ساااااااعدوني..weak positive

بسم الله الرحمن الرحيم
ابغى استفسر عن شي بس بلييييييز بس اللي عندها جواب اكيد تجاوب.. او دكتورة المنتدى اذا اتكرمتي تفيديني انا و اللي يعاني من حالة مماثلة
وحدة صاحبتي متجوزة من 10 سنين وما حملت و جربت كل انواع العلاج من غير فايدة .. و كل الدكاترة اجمعوا لها من الفحوصات ان ما بها اي عيب و ان التأخير من عند الله والحمل راح يتم بمشيئة الله في اي وقت من غير علاج..
ما اطول عليكم .. دورتها اتأخرت .. ولما عملت التحليل بعد 10 ايام تأخير قالوا مو باين بين السلبي و الايجابي..
اليوم كملت اسبوعين و عملت التحليل قالولها ايجابي ضعيف (weak positive ) ..
معقول بعد اسبوعين تأخير كمان مايبين؟؟؟
المهم سؤالي.. هل اكيد ان النتيجة هادي راح تتحول لايجابي اكيد والا ممكن تتحول لسلبي لأي سبب من الاسباب؟؟
بليييييز ابغى رد لأننا قلقانين مرة من الموضوع و هية ما تبغى تنصدم من النتيجة ..
على فكرة انا قلتلها عن تحليل تاني يعد كريات الدم و عن كشف مهبلي كمان يبين .. بس هية مرررررة خايفة من النتيجة وما تبغى تسوي شي ..
انا اسفة اذا طولت عليكم بس ترى هية مرة عزيزة عليا و نفسي ابشرها بالخير انشالله