سااااااااااعدوني ودي اطلق؟؟؟؟؟؟

الله يهديكم يابنات شفيكم على الطلاق...
شوفي حبيبتي ..ايشفي زوجك عيب غير اللي ذكرتيه ..الثقل والبرود ..
وايشفيه من ميزات ..وقارني اي كفه ترجح ..
واذا رجحت الثانيه فالعيب اسمحي لي حبيبتي فيك .. لاتزعلين انت طلبتي النصيحه ..
يمكن للحين مادليتي الطريق اللي يوصلك لزوجك ..
وماعرفتي كيف تتعاملي معاه ..
وتوكم سنه ..يعني يمديك تعرفينه وتعرفين كيف تذوبين الجليد بينتكم ..
ولو صار لكم اكثر من السنه ومافهمتيه فمصيبه ...

حبيبتي صلي على النبي وانتي لسا في بداية حياتج الزوجية لا تهدمين بيتج بيدج حبيبتي وايد راياييل يحبون الوحدة الثقيلة حاولي انج تثقلين عليه ودايماً خلج في احلى صورة سواء بالبيت او برا واذا حسيتي انه قرب منج سوي نفسج مشغولة ودايماً ثقلي عليه بتشوفينه يركض وراج ولا تفكرين ابداً بالطلاق حاولي دايماً تتعدلين وتكونين متجددة ودام هو يبيج ثقيلة ثقلي شوراج صدقيني بتشوفينه اشلون راح يتغير وحاولي تتقربين منه بنفس الوقت يعني سولفي معاه ضحكي معاه وطلعي معاه بس لما اتحسينه ملهوف عليج ثقلي

:26:

حبيبتي سيرة الطلاق لا تجيبينها أبداً على لسانك أو حتى التفكير فيه ... لأنكم توكم جدد ... وما تعرفون بعض ....
نصيحتي أختى العزيزة بدل ما تفكرين في الطلاق ... فكري كيف تغرين زوجج ... كيف تلفيتين انتباه زوجج ... مو هو يبي وحدة ثقيلة ... خلاص كوني ثقيلة بس خفيفة في ثيابج .. تسوين حركات ... يلفت الإنتباهه .... مستحيل يكون بارد جنسي .... وهو توه متروج ....
إذا كان بارد ... أوكي ... حاولي تعرفي ليش .... يمكن فيج شي ضايقه ( يمكن أسلوبج معاه في الكلام .. أو أي شي ثاني ) ... حاولي تعرفي سبب البرود إللى فيه بس بدون إلحاح منج ... أكيد في شي ... ؟؟؟
وفي شغله وايد مهمة ... إللى هي لا تحطين في بالج إن زوجج بارد جنسي ... لإن هذا حيأثر فيج نفسياً ....
حاولي تغيري في نفسج .... ويلاحظ هالشي ... وإنج تغيرتي عشانه ... فهو من نفسه حيتغير عشانج ... إن شاء الله ..

الله يوفقج ويسعدج في حياتج ..... إن شاء الله ...

اخيتي ريم الريم
انا وانتي حالا وعيشتنا سواء ماعلينا سوئ الصبر وانا حاسه فيك واللي تعانين منه انا اعاني
منه صدقيني مالنا الا الصبر اكثري من قراءة البقره 7 ايام واكثري من الدعاء في جوف الليل
قومي اخر ساعه من الليل خلي نصها صلاة ودعاء واتي ساجده خلي جبهتك تنحفر بالارض
تذللي واخشعي لله وخلي عندك ثقه كامله بالله بان الامل يوم سيشرق وخلى النص الثاني
استغفار والله انا مجربه بنفسي انحلت نصف المشكله صدقيني ان الله مايخيب هالدموع
اللي مثل السيل على الخدود لادموعك ولادموعي ولاكل مهموم اكثري من الدعاء ان الله
يعصمه من البلاء وبالنسبه للفراش حاولي تشغلي نفسك باي شي في البيت تطلعي على الدوام
لاتتذكري الايام الحلوة اللي مرت بغرفة النوم ابتعدي عن الاشياء المثيره
حاولي يتدخل احد من الصالحين فهناك الكثير من الشباب يحاولون جذ ب الضائعين في المعاصي
لاتتركي اي حل اصبري ولن تندمي ولا يبتلى الا المؤمن وربما يكون تطهير لكي من الذنوب
انا مثل ماكملت السنه وزوجي الابارد ولا شي بس حيل بينكم وبين ماتشتهون
والله بقلبي كلام كثير لان واقعنا وحياتنا واحده...................الله يفرجه