الاخت سولوفانتي هي الملح مجربه ومضمونه اخاف تحرقه؟؟

لا ياقلبي الملح حار على الطفل انا بنتي كذا ومن يوم ماجبتها واللحين عمرها 9 شهور ومستمر ووديتها كذا استشاري كله قطرات ومراهم وقالوا افضل شي المساج

وهذا يمسى انسداد في القناة الدمعيه ولايضيق صدرك عندك الى السنه لان اغلب الاطفال و90بالميه تفتح من دون تسليك وقبل مايتمون السنه

وبصراحه فيه دكتور راشد فطاني بمستشفى الحبيب كان انتي من الرياض او بريده احجزي عنده لانه عليه ضغط ومزحوم وخليه يشوف ولدك انا وديت له بنتي عطاني مضاد لانها تلتهب وتصير حمرا وقالي مساج غير عن الدكاتره الي قبل وقال لي لك فرصه الى اذا تمت 11 شهر واذا مازانت لاقدر الله نسوي لها تسليك
بس احرصي على تنظيف الغمص بمويه دافيه وياحبذا لو يكون مقري وبقطن مصري اصلي ولا ترجعين تمسحين بالقطنه مره ثانيه

ان شاءالله استفدي مني وانا اختك ... الله يشفليهم ان شاءالله ولايحتاجون تسليك ياحي ياقيوم :)

الله يجزاك خير ياأم رافد بغيت أسأل اغسل عيونه بمويه عادية والا بماء صحه؟؟

الاخوات اللي علقو وقالو الملح حار وماينفع .... ماشي
انا قلت ذرة ملح صغيرة جدا ... توضع بمائ دافئ (صحة مو من الحنفية) .... هذا شفته ببرنامج اوبرا وينفري سواه الدكتور اوز اذا متابعين فقراته الصحية ببعض حلقاتها ... والطبيب علق ان محلول الماء والملح المخفف (كلوريد الصوديوم) هو من السوائل الطبيعية التي يفرزها جسم الانسان ويتعامل معها بصورة طبيعية غير سمية او معقدة كما في حالة الادوية الكيميائية الاخرى والمعقمات والمحاليل
واذكر علم الجمهور طريقة غسل الانف والعين بهالمحلول ... والعين جاب مايشبه الفنجان موية مع ذرة خفيفة ملح بالكاد يبين طعمها وعلم الجمهور كيف تستعمل لغسيل العين وتعقيمها ( خلا الحرمة تنزل راسها وتلصق عينها بالفنجان وطلب منها تفتحهم جواه المحلول وبعدين بس كم ثانية وبعدين تمسحها عادي ... وقال انها نفس القطرات .... حتى لما استنكر بعض الجمهور وخافو من الملح قام قالهم والدموع ؟ طعمها كيف ؟ ..... الدموع مالحة وماتاثر على العين الا تغسلها وتطهرها .
عموما انا جربت الطريقة اللي علمتك مع بنتي وقلتها للدكتور وماعلق ان تصرفي غلط وغير كذا البنت تحسنت كثير ولله الحمد.... في حين كنت لما استعمل لها القطرة المضاد الحيوي لاحظت ان عين البنت كانت تتهيج بقووة وتجف وتطلع محمرة وقمت قريت روشتة القطرة لقيت لها مضاعفات جانبية وممكن تسبب مياة في العين والتهاب قرنية كاعراض جانبية فقطعتها عنها على طول ... بس تدليك وملح وموية والحمد لله تحسنت
وعلى فكرة في قطرة مشهورة بالاسواق اسمها الدموع الاصطناعية ( رفريش) قطرة مطهرة ومرطبة للعين .... تكوينها كلوريد الصوديوم وماتحتاج وصفة طبية لانها مجرد تغسل وتطهر تجي في علبة كبيرة والقطرة في عبوات صغيرة كثيرة بلاستيكية اذا سبق ومرت على بعض الاخوات ويعرفوها .
ايضا قطرة انسداد الانف المشهورة سالينوز ... هذي شوفي مكونة من ايش ... بس حاجتين موية وملح ... محلول كلوريد الصوديوم
ومعروف ان القنوات الانفية مرتبطة ومفتوحة على قنوات العين الدمعية ... فلو في الملح ضرر ما استعمل اصلا لهالمنطقتين الحساسة

انا عطيتك حل من واقع معرفتي وتجربتي وخبرتي كأم .... والاهم لو ماجربته مااقترحته عليك وانتي لك مطلق الحرية اختي العزيزة وعاذرتك تخافين .... كلنا نوسوس شوي ونتردد الف مرة اذا المسالة تتعلق بعيالنا

لاتقطرين ولا تحطين بعين البيبي شي علشان ماتلتهب ..

طبيعي هالشي ياقلبي لاتقلقين .. مثل ماقالوا الأخوات انسداد في القناة الدمعية ويجي أطفال كثير

بنتي كانت كذا وقالت لي الدكتورة لاتستخدمين أي شي بس مسحيها بقطنة وموية دافية معقمة

ومع الوقت بتخف .. وفعلا لما كملت 6 شهور اختفت تماما ..

نادرا يستمر لبعد السنة .. بس اذا استمر بعد السنة لازم تراجعين طبيب عيون