سااااعدوني

عصير قمر الدين اذا قصدك اللي تجي زي الأقراص نقعيه من الليل في مويه واليوم الثاني بالخلاط اخلطيه رؤيته وحطي له سكر حسب رغبتك واذا شفتي قوامه ثقيل زيدي مويه لين يصير زي اللي تبغين وبالعافيه
اما طريقة الاحتفاظ بالفريزر ماعندي خبره بس انتي لو شريتي الأقراص سوي الكميه اللي تكفيكم والباقيه غلفيها لوقت ثاني أنا اقسم الكيس قسمين
بالنسبة للمصقعه اقلي بادنجان وبطاطا اذا بغيتي تضيفين بطاطا واذا لا مولازم وخليها ع ورق نشاف عشان يروح الزيت وسوي بقدر لحم مفروم كشني له وحطي بهار مشكل وصلصه لين ينشف مويته موكثير يعني يبقى مويه قليله وقطعي شرايح طماطم وفلفل واذا حبيتي بصل
وجيبي صينيه وحطي اشوي من خلطة اللحم وحطي من شرايح البصل والطماطم والفلفل وبعدها حطي طبقه من البادنجان والبطاطا وكررري الطبقات لين يخلص بحيث اخر شي لحم وفوقه الشرائح الفلفل والطماطم وقطعي بقدونس اوكزبره ونثريها عليه ودخليه الفرن يتسلك ويتحمر من فوق بس مايطول لان كل شي مستوي وعليك بالعافية

وفيه طريقة أخذتها من كتاب الأطباق المميزه حلوه اسمها شيخ المحشي
قطعي البادنجان شرايح طوليه واقليه وبعدها احشيه لحم مفروم مخلوط مع بصله مفرومه وبقدونس وبعار مشكل وحطيه داخل كل شريحة بادنجان ولفيه زي السويسرول ورضيه بصينيه وقد كشنتي كينه عاديه بصل وطماطم وبهارات وفلفل اسود وصبيها فوق الرولات البادنجان واديها بقصدير ودخليه الفرن ع نار هادئه ربع ساعه وبعدها فكي القصدير وحمريه من فوق وبالعافيه