السلام عليكم بنات كيفكم
انا من زماااان متابعة المنتدى من لمن كان عمري ١٢ سنة للحين مستمرة و جدا استفدت منكم بس يادوب سجلت مشكورة لكل البنات اللي كانوا دايما يفيدونا بمواضيعهم المميزة .
اولا الحمدلله على كل حال ، عندي مشكلة مسببة لي عائق في حياتي واللي هي ما اعرف اسوولف و لا اتكلم يعني اذا جيت اتكلم اتلعثم و كلامي يطلع ملخبط وانا ما اذكر اني سولف او حكيت عن حياتي يعني قصدي ما عندي سوالف او مواقف احكيها حتى اذا سمعت سالفة ودي احكي بها ما اعرف احكيها وغالبا انساها
وبرضو البنات لما يتكلموا عني يقولون انتي ثقيلة دم و باردة و ما تتكلم و ما ترد الا بقدر السؤال والله يعلم اني احاول اتكلم و كذا بس ما اقدر ولاحظت انو مرات لما اتكلم انهم يتجاهلوني يعني انا اتكلم مع فلانه و ثاري فلانه بالها في مكان تقعد تطالع يمين يسار او حتى تقعد على جوالها وغالبا تقاطعني و تقول لي يلا خلينا نقوم والمشكلة ان هذيل البنتين هم اللي اطلع (في الجامعة ) معاهم يعنى لو قطعت صلتي بهم ما حيكون عندي احد و اصير وحيدة ، مع اني اعرف بنات ولما اقابلهم اسلم عليهم لكن كل وحدة داخلة في شلة ،كثير حاولت ادافع عن نفسي و اقوي شخصيتي بس ما قدرت و ما اعرف اصلا ايش اسوي
مشكلتي ملخبطة واتمنى انكم تقدروا تفهموها و جزاكم الله خيرا

ميمي_ @mymy_152
عضوة جديدة
يلزم عليك تسجيل الدخول أولًا لكتابة تعليق.

Hoda1991
•
حبيبتي انتي مشكلتك بس الثقه خليك واثقه من نفسك وحبي شخصيتك مو لازم عشان انتك بنتيعني قرقر قرقر هذي شخصيتكواللي مايتقبلها بالطقاااق خلهيولي

الصفحة الأخيرة