنونه ياارب

خلي الغطاء في البدايه مكشوف والملح كل واحد على حسب الكميه اللي يحبها انت اول حطي نص الملعقه الصغيره والماجي ربع الملعقه الصغيره ولما تغلي المويه ذوقي واهم شي ان المويه تكون مالحه شوي لان الرز يحتاج ملح
يعني لايكون ملح المويه زين لان الرز بيكون قليل ملحه والافضل ملح خشن