ساااعدوني ....اعصاب خلااااص مابقت

السلام عليكم

اخباركم

علومكم

ومبروووووك ماجبتوا ويتربون بعزكم>>>>ياكثر هذرتك

اقول وش اخبار بزارينكم؟؟؟

عسى بس ماهم مأذينكم>>>:06:

الصراحه انا ولدي طلول الله يصلحه ويهديه عمره 23يوم ماينام:16:

كله حنًه بحنًه:06:
وكل يوم اذوق الويل يالله ينام بس يصيح وماخليت شي ماعطيته عطيته يانسون محلى ونعناع وشاي اطفال ومرقدوش وماي غريب وحاجه نفس مفعول ماي غريب جبتها له من البحرين مخصوص عشان ينام وماكو فايده:16:

انا تعبت نفسيا لانوم لاقعده لاأتهنى بأكل او شرب بس بحضني ويصيح انا احسه ممغوص بس وش الحل وش اعطيه اكثر من اللي عطيته لعنبو فقعت بطنه وربي مغير اد فيه بهالخرابيط :06:

الحين السؤال هو يستخدم حليب سيميلاك ادفانس وبنفس الوقت يرضع طبيعي مره كذا ومره كذا وش رايكم اغير الحليب؟؟

طيب وش احسن حليب مايسبب له امساك؟؟

انا سألت زوج اختي وهو دكتور اطفال وقالي عطيه الحليب اللي يجي جاهز بالصيدليات يعني مخلوط وجاهز عرفتوه؟؟

مدري وانا قبل جبته له واحسه ارتاح عليه بس بنفس الوقت ماآبي اعلمه عليه يعني شوي كذا وشوي حليب باودر وش رايكم؟؟

ترى قفلت معي منه واخر شي بصطره عشان يتخدر من قلب:16:>>>>يقالها تهدد

يالله يالخبرات ساعدوني احس كني اول مره اصير ام >>>ماكن عندك ثلاث غيره مع خشتك:16: