سؤال يراودني

حتى في الواقع الشخص الي يعاني تحصلين الي حوله يملون منه ويشوفونه ثقيل على نفوسهم. وقليل الي تشوفين يجبر الخواطر.

معاش حق
آخر الموضوع لحنته

كلامك مكرر ترليون مره سبقوك كثير كتبوا نفس فكرة الموضوع بطرق مختلفه
واعتبر كلامك فيه نوع من التعميم او محاولة قمع لآراء الاخرين
وياليت حطيتي لنا مثال عن الموضوع او العضوه اللي تقصدينها عشان اعرف كيف اجاوب وافهم على اي اساس تبنيتي هذي الفكره
وبس خليني اوضح لك شي اغلب العضوات القديمات يعرفونه وشهدوا عليه وعاشوا تفاصيله
من كم سنه كان في عضوه معانا لها سنوات تكتب مواضيع عن حياتها الشخصيه والمصايب والمآسي اللي تمر فيها الى ان وصلنا لمرحله قويه جداً من التعاطف لدرجة ان اغلب العضوات ينامون ويصحون على موضوعها وينتظرون منها أي جديد يطمنهم وصفحات مواضيعها بالمئات كلها كلام مواساة وتعاطف ودعاء وناس تبكي وناس مكتئبه وناس اهملت حياتها الشخصيه بسبب تأثرهم معاها ومو بس كذا في بنات ارسلوا لها مساعدات ماديه من كثر ما قطعت قلوبهم واخر شي اكتشفوا ان كل اللي عاشوه كذب في كذب والدعوى كلها واحد نصاب جاي يستدرج وياخذ المقسوم بالاستعطاف والاحتيال واسألي القديمات يأكدون لك وصدقيني الكلام مو مثل اللي عاش التفاصيل شهور طويله من الخداع واستنزاف المشاعر على الفاضي
واللي ما تتعلم من هذا الدرس بيكون عندها مشكله في شخصيتها
وهذا غير سالفة هذيك العضوه اللي كذبت على نفسها بالموت وخلت العضوات تنفطر قلوبهم ويحزنون اخر شي يطلع كل شي كذب في كذب
فلا تلومين الآخرين اذا قالو فلانه تكذب خاصة بعض العضوات يكون الكذب واضح وموثق بمواضيعها السابقه
ليش تبين الناس كلها بنفس مستوى الفهم والادراك وشغلتهم بس التصديق والتعاطف والطبطبه بدون تأكد ؟
ورغم كلامي اللي كتبته هذا لا يعني اني مع سالفة اننا نكذب أي وحده تكتب موضوع
لكن مثل ماوضحت في عضوات واضح كذبهم وتناقضهم بمواضيعهم محد افترى عليهم
يعني خففو التعاطف اللي في غير محله لانه يضر ما ينفع

المفروض الواحد يكون معتدل بمشاعره ما ينساق كثير لدرجة تتأثر نفسيته و لا يكون بارد بدون إحساس
و أي موضوع ينزل المفروض تتوقعي صدقه و كذبه و تردي على الموقف أو المشكل فقط بغض النظر عن مصداقيته حتى لو كذب تظل وضع قابل للنقاش ممكن بيوم يصير نفس المشكل مع عضوه ثانيه فتعرف تتصرف ساعتها
و الإنسان المفروض يكون محترم بردوده حتى لو شكك بمصداقية الموضوع
صدقت ساعات تقرين ردود سلاطة لسان حرفيا تستغربي بشخصية إلي كاتبته وتقولي الله يعينها على نفسها وإش حامله بداخلها 
و إلي تنزل موضوع لازم تتوقع كل شيئ عشان ما تتعب نفسيتها
الله يهدي الجميع ماهو إلا واقع إفتراضي فيه أشكال و ألوان لا تخليه يأثر بحياتك حتى إلي تتطاول عليك إحقريها أحسن ما تستاهل لا تعطيها أكبر من حجمها لا ستهلكي مشاعرك عشانها

البعض ماتخاف رب العالمين وتتذكر ان كلامها بتتحاسب عليه الله يوريهم بس هذا الي اقوله اتذكر كتبت موضوع افضفض وجت وحده كتبت لي كلام يجرح والله