سااااااااعدوني .. في بيتي فأر / تعديل

للرفع

نفس المشكلة


في غراء ينباع في الصيدلية جاهز محطوط في المونيوم مربع افتحيه وحطي في الوسط


جبنه وان شاء الله تمسكه وحطيها في المكان اللي شوفتي فيه فضلات الفأر



والله يعينك ويبعد عنا وعنك هالبلاوي

حطيله ربيان يابس وشوفي اشلون يجي طيران على الصمغ يبي الربيان
عن تجربه
انه اول مره يطلع لي في شقتي من تزوجت صار لي ست سنوات عمري ما شفت عندي بالشقه فار بس قبل ثلاث اسابيع زوجي سافر وانه رحت بيت اهلي يعني الشقه فظت مع العلم انه من قبل كان يسافر وتفظى الشقه بس ما شفت شي بس هالمره لانه البيت اللي مقابلنا يهدمون فهاجوا علينا الفيران تخيلوا انه طالعه من الشقه نظيفه وتلمع يعني مستحيل يصير فيه حشرات او اي شي ثاني بس بعد يوم من رجوع زوجي من السفر كنت بالمطبخ اعمل شاي مع بسكوت للعيال حسيت بحركه ورا المكروويف وشفت شي تحرك بس اعتقدت انه بريعصي ورشيت فليت وسكرت المطبخ وطلعتةوفي الليل رحت اسوي العشا لزوجي ولا اشوف اللي ارعبني مت من الخوف وطلعت وسكرت المطبخ وناديت ابو الشباب وجا هو استلم يدور ويرش فليت وايد عشان يدوخ لين بعد عناء ومطاردة لمدة نص ساعه داخ وطب بالمغسله وذبحه ابو الشباب بالنعال وبعدها حطيت لزقات وفيها ربيان يابس طبعا انه ما اعرف شي عن الفيران شغالة اهل زوجي قالت لي وكان يوم الخميس يوم زوارتي لاهلي وطلعت ورجعت بالليل وشفت الطامه الكبرى اثنيييييين يعني انه كنت اعتقد انه بس واحد وخلاص وطبعا انصادوا يعني كانوا ثلالالالاث بالمطبخ الظاهر جايين من البالوعه انه كنت ناسيه البالوعه مفتوحه والماي راكد وبس بعدها ما شفت شي ابد ولا اثر ولا شي والحمد لله بس شنو عشت في رعب مدة اسبوعين وانه ما انام الا من التعب الشديد يعني غصب عني تغمض عيوني واتفزز كل شوي من الخوف وطبعا لي الحين اذا دخلت المطبخ اتنافظ بس الحمد لله ما كو شي والله يبعده عنه

والله مافي شيء ماسويته أطرد الفأر ومافي فايدة واحد يطلع والثاني يدخل

واحد ينقتل والثاني يولد وآآآه ياقلبي

صمغ حبوب سم تبن كل شيء مافي فايدة

فكرت أجيب ديناصور مافي فايدة خفت لايأكله

سديت البيبان مال المداخل برخام وثبتها وحتى بيبان الشارع وارتحت وإذا بغيت أغسل الحوش فتحت شوي من بابا القراش وارتحت

ولله الحمد

فيران اليوم غير قبل

عندهم أفكار وحركات تموت قهر الله يقهرهم يارب

والله يفكك منها عاجلا غير آآجل