السلام عليكم ورحمة الله وبركاته
انا بصراحه من زمان عن عالم حواء اشتركت فيه زمان ونسيت كلمة المرور تبعي وماعاد فتحته ابدا بس الحين من الطفش في البيت فتحته ورجعت كلمة مروري الحمدلله وهذا اول موضوع لي وحابه تساعدوني الله يجزاكم خير وتدعولي :icon36:
المهم
انا انخطبت قبل سته شهور تقريبا وملكتي صارت قبل شهرين او اكثر
كنت في البدايه خايفه ومابي هالزواج ابدا بس بعدين حبيت خطيبي مررره
وصرت مستحيل يمر يوم علي وما ادق عليه ويصراحه انا حاسه اني كنت مقصره معاه كثير وماعطيته الحب الي يبيه بس هو كان يحبني من كل قلبه وربي ما مر علي احد في حياتي حبني زيه ابدا لدرجة انه من كثر حبه وشوقه نقص وزنه كثيير بعد الخطوبه
وبعد ماحبيته وتعلقت فيه راح مني:(
ربي اخذ روحه في رمضان
مات وتركني عايشه بصدمه مابعدها صدمه
والله يا اخواتي اني للحين مو مصدقه موته مو مصدقه انه رااااااح وخلاني
والله العظيم اني عشت بهم وضيق مايعلمه الا ربي
والحين صارت الدموع والطفش ملاحقتني
كل ما اشوف او اسمع شي اتذكره كل شي يذكرني فيه لدرجة اني والله احيانا اروح اجلس مكانه في مجلسنا لما كان يجي عندنا اتذكر كل مكان جلس فيه وكل كلمه قالها لي
وكل هديه اهداني اياها من قلبه
والله العظيم كان يقولي اطلبي الي تبينه انا جاهز لو تبين قلبي خذيه
ماحسيت بقيمته الا الحين
تصدقون اني ماعمري قلت له كلمة احبك؟؟؟:44:
احس حياتي صارت ماتسوى بدونه احس ان قلبي بيتقطع من شوقه
اشتقت لصوته اشتقت لحبه اشتقت لحنانه لما ازعل او اتضايق اشتقت لضحكته
اشتقت لبسمته الي ماتفارقه اشتقت لكل شي فيه
والله اني اكتب الحين ولاني قادره اشوف زين من دموعي
والله صايره دموعي تنزل لأتفه الاسباب صرت حساااااااسه زياده عن اللزوم
اي شي صار يبكيني حتى امس اختي كانت تتريق علي وانا اقولها بس وهي تزيد
وبعدين رحت الغرفه وبكيت !
والله صرت ادعي على نفسي بالموت احيانا استغفر الله
احس الدنيا قفلت ابوابها بوجهي
زمان كنت اخفي همومي وآلامي بأستهبالي وضحكتي الي ماتفارقني
اما الحين صار الهم واضح بعيوني حتى لو ضحكت يقولولي صحباتي ليه تضحكين بدون نفس؟ !
تدرون كم عمري والله العظيم اني في رمضان وبعد وفاته كملت 17 سنه
هو مات الله يرحمه في وسط رمضان(وهذا احلى شي انه مات وهوصايم الله يدخله الجنه يااااارب)
كان يقولي وش تبيني اجيبلك في يوم ميلادك؟
وفي اليوم نفسه الي مات فيه كلمته الصبح وقالي شي خوفني كثير بس خبيت خوفي وطنشت
تدون وش قالي؟ قالي انا بموت ياحبيبتي قلت له ليه بسم الله عليك قالي والله بموت وبتجيني سكته قلبيه لو ماشفتك لاني فقدتك مووووت كان يقولها بمزح وهو يضحك ماكان يدري ان كلامه بيصير حقيقه !
