ساااعدوني .. بيبي جديد وموو عارفه اتعاامل معه ..

ليه حبيبتي ماتروحين عند امك؟؟ انا مثلك بكرية والصراحة ماتعلمت الا لما تنفست عند امي استفدت منها ومارحت بيتنا الا وانا عارفة اعتني بطفلي ,, ادخلي تجمع احلى كتاكيت من الولادة الى 6اشهر وباتحصلي في بداية الصفحات كيفية العناية بالبيبي ..

ياقلبو توكلي على الله واستعيني به
الترويش حطي اسفنجه خاصه ببانيو الطفل بكذا تتحكمين فيه ومايزلق منك واذا غسلتي راسه صبي المويه بحذر لاتجي بوجهه ويغص وحمميه كل يومين عالقل يرتاح وينتعش
بالنسبه للرضاعه كل ساعتين صحيه ورضعبه لاتخلينه لأن الأطفال ينامون كثير بالايام الأولى فانتبهي عالرضاعه وعقمي الرضاعات واغليها ولاتعطينه حليب بارد لازم دافي عشان مايجيه مغص
دفيه كويس مو بزياده طبعا قصدي انتبهي عليه من الهوا البارد يمرض ويتعبك
طبعا اذا قعد يبكي كثير ومو عارفه شالسبب غيري له وعطيه ملعقه صغيره مويه غريب مع نص سانتي مويه بالرضاعه ممكن يكون عنده مغص
اذا نمتي بالليل ارفعي راسه على مخده للأطفال وكل يوم حطيه على جنب عشان راسه يزين ومايغص وانتي نايمه واذا صحيتي خليه على ضهره عشان راسه يزين من ورا
والله اشاء كثير بهالعمر تنتبهين عليها بس راح تتعودين لاتخافين
اذا عندك سوال محدد انا حاضره وكان الله في عونك.

الله يعينك ويساعدك بس لازم أحد يساعدك في البداية حتى لو زوجك لازم تتشاركوا كلميه وقولي له إن الطفل هذا ولده زي ما هو ولدك أنا أول شهرين ما أروش ولدي إلا وزوجي معاية أقل شي إنه يمسك الموية على الطفل وأنا أليف جسمه وأغسل شعره ونحنا دحين شتاء فلو تروشيه في الأسبوع مرتين كفاية
وبالنسبة للرضعات أنا كنت أرضع طبيعي فمتى ما صحي ويبغى يرضع أرضعه وطبعا لازم التعب والإرهاق أول شهر أو شهرين ولازم زوجك يراعي هذا الشي ويحاول يساعدك ويخفف عنك قد ما يقدر

الله يعينك ياقلبي..
فهمي زوجك ان هذا اول مولود وشي جديد عليك ولازم التعاون بينكم..

الحمد لله على سلامتك حبيبتي ..
ومبرووك النونو .. الله يباركلك فيه ويتربى في عزكم ..

اول شهرين ومعاك بيبي جديد راح تكون متعبه .. ولازم يكون عندك احد يساعدك ..

ولان ظروفك اجبرتك تكوني وحدك .. حاولي تنظمي وقتك ..
وخلينا نبدا معاك من البدايه ..

1- خلي القران شغال عندك على طول وبصوت معتدل .. علشان ترتاح
نفسك وتتطمني وينشرح خاطرك .. وخاصة بعدك نفاس .. والنفسيه
تتعب شوي من بعد الولاده ..
2- الزمي الاستغفار يفرج لك ربي همك ويباركلك وقتك .. ولا تنسي اذكار
اليوم والليله وحصني البيبي لا تنسي ..
3- لا تهملي صحتك واكلك .. اشربي مشروبات تدفيك وتقوي عظمك على قولهم ..
4- نجي للبيبي ..كيف تحمميه..
لا تروشيه الا كل عشرة ايام ..(سمعت هذي المعلومهمن دكتور اطفال )
جيبي بانيو صغير .. خاص بالمواليد ومخرم يساعدك كثير لمن تحممي البيبي
مثل الصوره

جهزي الليفه والشامبو .. والكريم .. والفوطه .. والاغراض اللي بتحتاجيها
وكمان اللبس اللي راح تلبسيه هو واللفه حقته ..



لازم تكون الغرفه دافيه .. وما تجي له تيارات هواء بارد ..
جهزي مويه دافيه ويفضل تقيسي حرارة المويه بكوع اليد ..
جلسي البيبي على البانيو وثبتيه .. حممي جسمه اول علشان مايحس بالبرد
صبي شوي مويه عليه .. ونظفيه بليفه خاصة وناعمه تكوني حطيتي عليها شامبو الجسم
بللتيها علشان يتوزع الصابون فيها .. وابدي دلكيه ونظفي تحت اباطه والرقبه
وتثنيات الجسم .. وخلف الركبه وخلف الاذن ..
اغسلي شعره وخففي الشامبو بالمويه قبل لا تحطيه على راسه .. ونظفيه
بخفيف .. واشطفيه بمويه دافيه وشطفي جسمه ..
نشفيه كويس .. ولفي عليه الفوطه ..
جيبي لوشن البيبي ومجي له جسمه ولبسيه لبس دافي ومريح ..
ولفيه بالكوفله .. ونعيما للحلو ..
5- الرضاعه .. نظمي له رضعاته كل ساعتين رضعه .. حتى لو كان نايم ..
6- اذا صار البيبي يبكي .. غيري الحفاظ .. وسوي له مساج خفيف لبطنه ..
وممكن تسوي له رضعة يانسون (تحطي شوي يانسون مع مويه مغليه
وتحليها بسكر نبات وتخليه يدفى انتبهي لاتديه الرضعه حاره )..
7- حاولي اغراض البيبي تكون مرتبه في سلال في مكان قريب منك وبشكل منظم علشان ماتحوسي لمن تبغي حاجه




امممم
هذا اللي اذكره واي سؤال انا حاضره يالغاليه واخواتنا هنا مايقصرون
الله ييسرلك امرك ويعينك ويباركلك في وقتك وصحتك ..
سامحيني اذا طولت .. حسيت الاختصار غير مفيد هنا