ساااااعدونا 000 زوجها خطب وحده ويبي يفركش الخطوبة لعيونها لكن هل من طريقة ارجووووكم ا

يا بنات تكفون أبسألكم اذا الرجال خطب بنت عمه وبعدين هون مايبي يتزوجها مع العلم انه متزوج لكن توهق وش العذر


اللي يقوله لاهله واهل البنت اللي هو عمه ؟ علمى ان الخطوبة مابعد صارت رسمية يعني هو ماكلم عمه ولا ابوه كلم

اخوه بس كلام حريم هو موصي امه تخطب له ووافقوا علمى انه متزوج لكن زوجته قالت يا انا ياهي واساسى هو

متحسف يعني حس انه تسرع لانه اتخذ هالقرار في لحظة غضب ومشاكل صايرة بينه وبين زوجته لكنهم

يموتووووون في بعض وتوهم صغار هي 25 وهو 29 وعندهم 4 اطفال اكبرهم 6 سنوات 0 زوجته تحملت كثير

8 سنين عايشة بغرفة ولها دورة مياة خاصة وفوق هذا طيلة هالسنوات مهي ماخذه راحتها تلبس طرحه ونقاب في البيت

لوجود اخوانه الشباب هي عايشة مع اهله 00 وصبرت لكن اللي ما اصبرت عليه وسبب مشاكل بينهم ان ابوه

ضاغط عليه بالشغل يعني هو ماسك شغل ابوه 00 هي ما اعترضت لكن ماصارت تشوفه ابد حتى مشاويرها

الضرورية مايقدر يوديها بس يخلي اهله واخوانه 00 وماقالت شي حتى اذا احتاجت السوق للضرورة تقعد شهر الين

يتم لها المشوار 00 هو مضغوط وهي مضغوطه وكل واحد انفجر في الثاني والسبب اهله اللي مايحسون 00 اربعه

وعشرين ساعه وهم يتمشون ويزورون اقاربهم وهي محبوسة هي وعيالها بالغرفة كانت دايم تروح معهم اي مكان

عشان مايزعلون لكن اتعبت من العيال تشيلهم وتحطهم وتخاف لايروحون من هنا او هنا يعني ماتاخذ راحتها المهم

اخر مرة مد يده عليها لانها كانت تكلمها في تقصيره بحقها 00 يعني هي ما اطلبت فلوس ولا طلعات وسفرات

لكن ودها انه يجلس لو يوم او نص يوم معها ومع عياله لكن مو بيده وهي عاذرته ومشفقة عليه لانها عارفة الحب اللي

بينهم 00 لما مد يده راحت عند اهلها كزيارة فقط لكن لما اوصلت هناك صار اتصال بينهم وتهاوشوا 00 وبعدها بفترة

سافر هو واهله لبيت عمه وراحوا يخطبون له وهو ماعلمها الين رجع وانهارت وبكت وهو يبكي وقال الله يسامحك

ليش خليتينا نوصل لهالمواصيل هي مالها ذنب وهو بعد كلهم مضغوطين خاصة انها كان يمنيها بالبيت والحين

بعد ماخطب قالوا راحت لاهلها واطلبت الطلاق وحالفة بالقران ماترجع له وقالت له يا انا ياهي 00 اللي قاهرها انها

حست بالظلم لانها ما انسدت جميع الابواب لو سوى لها جميع حقوقها وبعدين شاف المشاكل استمرت ذيك الساعه

من حقه يتزوج 00 المهم هي اول ما وداها لبيت اهلها كان يسوق ويبكي وهي تبكي ولما انزلت لاهلها 00

اتصلت فيه وقالت انا مستعده اتحمل اكثر واكل تبن بس اسحب كلامك وفركش الخطوبه 000 على طووووووول

وبدون تردد قال لها طيب رغم انها صعبة بحقي قدام عمي واهلي لكن لاني واثق انك بتغيرين كل شي ( حط اللوم