كان يقولي انه بيجي عندنا في اليوم الثاني ويبغاني اسويله سمبوسه بالبيض لانه يحبها
بس صارله حادث بعد ما كلمته بساعه ورااااااااااااااح
انا مادريت بموته الا في الليل لما قالي ابوي وعيونه مليانه حزن انا انصدمت بقووووووه
وبقيت ساكته منتظره يقول انه كان يمزح بس لما شفت الجد بعيونه
بكييييييييييييييييت بقوه في حضنه بكيت لين حسيت انه سمعني كل الي في العماره
بكيت وانا ماحس بالي حولي كنت ابكي بشكل يقطع القلب
وكل الي كان في بالي وقتها(ليه تروح وتخليني ليه تروح قبل ماتذوق السمبوسه من يدي ليييه تروح قبل ما اشوفك واودعك ياحبيبي !)
ورحنا على طول جده ونحنا طول الطريق نبكي ونئن بألم لانه كان ساكن في جده
اهلي واقاربي كلهم يقولون لي عسى ربي يعوضك بأحسن منه !
بس قولولي بالله كيف رح اعيش مع غيره وهو دايما في بالي وكل شي يذكرني فيه
احس انه بيزعل مني لو اخذت غيره
احس اني ابدا مارح اقدر اعيش مع غيره
مستحيل ألقى احد احسن منه ويحبني اكثر منه
بس انا ادعي ربي من كل قلبي انه يجمعني وياه في الجنه
يااااربي اذا كنت حرمتني منه في الدنيا فلا تحرمني منه في جناتك يا ارحم الراحمين
قلبي توجع لفراقه اشد الوجع
تدرون اني في اول يوم للمدرسه كنت احس ان الموت بيجيني
والله العظيم حسيت بألم مايعلمه الا الله كنت تعبااااانه وقتها حيييل
كنت احس اني مارح اقوم من فراشي وفوق هذا كله كانت همي اقوى واشد
بس رغم هذا كله تدرون وش صارلي
حسيت بشي داخلي يجبرني على اني ابتسم فوق دموعي الي تسيل وماوقفت
والله العظيم يا اخوات اني طالعت فووووق وابتسمت من كل قلبي رغم كل الالم الي فيني بس مادري وش السبب
كان فيه شي خلاني ابتسم غصب عني طالعت فوق وابتسم وكأن شي يقولي خلي املك بالله كبييييييير
ومن وقتها وانا بعد كل دموع وبعد ما ابكي ابتسم تدرون ليه
(لأن املي بالله كبييييييييييييييييييييييييييييييير)
اخواتي
انا ماكتبت هالموضوع الا عشان اقول لكل مخطوبه او متزوجه
تكفين قولي لحبيبك كل يوم كلمة احبك
ليه نحنا مانحس بقيمة الشخص الا لما يروح عنا (بعيد الشر عنكم)
ليه نندم اشد الندم اننا ماقلنا للشخص الي نحبه مشاعرنا قبل مايروح ويتركنا
تكفووووووووووون ادعولي من كل قلوبكم
والي تصلي الوتر في الليل لاتنساني من دعائها الله يجزاكم الجنه
ولاتبخلون علي بآرائكم وحلول لمشكلة الطفش والهم عندي؟
وربي كل يوم احس بطفش مو طبيعي لدرجة اني ابكي
لاتطنشوني الله يخليكم
يلزم عليك تسجيل الدخول أولًا لكتابة تعليق.
آمييييييييين ان شاءالله
ولاتنسوني من دعائكم حبيباتي
منورين موضوعي
الله يسسسعدكم
ولاتنسوني من دعائكم حبيباتي
منورين موضوعي
الله يسسسعدكم
لاإلهـ إلا اللهـ..
اللهـ يصبركـ اللهـ يصبركـ ويسلى قلبكـ وقلب والديهـ وكل من يعزهـ ياااارب
اللهـ يصبركـ اللهـ يصبركـ ويسلى قلبكـ وقلب والديهـ وكل من يعزهـ ياااارب
الصفحة الأخيرة
الله يعوضك خير منه
وينزل على فلبك الصبر والسلوان
الله يجمعك فيه بجنات النعيم