سااااعدوني ابغى اتحرر من هالصديقة 000مش قااااااااااااادرة

السلام عليكم ورحمة الله وبركاته
اولا رجاء خاااص للمشرفاات لا تنقلون موضوعي واذا معزمين قولوا لي وين بتودونه مو مثل ذيك المرة الله يجزاكم خير

ثانيا : يابنات الله يعطيكم العافية انا صبرت على صديقتي هذي صبر الجمل.. بس والله اني تعبت :09: احس اني ارضيها على حساب بيتي وعيالي وترى هي مو متزوجة وكانت صديقتي بايام الثانوية بس بعدها من سنتين افترقنا بس المكالمات والرسايل مبرحت .... اذا مر اسبوع ما اتصلت عليها تقولون مرتكبة اثم وذنب عظيم والقهر انها تدق على الجوال دقتين وما يمديني برد الا تسكر لجل ارجع اتصل فيها واذا ما اتصلت تقعد تتشره وتكبر الموضوع حتى الكبار ما يتشرهون كثرها.... دايم تقول انها تحاتين وتخاف علي اذا طولت ما كلمتها احس انها تفكر انها امي وانا مدري القهر اني خلاص حسيت اني مو مرتاحة لها بس هي مو حاسة فيني دايم تحاول تسحبني بالاسئلة وتدخل في خصوصياتي انا ما انكر اني في البداية عطيتها وجه بس خلاص احس اني هالحين كبيرة ومو محتاجة لحد هذيك ايام المراهقة ....و لو احاول افهمها مهما كان اسلوبي وياها راقي كان تفسسسسر كلامي على كيفها وتاولها وتسوويني ظالمة ومهما سويت لها ما يملي عينها و تحاول تسوي نفسها الفاهمة واني انا محتاجة لها انا اطنشها احيانا لجل ابعد عن المشاكل بس اكووون مرة محترقة من داخل
اكييييد انتوا هالحين بتلوموني بس انا ارجع اقولكم هذيك كانت ايام المراااهقة وانا هالحين متحسفة وابغي اطلع من هالصدااقة اللي حطيت نفسي فيها بس مش قاادرة:09:

قلبي طيب ولو تزعل مني على طول ضميري يأنبني واضطر اتصالح وياها والظاهر الصلح في قاموسها انه نظل نسولف لبعض عن حياتنا مثل اول تصدقووون اني اقولها يالله بسكر تقول بتروحين تنامين ولا ايش بتسويين:42: ودايم تقعد تجمع وتسحب عن زوجي انا احاول اتجاهلها بس ما في فايدة واذا ما تجاوبت وياها بالمكالمة تقول (اكيد فيك شي ... قولي انا بساعدك ...) والله يابنات ترى هي طيبة وانا ادري ان نيتها على قدها تبي تسوي انها فاهمة و بنفس الوقت تجمع قصص من كذا حرمة وتقارن بس والله ما كتبت الموضوع الا لجل تعطوني حل بحيث ما اقصر على زوجي وبيتي ونفس الوقت ما اجرحها و احسسها اني ما ابغيها اخاف تاخذ بخاطرها وتصير تكرهني ويصير ضميري يأنبني :(

ساااعدوني يا بنات تكفووووووووون لا تردوني مثل المرة اللي فاتت:( :(
وربي يعطيكم العافية ويرزقكم من فضله