ساااعدوني الله لايحرمكم الاجر...

عزيزتي اول شئ كل عام وانتي بالف خير وربي يبلغ الشهر كامل ان شاء الله وبالطاعات


بعلمج عن مقادير عجينة حلوة تنفع لكل المعجنات :


المقادير : اربع اكواب طحين + ملعقة خميرة فورية + نص فنجان زيت + نص فنجان حليب بورد + ملعقة صغيرة بيكنج بورد +

ملعقة سكر + رشة ملح + كوب ونص ماي .

الطريقة :

ذوبي الخميرة في ربع كوب ماي ثم ضيفي لها السكر + الملح + الحليب البودر + الزيت واخلطي الجميع


ضيفي الطحين المنخول مع البيكنج بودر واعجني الخليط ثم ضيفي الماي شوي شوي لين تتماسك العجينة


وتكون طريه ما تلزق في اليد وخمريها ساعة تقريبا


وعقبها سوي منها اللي تبينه بيتزا او كرواسون او خلية نحل



وطريقة خلية النحل تاخذين قطعة عجينة بحجم حبة الجوز وتمدينها في راحة ايدج وتحطين فيها جبن


وتكورينها براحة ايدج وتصفيها في صينية دائرية ودهني الوجه بالبيض ورشي شويه سمسم


ودخليها الفرن لين يحمر الوجه طليعها وشقيها بالشيرة



وبالعافية


اتمني اني افتدج عزيزتي

امس سويت اللقيمات ام البراقع الناس تصير قيماتها دوائر انا ياعمر ي صارت على اشكال حيونات بدعت تبديع فيها وكل الاطفال ماتوا من الضحك علي ويقولون ابقى شكل البطه وااللي يقول الديناصوروالايقول الديك


بس طعمها حلو


تكفوووووووووووووووووووووووووووون علمونا وشلون اكوراللقيمات

اختي نغم الله يعطيك الف عااافيه مشكوووره ماقصرتي,,,
واختي احلااام والله انك مثلي ويااليت البنات يفيدوناااا...

ههههه الله يسعدكم وياليت من ذوات الخبره المساعده..

وعن نفسي انا استخدم الملعقه..

يعني اجيب ملعقه تكون نص دائره مو العاديه لا ..بعدين اخذ من العجين وهو

بالقدر وعلى طول بالزيت...والله تكون اشكالها مقبوله بس مو متساويه مو بطه هههه

واتوقع لو استمر اسويها يمكن تضبط معي...

انا اقول لكم كيف
جيبي كيس مثل اكياس اللحم عارفينها !
حطي الخليط حق اللقيمات فيه بعد ما تتخمر طبعا واربطي الكيس وشقي زاويته من تحت ...واضح شرحي ؟؟
وابدي بللي يدك بزيت واعصريه كوره كوره لازم يكون الخليط ثقييييييييييييييييييييييييل
باختصاار اعملي قمع واستخدميه
كل وحده تضبط معها الطريقه تدعي لي وتدعي الله يشفي ابوي
مبارك عليكم الشهر