والله صادقة بكلامك ياهدووء
أنا شقتي فيها مكيفات وبتوجاز كهرباء بالفرن تبعه
وكوايتين وحده منهم كبس
وغير الغسالة والتلفزيونات
وأجهزة تانية وبتجينا من 250 إلى 300ريال وأشوفها مرة كثيرة

أطلبو أحد يجي يشيك على العداد ويصلحونه حرااام الألاف دي على شركة الكهرباء....
مو كفاية شركة الإمتصصات :(
هلكوني بفواتير التليفون وإحنا ماعندنا إلا جود وإنترنت بس وشهرياً 700ريال أو 800ريال حسبي الله عليهم...
مرررة مقهورة منهم:icon33:....

اولا شكراا مرورك الكريم ثانياااحنا مانبطر فى نعمة ربى بس قل دبرة وش اسوى زوجى هو المتحكم فى الراتب ويصيح اذا جا نص الشهر الراتب خلص وطلباتكم ماتخلص اما الطلعات هالشهر على انة عيد و و قت طلعات بس ماطلعنا تقريباا اكلنا من برا مرة او مرتين والجوال بس جوال زوجى عاام وتعرفين ماقدر اتحكم فية بكيفة وش اسوى و نصائحك على العين وعلى الراس

السلام عليكم
خاشه عرض :44:
انا بعد الله يوفقك ابي ميزانيه لبيتي كنا عال العال بس اشترينا بيت عن طريق البنك ويروح نصف الراتب الي هو عباره عن 8000
يروح النصف ويبقى النصف وحنا 7اشخاص 3يدرسون واثنين واحد 5سنوات والثاني 3سنوات ابيك
الله يرزقك من حيث لا تعلمين تسوين لي الميزانيه انا اول مره امسك الميزانيه
اشكرررررررررررررررررررك :27:

