ساااعدوني تكفون يابناات ابي دعواتكم ونصايحكم

يابناات مثل ماهو مكتوب في العنوان ابي دعواتكم لي من قلب أنا معلقة صاار لي 4 شهور وربي يابنات من تزوجت لي الحين 5 سنين وانا في عذاب وعندي الحين بنت الله يخليها لي انا توفت امي وانا صغيره وخواني اولاد اصغر مني وابوي عنده ظروف الله يفرج عليه وزوجوني وانا صغيره من ولد عمي يكبرني ب ست سنين وعيشني في جحيم عذاب بس يضربني على اتفهه الاسباب تخيلوا مره ضاربني عشان شغاله جايبتها بفلوسي وهو راضي يوم جاء اليوم الثاني قال انا قلت لهلي وقالوا ليه تجيب لها شغاله وهي ماعندها الا بنت قلت بس انا اداوم الجامعه ابيها تساعدني فبنتي من اخليها عنده قال برجع الشغالع قلت وفلوسي الي دفعت قال برجع الشغاله قلت مستحيل وضربني ضرب لين سال دمي وقدام الشغاله وربي انه كل مره يضربني ازعل واروح لهلي ويجيني ويقول اخر مره انا مشكلتي اسمع كلام اهلي واسامح وارجع بيتي لاكن هالمره ضاربني عشان عمته زوجه ابوه عازمتني للعشاء وانا في بيت لحالي وكلمته واستاذنت ورحت لها ويومم رجعت البيت الا هو موجود قال ليش عمتي ماعزمت امي قلت وانا وش دراني قال مره ثانيه لاتروحين لها ولعاد تجينا في البيت قلت طيب انا وش ذنبي الحين يوم تهاوشني قال تستاهلين ويضربني يابنات وربي مافكني منه الا اخوي كلمته اصيح وربي اني ماسميه زواج هذا جحيم عذاب يسمع كلام الناس فيني اذا قلت ودني مكان قال بروح اعلم امي وابوي واذا قلت ابي فلوس لي ولبنتك او اغراض قال مامعي فلوس وهو موضف اذا عصب يقذفني بالكلام الوصخ يلعني يلعن امي المتوفيه كل شي عنده ضررب بنته الحين وربي ماسال منها ولادرى هي حيه ولاميته انا خلاص معاد افكر الا فطلاق لن حياتي معاه بس تعذيب تكفون ادعوا لي انه يطلقني وارتاح ولاحد يقول بنتش بنتي ماخليت عليها الحمدلله قصور بس ابي دعواتكم ونصايحكم وش اسوي عشان يطلقني لنه هو بس يبي يخليني معلقه عشان يعذبني  انا كرهته خلاص معاد ابي اسمع اسمه وربي نفسيتي تعباانه