لا تتعجلي ..

لا يكون الحاجة بسيطة و لكنك كبرتيها ..

وش هي ؟؟

خلينا نحكم ..........

لا تتخذين قرارك بسرعة ..

في البداية كنا تمام وبعد يومين تغير .. يعني يعاملني بطريقة ابد مااحبها ويهزأ فيني ويهينني ويعامل اهلي بطريقة ثانية غير 180 درجة .. يصير كريم وطيب وخفيف دم
والشي اللي صار لي لما كنت صغيرة قام يمن علي ويقول لو قلتي لي من اول كان فسخت الخطوبة ويمكن واحد غيري مايرضى بك بس انا واحد طيب
واخوي الكبير الله يهديه في شوي حركات مو اوكي وقام يعلق ويقول انا لما قالوا لي قلت لهم انا اهم شي عندي البنت ما علي من اخوها بس لو واحد ثاني غيري كان مارضى بك
وفوق هذا يبي ياخذني ببلاش يعني البوفية من مطعم صديقه وبيعطيه ببلاش والتصوير بنت خالته وبتسويه ببلاش والصالة تبع صديقه وبيعطيه ببلاش .. يعني كفاية اني رضيت بمهر 25 ألف ومايعطيني مصروف واخذت شبكة مو مقنعة بها بس عشان رخيصة ومابغيت اكلف عليه غير الدبل اخذت نوعية رخيصة مع اني كان نفسي بدبلة ثانية بس عشان مااكلف عليه مااخذت الثانية واحاول ماعارضه بأي شي واسمع كلامه واجاريه حتى لو مو راضي .. وغيرها انه يحاول يخلق مشاكل بيني وبين اهلي وهو يطلع نفسه من المشكلة ولا كأنه هو اساس الموضوع
وبعد انه من يوم ثالث بعد الملكة كان يبي يلمسني ولما قلت له لسه ماتعودت عليك انتظر كل شي لاحقين عليه بس خليني اعرفك اكثر واحاول احبك وارتاح واطمئن لما اكون معاك قام زعل ولا اهتم فيني وقمت عشان ماازعله عطيته شي بسيط ولا راضي بعد وقام يقول لي لو ادري انك مابترضي تسوين اللي ابيه كان ماخطبتك وافتكيت منك ومن اهلك المتشددين بس في طريقة ثانية وهي الاغتصاب
وبعدها صار كل مكالمة بيننا كلها عن الجنس وكل مااقوله خليني احاول اعرفك واعرف اطباعك لازم هالشي عشان ماانصدم ولا تنصدم بأي شي بيننا مايقول لي شي
والحين صار لي شهر ولا اعرف عنه الا بس اللي سمعته من الناس واللي سمعته غير اللي اشوفه وغيرها لما اكلمه بالتلفون شوي الا اسمع صوت الجوال يجلس يلعب ولما اقول له ليش؟؟ يقول لما تسمعي صوت الجوال معناها ان موضوعك تافه ومايهمني وكل شوي يقول لي انتي وش خلقتك ؟؟ ماتعرفين كيف تكلمين خطيبك ؟؟ يعني كيف افهم فيك؟؟ ومرة من المرات شبهني بالبقرة قدام اختي وانحرجت بس سكتت
وكل مرة يجيني البيت يا اما يشاهد التلفزيون او يحاول يلمسني ويطلع ولا يصير بيننا كلام او نقاش ولا سوالف وطول الوقت انا سويت وانا قلت وانا وانا وماادري ايش ولا يسأل فيني
يعني تخيلوا حتى وهو رايح الحج مايتكلم الا عن الجنس ونفسي ونفسي ويقفل.. ومرة قلت له مااحسك مشتاق لي بجد وسألته انت مشتاق لي ولا مشتاق للي فيني ؟؟ قال مافي فرق وش فيك انتي؟؟ ماتفهمين خلاص زعلت.. يعني حتى الاشياء اللي يقولها عاقل مايقولها احس اني مااكلم واحد طبيعي
تخيلوا بنات؟؟ تونا اول شهر وهذي حالته اجل بعدين وش راح يسوي؟؟

لا تستعجلين في الرفض ..

انتظري

و لا تستعجلين في الزواج ..

يمكن في أشياء ما عرفتي تتعاملين معاه فيها ..

يمكن توقع منك أشياء تسوينها له و ما سويتيها له ..

مثل : كلام حلو ، و هو على باله لما ما قلتي له الكلام الحلو إنك ما تحبينه ..

أو أي شيء ثاني ..

المهم حاولي تتحاورين معه هالأيام كثير عشان تعرفين شخصيته تماااااااااااااااااااااااااااام ..

و بعدين تحكمين عليها ..

أما مسألة إنه يتمنن عليك فقولي له بصراحة : وش قصدك لما قلت هالكلمة ؟؟
إذا مومقتنع فيني قل لي من الحين .. و يمكن يعترف بشيء في خاطره ..

أكثري من الدعاء لله في ثلث الليل الأخير إن الله ييسر لك الخير و يبعد عنك الشر ..

كيف مااستعجل ؟؟ اصلاً انا خايفة من اليوم اللي بيرجع فيه .. يمكن يسوي فيني اي شي وانا ماابي .. وانا اصلاً ماارتاح له واليوم اللي يجيني فيه اتضايق بس اقول اصبري
والكلام الحلو بيطلع لحاله من لما تهتمي للشخص هذا وترتاحي له والاثنين موب موجودين
وترى اكثر من مرة نتهاوش لما نتكلم عن انه يصبر علي وان شاء الله يصير كل خير وهو يقول لي انتي اللي ماتبين تعودين نفسك علي ولا تحبيني وسالفتك لما كنتي صغيرة مأثرة فيك ومعقدتك بس انا ارد عليه ان هالشي لو مأثر فيني كان سالفة ان اكون مع رجال شايلتها من بالي وكان انا الحين مقفلة علي الباب لا اروح ولا اجي ولا مكملة حياتي مثل الناس
وغيرها انه حاول يلمسني من قبل الملكة فكيف راح ارتاح له اصلاً؟؟
وثاني شي .. هو كل يسوي مقارنة بيني وبين اختي لأن خواته كانوا يبون اختي حق اخوهم وانا مادريت الا متأخرة
وبعد ليش مايقتنع فيني وانا احاول ارضية بأي طريقة ومراعيته في كل اللي اقدر عليه وممكن مايلاقي وحدة كذا تناسبه حتى لو شكلها عادي

بصراحة انا اتفق معك في حكاية الانفصال...مو عشان شي قد ما هو لانه اخذك-سامحيني-عالجاهز وببلاش ومسترخصك واهلك وهذي علامات خطر كبييييرة واحمدي ربك انك اكتشفتيها....شوفي اغلب المشاكل الي بهالمنتدى ترى تلاحظين ان سببها استخفاف الزوج باهل الزوجة و عدم بذله جهود للارتباط فيها....وعلامة الخطر الثانية انه يعايرك بالي صار لك...انا مدري وشو لكن واضح انه يعتقد انه يمن عليك لانه اخذك و تأكدي انه بيعايرك بعد الزواج اضعاف مضاعفة...وتخيلي عاد وضعك ساعتها....يابنت الحلال الاستخارة نتيجتها تكون في تسهل الامور والارتياح للأمر الي تستخيرين فيه...والخسارة ترى هو ماوافق تماما على الي فيك والدليل انه يعايرك فيه....واضحة نتيجة هذا الزواج في حال استمراره :(