سااااااااااااااعدوني لو بكلمه تريحني

ااااااااااااااه ياربي بنات مااعرف اش فيني صارلي فتره احس اني مررررررررررره ندمانه على هذا الزواج اقتنع فتره ويمشي حالي بس بعدها ارجع انتكس قررررررفت كل شئ حتى عيالي مااحس ناحيتهم بالحب ومدري وش صح اخاف عليهم وقايمه فيهم من ناحية اكل وشرب ونظافه وبس ولحد هنا تنتهي علاقتي فيهم يعني اني اجلس معاهم والعبهم واحضنهم وادلعهم هذه كلها مو عندي ولااسويها لهم لانهم مرمين بكامل حملهم علي مافي احد يساعدني فيهم حتى ابوهم والله ماكأنهم عياله بالمره مايفكر فيهم ولايسأل عنهم ابد والله انه احيانا يجلس بالايام مايشوفهم ولاحتى يفكر يسال وينهم والا كيفهم وهم صغار اعمارهم 5 سنوات وسنتين حتى اذا رحنا لاهله بنتي الصغيره بس تبكي تبغاه واهله مستغربين يقولوا سبحان الله تحبه وهو ماقد شالها ولافكر فيها

ومعاي طبعا نفس مع اولاده مايفكر ولايسال ولايهتم والله اني مره جاني زي ازمة الربو وجلست اكح قدامه ابغى نفس بغيت امووووووووووت وهو ولاهمه يطفح في الشاورما حقته ويرجع يقول اوديك المستشفى بكل بروووووووووووود وطبعا قمت البس عباتي والبس العيال وانا بس اكح لين انجرح حلقي وصرت اطلع دم وهو ولاهمه طيب قوم لبس عيالك ساعد اي شئ

وترى طبعه كذا باااااااااااااااااارد والله انه يتهزا قدامي وينغلط عليه وهو يضحك وينسب ويضحك حتى زوج اخته طلق اخته وجاء عندهم البيت يبغى يرجعها وصار يغلط على زوجي ويسبه سب ويسب في ابوه وكلنا نسمع والاخ يضحك واخر مشكله واحد يصير لهم غلط عليه وصار يقوله كل تبن ومدري ايش وزوجي يضحك كالعاده قام اخوه الثاني اللي اصغر منه يدافع عن زوجي وتضارب مع الرجال وزوجي يتفرج والله اني صرت اكررررررررررررررررررررررهه اعوذ بالله لاشخصيه ولا شهامه ولافزعه ولامسؤؤليه ولاحب ولا اهتمام ولاشئ

وحتى غيره مافيه والله انه مره بالسوق جاء واحد ورانا يمشي ويقول يالبى قلبك وطالعت زوجي وضحك وقال الحمدلله يارب ويضحك قلت طيب خذ موقف هاوش تكلم قال اش اسويله يعني
والله يابنات انه هالرجال صار بس يلحق ورانا وقلبي طاح لانه شاف اللي عندي نعجه ماتكلم ولمن نزلنا المواقف شفت مجموعة شباب يناظرونا وبغيت اموت خوف لاني اعرف لو جو خذوني بالراحه لانه اللي عندي رجال مع وقف التنفيذ

بس خلاص مستعده اتحمل سلبيته واهماله وضعف شخصيته وكل شئ لكن من غير اهله

والله يابنات اني ذقت الامرين من اهله ومازلت اذوق وطبعا انا بزياده لانهم عارفين زوجي ووضعفه فكل واحد شاد حيله علي من مكان واذا رديت صرت قليلة ادب وحيوانه واذا سكت كلا ركب راسي والله اني في كل جمعه احاول اتحاشى فلانه وعلانه وكل اسبوع اقول الله يستر لانه ماابغى احد يغلط علي او يقلل من قدري وهم مو مقصرين ان سلمنا من الحماه ماسلمنا من السلفه ولو رديت انا الغلطانه الكلبه وزوجي اول من يغسل يده مني يعني مافي امل يوقف معي او حتى يدافع ابد ابد وعشان كذا صرت بس اتجنب اللي فيها شر واتحمل بعض الكلام واسكت على بعض الغلط ولو انه يجرح واللحين اخرتها اخته اللي باقي ماخرجت من البيضه تغلط علي وتنافخ وتقل ادبها وعشان اني سكت لها الاسبوع اللي طاف كررتها الاسبوع هذا واكيد الاسبوع الجاي

يارب فرجك والله قرفت كل شئ كل شئ من غير استثناء وصاير عندي اكتئاب حاد يكفي اني عايشه قدام الناس اني متزوجه بس في الحقيقه الزواج بوادي وانا بوادي مافي اي شئ مشترك بيني وبينه اذا جاء يسولف سولف عن النصر والهلال والتفحيط ونص الكلام الثاني بس يضحك ويضحك ويسوي حركات بوجهه غريبه

مدري كيف بس حياتي جدا ممله وحريتي مقيده وزوجي دايم مشغووووووووول من يوم اخذته وهو مشغووووووول ودايم اقول اصبري يابنت وبكره يتفرغلك بس للاسف مازال مشغول
كنت لين وقت قريب احاول احافظ على علاقتنا واحاول اصلح بيتي واحاول اكون زوجه صالحه وطبعا هذا كله عشان القى شوية سعاده او اهتمام بس للاسف اكتشفت ان العمر يجري والشباب قاعد يروح وانا انفخ في قربه مفقوعه

والله اني يابنات كل سته شهور احاول اتخلص من اغراضي القديمه لان كلها تمثل بالنسبه لي ذكرى سيئه كل شئ عندي يذكرني بالسنه اللي طافت او اللي قبلها او اللي قبلها ارميه من غير تردد حتى فستان زواجي والله اني اذا شفته تجيني تكه لين تخلصت منه حتى اثاثي كل فتره اغير مكانه وسريري غيرت مكانه وصور زواجي لايمكن اطل فيها ووووووووووووووووع احس بضيقة صدر لو شفتها وحتى صور شهر العسل ياربي اذا شفتها يجيني غثيان والله انه نفسي احرقها بس مدري ليش متردده لانه ببساطه اي شئ يذكرني باي فتره من زواجي اكره واكره شوفته

يارب فرجها علي يارب وجعل حياتي من اجمل مايكون ياااااااااااااااارب العالمين