ماشاء الله اخت تالا لولي والله لوزوجي يعيشني على الحصيره بس اضمن بيت وسياره جديده لاعيش واستحمل وكها كم سنه ان ربي عطاكم عمر وتخلص وتكون ذكريات حلوه ومره في نفس الوقت وتحمدون الله على النعمه كل ماتذكرتوها بس اكثري من لاستغفار وخلي زوجك يدور عمل بعد الدوام اضافي لحد ما تخلصوا اقساط
ماعليش لصاحبة الموضوع دخلت عرض بس شدتني الاخت
اما انتي اخت ام حمودي احس انكم شوي مسرفين يعني مولازم مطاعم ما ينوبكم منها الاالامراض والوسخ
اذا بغيتوا تغيروا جو اطبخي لك فطاير او بيتزا او ساندوتشات صيني واطلعوا اي حديقه عامه او حتى البر ومافي احلى من شغل البيت
واذا حبيتي تغيري نهري لك دجاج ولحم واطلعي اشوي واذا عنك سطوح استغليه في هذا الشيئ
اما الكهرب حاولي ماتشغلي الاالمكن الي انتم جالسين فيهوافصلي الافياش الغير مستخدمه وكفايه الراحه النفسيه من هذا المجال واحساسك بالامان حتى السخانات لاتشتغل الاوقت الحاجه فقط وبعدها تتفصل والشفاطات نفس الموضوع لاتخلي شيئ مشبوك في الكهرب الا الاشياء التي لايمكن فصلها مثل الثلاجه والفريزر بسوخاصة قبل النوم شيكي على البيت كامل وراح تحسي مع مرور الايام بالنظام والراحه
اتفقي انتي وزوجك على نظام معين في المكالمات مثلا انا كان زوجي اذا جاه اتصال يقعد يتكاسل لين يفصل المتصل ويرجع هو يتصل عليه طبعا حاولت قدر الامكان انه يترك هالعاده وفعلا بدا يطبق ويحاول يرد قبل لايفصل المتصل واذا فصل ما يتصل واذا كان الموضوع ضروري المتصل راح يرجع يدق عليه الااذا كانت امه او ابوه لا يتصل هو
اولادك لسى مادرسوا تقريبا اذا ماكنت ناسيه فالمصاريف راح تكون خفيفه واقل من عيال المدارس الي طلباتهم ما تخلص
واذاعلى الملابس موشرط كل شهر شاريه لهم خليها في المناسبات والمواسم وعلى حسب الاحتياج ما يكسر ظهورنا الاالمظاهر اتركيها وطنشي وعيشي حياتك بكيفك
والمستشفى شوفي لك مستشفى حكومي في دكتور معروف ويمدحونه والله اننا كنا بس طايرين على هالمستشفيات الخاصه وتطير الميزانيه مره وحده وكل دكتور متعامل مع شركة ادويه اسعارها تكسر الظهر والحمد لله الامراض ماهي بذاك الخطوره كلها معروفه واحيانا نشخص المرض في البيت قبل لانروح الدكتور ويطلع التشخيص صح يعني الدكتور ما سوى معجزه والناس الحمد لله صار عندهم وعي صحي والله صرت اراجع في المستشفى العسكري والحمد لله تتيسر وتتسهل ولايخفاك امكانياته الهائله والجباره ولا 100مستشفى خاص ينافسه واذاكانت الحاله عاديه راجعت المصتوصف التابع للحي حتى الاسنان يوجد فيه دكتوره ودكتور وحنا قاعدين نصرف الالاف على الاسنان في المصتوصفات الخاصه
راح احط لك نظام مشيت عليه كم شهر وكان فعلا رائع واعجب زوجي جدا بس غيرت الحين لان الخطه تغيرت وانتي حطي منه البنود الي انتي تناسبك
طبعا يكون هذا التوزيع شهريا وانا كنت احطه في البوم صور فاضي وكل بند في تغليفه مع اسم البند
الايجار 1500
مصروف المنزل الشهري 1000 ريال كل اسبوع 250 ريال اربع اسبيع ويكون للاشياء الكماليه الي يحتاجها البيت مثل الخضره والبن والخبز والذي منه
ملابس لك وللعيال والاب 400 طبعا موكل شهر تشترون لاتتجمع ومع الاعياد والمواسم تنصرف راح يكون مبلغ محترم
مونة المطبخ 500 هذ راح تخفف على الالف تبع المصروف الشهري بحيث تكون الاساسيات موجوده بكميه معقوله من اول الشهر
سياه وسفر 200 ريال ايضا تتجمع ووقت الحاجه تستخدم في طلعة شاليه او استراحه او سفره سريعه خفيفه
صدقه 100 ريال ولك الزياده من اي بند او تخصيصها لعمل خيري معين شهريا
طواريء 100 ريال لوجوك ضيوف فجئه تقدرين تجيبين فيها الاساسيات للضيافه ومن ثم تبدعين انتي بأسلوبك في التفنن في التقديم ومن الممكن يمر عليكم كم شهر ماتعملوا ضيافه ويتكون مبلغ محترم لضيافه مفاجئه معتبره
مناسبات 100تتجمع وتكون للهدايا في مناسبة ولاده او زواج وغيره وماضن كل شهر في مناسبه
مصروف الزوج 500 شامل البنزين وغيره من احتياجات وهو وشطارته في التوفير منه واستغلاله في اشياء اخرى ولا ننسى ان الملابس لها بند مستقل منفصل عن مصروفك انتي والعيال والاب
مصروف الزوجه 300 طبعا هذا نتي حره فيه يتجمع او ينصرف يعتبر مصروف جيب لك طبعا الملابس زي ما قلنا
الفواتير 800 شهريا في بندها واعتقد التلفون والجوال تصدر كل شهرين ويكون تجمع لها مبلغ زين ولا ننسى الاقتصاد اللي تكلمنا عليه قبل في الكهرب والجوال
يتبقى 1000 ريال ادخار وهذا تنسونه تماما
بس حبيت اعرف اختي اذا ممكن القسط اللي تدفعونه لايش يعني دين او بيت او سياره لان هذا له فائده على الاقل نفسيه في توزيع البنود
بحيث اذا كان شيئ ملموس كبيت او سياره فهذا شيئ جيد وباعث على الراحه اما اذا كان دين وطار في الاسهم وغيره الله يعينكم ومالكم الاالاستغفار
اتمنى اكون افدتك

يعطيكم العافيه جميعا

نصائح رائعه