السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
شدني موقف حصل امس وهو يتكرر كل ساعه في ارجاء الوطن
كنت طالعه امس مع زوجي وعند التقاطع شفت سياره صادمه سياره على خفيف سياره سعودي مع عائلته والغلط سياره راعي التاكسي المهم جلس الهندي الي بالتاكسي
يتهاوش مع السعودي وهو بمقعده ( وفوق هذا مغلط ) وجلس يتشاد معاه بالكلام
وسيارتنا كانت وراء السعودي المهم
انتبهت ان بالتاكسي كان في حرمه وشكل بعد راعي السياره انتبه
(لحالها مامعها احد لا طفل ولا حرمه ولا ولد ولا شغاله لحالها )
قلت لزوجي دقق هرنات خله يطلع لا يسوي مشكله ومعه بنت
دقينا هرنات والسعودي انتبه الله يجزاه خير ان بالسياره بنت وراح
وهذا ولد حلال ولو ان الصدمه كانت واضحه بسيارته بس مشى ومابغى مشاكل
الخلاصه من الموضوع:
الحمد الله ان البنت الي مع التاكسي الله رزقها من الي دعمها كان رجال مع عائلته
لو كان شباب الي بالسياره شكان موقفها
او لو واحد عصبي وسوا مشكله مع راعي التاكسي ضربه او لحقه بالسياره
طيب هل كانت طلعتك ضروريه او كماليات وسعه صدر ومسيار
وهل الزوج والابو والاخو يسمح لمحارمه يروحون مع التاكسي
كذا وحده سالتها من الي يركبون التاكسي قالت لي زوجي او ابوي ماتسمح ظروفه انه يوديني ويجيبني
لازم اولياء الامور يفضون من وقتهم او ينظمون وقتهم لان البعض وقته ضااااااااااااااااااااايع على الفاضي وعلى الشله:30:
الرجاء الرد من الجميع
وجعل هالغيره على أخواتك المسلمات في ميزان حسناتك
فعلا الوحده المفروض ماتروح لوحده مع اي تكسي اولوموزين على الاقل ماتضمن غدر هذا الإنسان ويكثر مانسمع عن القصص اللي تصير لبعض النسوان بسبب خلوتها مع سائق التاكسي
اذكر لك قصة سمعتها من صاحبة القصة نفسها وهي ترويها على مجتمع نسائي كانت فيه ...... تقول كانت تعمل في احد المستشفيات وكانت لديها مناوبه تلك الليله وعدما انتهى دوامها في الصبح أخذت تاكسي علشان يردها للبيت
المهم تقول اول مابدأ معي بالسواليف وبعدها وش تحبين تفطرين وكل شوي يجيب لها صنف تفطرين كذا والا تفطرين كذا ......تقول من الروعه ماعرفت اتصرف كنت اقول لا عندي الضغط ذا ما اكله وذا عندي السكر مااكله
تقول شوي الا يحرف طريق البيت ويروح لطريق ثاني يخرج خااارج المدينه .......... تقول سرت اسأله انت وين رايح ارجع ارجع ......... تقول مافيه فايده ....آخرشيء فتحت باب السياره ورمت نفسها منها ..........والله ستر عليها ماتكسرت عظمها بس جتها رضوض وتسلخات من الاسفلت .......... عااااد تقول يوم يتجمعون عليها الناس ويسألونها
عن لوحة السيارة .........قالت ما أدري مسكييييييييييييييينه ....أهم شيء ان ردت لبيتها سالمه
وعلشان كذا أختي موضووووووووعك في غاية الأهميه لازم لازم وضروري ان الوحده ماتروح لوحدها مع رجل اجنبي ماتدري هو وش حاط في باله او ش نيته
:26: :26: