ساااااااااااعدوني ولدي شيب شعر راسي

السلام عليكم و رحمة الله و بركاته أخواتي أحتاج مساعدتكم ولدي دخل الروضه و هذا أول واحد من عيالي يدخل بس أواجه معه مشاكل عديدة منها أول شيء مسكته غلط للقلم و حاولت معه و خبرت المعلمة علشان تلاحضه و اكتشفته أن عضلات يده ضعيفيه بديت أقويها بالمعجون و المكعبات و فيه بعض التحسن بس أنا أعرف أن أهم شيء التدريب بس هنا تواجهني مشكلة ثانية ولدي مشاء الله عليه كثير النشاط و يمل من الشيء بسرعه و يكتب شوي بعدين يقول تعبت كملي أنت و أنا أكون مخصصه له وقت عندما أرقد أخوانه الأصغر منه و ينتهي الوقت و نحن ما خلصنا جالس يتحرك و يركض من كل جهة و أنا وراه و الله تعبت ولد أختي معه في الصف ماشاء الله عليه يلون المطلوب منه في المدرسة و يخلص و الحبيب ولدي لأنه ما يركز و يخلص في الصف يرجع بالمطلوب البيت أنا ما أقارن بينهم و عمري ما أحسسه بالفرق بس لازم ألقى وسيلة تخليه يركز معاي و مع المعلمة و يعرف متى وقت اللعب و الدراسه فالله يخليكم عطوني حللول و تجاربكم و أذا تعرفون مواقع لتعليم اأطفال الروضه أو أفكار تحببهم في الدراسه و طرق التحفيظ قولوا و لكم خالص الشكر و الله أحس بالذنب اتجاهه و أبى أساعده بس المشكلة أني عندي ولدين أصغر عنه واحد سنتان و الثاني 5 شهور غير الزوج العزيز و طلباته و لا تقولون خلي زوجك يساعدني لأنه من المستحيل شغل البيت و رعايه الأطفال عنده مسوؤلية الأم المطلقة و هو لا له دخل غير طلباته ألي لازم تكون جاهزه قبل الجميع يعني الوقت ألي أخصصه للدراسه لازم ننجز فيه الشغل المطلوب