سؤال يا بنات

والله يااختي هالشي بيد الله سبحانه

يمكن بيوم وليله تولدين

الله يسهل عليك وتقومين بالسلامه:26:

و الله ما عندي فكرة ........هالتغيرات كم تستمر
عالعموم انا اشوف بعض الناس طبيعتهم من اول التاسع يولدون و ناس يكملون التاسع و العاشر بعد و يالله يالله يولدون
انصحج قبل الموعد 15/6 باسبوع خذي اجازة
الا اذا كنتي تبين الاجازة كلها بعد الولادة و تخليها للبيبي ،،،،،،،اصمدي لآخر نفس في الدوام

مب شرط تولدين في نفس اليوم..نادرا ما تولد المرأه في نفس التاريخ اللذي يحدده الطبيب..ممكن يكون قبل الموعد بأسبوعين و بعد الموعد بأسبوعين بعد...اخر موعد للمرأه انها توصل الاسبوع الثاني و الاربعين..و بعدين يتوجه الطبيب للطلق الصناعي بسبب الخوف من ضعف المشيمه و عدم مقدرتها اعالة الجنين...
و غالبا اذا كنتي بكر راح يطوف موعدك..عليك بالمشي و الابتعاد عن المحرضات الاخرى لان ضررها اكثر من نفعها..

اما عن المغص فهذا شي طبيعي و يختلف الاحساس من مرأه الى اخرى..في حريم يحسون بها قويه و حريم ما يطلع الا بالجهاز..و في علامات اخرى تعرفين بها قرب الولاده...مثل تقارب المغصات بين كل وحده و اخرى 30 دقيقه و بعدين10 دقائق و بعدين خمس دقائق و تكون من القوه حيث لا تستطيعين الكلام او الوقوف خلالها..
كذلك نزول بعض الدم او نزول الماء المحيط بالجنين...
و في الوقت الحالي ريحي بالك بعده وراك شهر و يمكن اكثر...
اما عن الاجازه انصحج تاخذين قبل الموعد بأسبوع...و ان شاء الله اكون افدتج
:24:

عني انا اذكر ان ولادتي المتوقعه يوم خميس 11-11 وولدت يوم السبت 13-11 يعني بعد هالتاريخ بيوم واحيانا تكون الولاده خلال التاريخ اللي عطوك وترى من حرمه لحرمه يختلف بس انتي امشي زين والله يسهل عليك