سااعدوني افهم نفسي وحياااتي الله يخليكم

السلام عليكم

كيفكم ي حوائيات؟؟


معلش سالفتي مطوله شوي يعني اللي مو فاضيه تقراها بعدين .. والا ردها يسم البدن توفره


عندي شعور بدأ بعد زواجي بفتره مدري ايش سببه او انه طبيعي او ما ادري..
 لكن نفسي اتخلص منه!!

مشاعري تجاه زوجي ، ولكيد هذا شي مهم .. 

يعني اوقات كثيره احس كاننا اخواااان او اصحاب مابينا رابط اقوى من كذا..!!
او اقصد رابط اعمق من كذا ..


مدددري ايش سبب هذا التبلد!!
ةاحيانا احس كاني بغيبوبه او حلم  وفجأه اصحصح واحس احساااس مرره حلو تجاه زوجي زي ايام الملكه!!!


مع اننا باقي لنا 4 شهور ونكمل سنتين بس..


حتى احيانا اقول بسوي ليله رومنسيه بغير وبسوي بس مددددري ليش معد عندي اي رغبه لها الشي .. احس بتبلد فظييييييييييييييع


ممكن انه جتني بعض خيبات الامل ف بداية الزواج وضغوط حبطتني ..
ممكن لان زوجي طييييح كل الحواجز فججججأه من اول ايام الزواج !! 

لاني توقعت ناخذ فتره اطول حتى يصير يمون بقوووه علي..!!

او مدرري مدررري..

احيانا لمن نكون بعاد عن بعض اشتاق له واحس زي ما ابغى ( احساس انه فعلا زوجي) يعني تكون له مشاعر غيييير الكل..


زوجي طيب ويحبني وهادي .. احيانا افكر انه السبب ف اني ما انشد له واحس له بحبب مره .. لانه مو من النوع اللي بيفاجئ بهدايا ولو بسيييطه او يفاجئني بطلعه او رحله هو مضبطها او مجهزها لي او مممدري ماعنده عنصر المفااجآت أبدا ،، وانا يعجبببني هذا الشي مرره وضحت له بس مو معطي الموضوع ادنى اهميه!! 

ف وجهات نظر عنده مررره ماتعجبني او اتفق معاه فيها بس نمشي هو باااختصااااار احس ان تفكيره زي (الشياب) احاول مع الوقت اغير بس بصعوووبه جدا جدا .. وهذي الامور احس تحبببطني وتحبط مشاعري تجاهه..


ف مواقف يعند فيها مع انه ماله داعي يعند لانه بيعقد الامور مثلا:

انا اعتمرت مره وحده بعد الزواج واللحين بكمل السنتين ماشفت مكه والا اعتمرت مع انه يقدر يوديني ونسكن لو يوم واحد !!

دايم كل اجازاته عند اهله واهله قريبين من مكه وكل ماجت فرصه لاهله امه تطلبه عمره وانا ما مانعت لهذا الشي ابببد بس ما احب اروح معى اهله لمن يوديهم لانهم اذا راحوا يعتمرون مايستأجرون زي الناس ويرتاحون بعد العمره ع طوول يرجعون لبيتهم مع انهم مقتدرين بس(بخل) وبينهم وبين مكه مسافة 3 ساعات سفر وحتى تدخلين مكه وتبدين ساعه زياده والعمره الواحد يخلص وهو هااالك وبعد يبغون يرجعون ف نفس اليوم ! 

انا مارحت معاهم وقلت بيجي وقت وزوجي بيوديني لحالي واعتمر وانا مرتاحه.. جت لزوجي دوره ف منطقه بينها وبين مكه ممكن ساعه ونص فقلت ماعليه هذي قريبه راح اعتمر معاه ونرجع ف نفس اليوم او نستأجر .. فتحت معاه الموضوع قلت نبغى نعتمر ولحالنا وبدون مانخبر احد حتى نخلص عشان اهله بيسوون سالفه وليل .. وهذا يقول تعالوا خذوني والثاني انتظروني ابغى اعتمر بهدووووء وبدون ضغوط!!
قلت له نبغى لحالنا قال لا بجيب امي واوديها العمره معانا !!

قلت انا مااا امنعك تودي امك لو تبغى كل شهر تعمر بها بس هذي المره الله يخلييييك ابغى اعتمر وانا مرتاحه واقدر ابديي رأيي فيها وما انحرج من احد!!!

قال لا كيف اعتمر وامي لا !! 

قلت توك عمرتها قبل كم شهر واخوانه ماشاء الله 4 غيره وابوه عايش قلت هي مو منحده عليك انت وانا لي عليك حق !! 

رفض قال لازم بأمي قلت اجل انا مو معاكم !! وديها ما امنعك لكن انا ماراح اروح لانهم مايرحمون يبغونها شيييييط حتى مكه ثم شيييييط حتى بيتهم ومايقدروون اللي راكب معاهم ويش يحس وايش وضعه ومشاعره ولامقدرين التعب اللي علي والا ع ولدي. ! 

وعننند ثم قال قفلي الموضوع !! تصير كذا زي هالمواقف اشياء يعند عليها مع انها مو غلط ومحلوله .. تصدقون احس هذذذذي اكثر الامور اللي تحبطني وتقتل محبتي له واحساسي تجاهه .. انقققهر وانننكتم احس انه ماهمه وش احس والا جززء من مشاعري وحتى خلاني اكررررره اهله كرره العمى .. بنات احيان كثيررر اقول لوما قسوة العنوسه والمجتمع واهلي ماااااااتزوجت ولا افكر ليش اضيف هموم لهمومي !!!

اااااه بس جيت ابغى افهم نفسي قمت افضفض


اسفه ع الاطاله