كله عليها ) المهم هالسالفة كلها من اخر شهر شعبان الى الان ماسوى شي ولا فركش لكن اهله حاسين انه مايبي البنت

ورافض فكرة الزواج على زوجته وانه يموووووت فيها لكن يغالطون انفسهم وسمعنا انهم بدوا يحسون ان هالزواجه

ماراح تتم وهم يتمنون انها تتم 00 الحين هو محتار وش يتعذر فيه لاهله واهل البنت طبعا زعل زوجته من الاسباب

الرئيسية على حد كلامه لكن يبي شي يقنع اكثر 00 خصوصى اذا احد بدأ يلمح للبنت او اهلها انه شال الفكرة من راسه

لكن وش الطريقة احد عنده كلام او حل لطريقة تقنعهم كلهم اهل البنت واهل الرجال ؟ هو يقول صعب اقول خلاص

هونت لانه بتصير حساسية بين العايلتين يبي يجيبها بطريقة تقنعهم الحين صار لها 4 شهور عند اهلها وقالت ابرجع على

اساس الاتفاق اللي بيني وبينك قال لها منى عيني انك عندي الحين لكن ابأخر هالشي الين القى لي طريقة لانك

لو رجعتي الحين بيقولون خلاص رضت الحين مالك عذر تاخر الزواج 00 لكن هي الحين تعبانه من البعد هي وعيالها

ودها يخلص الموضوع ويرجعون لبعض هي واثقة من كلامه واحيانا يوسوس لها الشيطان انه يكذب عليها لكن هو مو

من طبعه يكذب عليها ولاعمره كذب عليها بشي ويحبها ويغليها لكنهي خايفة من امه انها تقنعه لان عندها اسلوب

خطيررررر في الاقناع 00 قالت له زوجته الاولى ترى بيقولون لك مصير زوجتك ترجع بس طبيعي اي وحده

تزعل وتطب الطلاق لكن انت عارف اني مستحيل ارجع لو اتبهذل سنين لانك عارف غيرتي الشديدة واذا رجعت بتصير

مشاكل ولا بتحمل اصلا اشوفك مع غيري 00 اساسى الرجال الحين عايف الزوج من الاساس مو بس عشانه ابيخسر

زوجته لكن الخوف كل الخوف انهم يأثرون عليه ويقنعونه علما ان زوجته الاولى تصير بنت عمه ايضآ لكن مو بالدرجه

الاولى لان ابوها ولد عم ابوه لكن الللي خطبها بنت عمه ابوها اخو ابوه 00 احد يعرف ناس خطبت وفركشت باسلوب

مايسبب مشاكل 00 لانهم طبيعي بيهاجمونه وبيلومونه وهو اهم شي عنده انها ماتصير حساسية كبيرة بين العايلتين

زوجته الاولى قالت له كلام حلو واثر فيني تقول : شوف كل هذولا اللي بيعارضون فكرة كنسلة الزواج بكرة اذا

تزوجت انت اللي بتاكلها وبتروح فها وهم ماهمهم كل واحد فيهم ضام زوجته وعياله وعايش حياته وانت اللي بتعيش

بنكد وعيالك مشتتين 00 نبي حللللللللل الله يجزاكم خير نبي طريقة حنا قلنا له قول ماني مرتاح من يوم خطبت احس

قلبي مقبوض لكن ما اقتنع بهالفكرة قلنا له قول عيالي وزوجتي مابي اخسرهم قال اكيد بقوله وهذا شي اساسي لكن يبي

بعد اسباب اخرى تقنعهم او انه ينشر تلميحات توصل اهل البنت والبنت بطريقة غير مباشرة منه انه ماوده بهالزواج

لكن كيف وباي طريقة رجاااااااااء اللي عنده فكر اوشي يقول وجزاكم كل خير 00

استغفر الله العظيم واتوب اليه 00 الله يفرج هموم المسلمين والمسلمات اللهم اميييييييييين 00

اختكن / باكية سكرات آتية