اكيد بس حابه اسأل يوم انج حطيتي اربع حبات ما ضرج هذا الشي واذا بدال الاسكنول استخدمت كلين اند كلير فيها شي لأني احس انه احسن

عزيزتي سداويه للحل الأمثل حق هذه المشكلة هي فتح ملف عند طبيب الجلدية الموجود عند أقرب مستوصف وهو راح يعرف حالتج بالضبط ويعطيج العلاج الازم والنتيجة مع المداومه مضمونة 100% وهذا عن تجربة وحدة من صديقاتي الي داومت عند طبيب الجلدية وماشالله وجها الحين صافي بعد ماكانت تعاني وتجرب أي شيء من نفسها بس الحمدلله صبرت وعالجت وجها لمدة سنه كامله وأنصحج تسألين لأن في كريمات تناسب بعض الوجوه بس ممكن ما تناسب ويهج وشنو عندنا احنا يالحريم أهم من جمال وجوهنا علشان نغامر فيها ؟؟؟؟؟

,,,,,,,,,, شكلي طولت في الكلام ..على العموم هذا للنصيحة والفائدة والله انشالله يساعدج ويروح من عندج الحبوب قولي امين

تينه المتينه تسلمين على الرد وبحاول بس سالفة المواعيد ما احبها
ومشكوره عالرد

صراحة ما عندي شي أقوله أو أعرفه
ولكن أتمنى من كل قلبي ان يحققلك

كل أمانيك...........آمين يارب العالمين.

أختك ..رهووووووووف

أولا أشكر الاخت تينة المتينة <<<<< يا حلو اسمج :hahaha:

وصح كلامها لو تقدرين تروحين الجلدية افضل لكن المشكلة لو طحتي على واحد يتفلسف ومو همه الا الفلوس.... :30:

لكن صدقيني وأنا والله اكلمج عن تجربة ياما جربت كريمات وخلطات وخرابيط مثل هالدوا ما فادني شي.... وما منه خوف لأنه أولا مو كريم فالمخاطر بصراحة من الكريمات.... وثاني شي هو كبسولات تفرغينها بالاسكنول وتمسحين ويهج فيه يعني ما منه ضرر وما ينبلع :21:

ولو قريتي موضوع الاخت عدل قالت ان ويها كان مليان حبوب وما فاده الا هالوصفة لأنج مثل ما تعرفين هالحبوب كلها جراثيم والجراثيم ما يفيد معاها إلا شي معقم وهالكبسولات معقمة وتقتل الجراثيم شر قتلة :024:

والعبرة من حبة لحبتين إن الحالات العادية حبة والصعبة حبتين وما أظن في منها ضرر لو زدتي حبة ولا ثنتين لأني من أسبوعين استخدمه والحبوب خافة بواااااااااسد بس أنطر الاثار تختفي وهي شوي ولله الحمد \يعني البقع والسواد الخفيف :)

تصدقين عندي كلين آند كلير قلت لما بيخلص الاسكنول بحط الدوا فيه... انتي ألحين خلج عالاسكنول بالليمون لأن الليمون فهالمرحلة وايد زين وبعدين بنجرب كلين ىند كلير :7_5_127:

صدقيني الحبوب بتخف لأن هالدوا معقم يعني يقتل الجراثيم وهالحبوب ما هي إلا مستنقع للجراثيم :icon36:


توكلي على الله واستخدميه وانا بتابع حالتج... أفا كله ولا أخت لي تتضايق أموت ترى من القهر :mad2:


:S_45: يا الله اسمعي كلام الدكتورة ونفذي...