سااعدوني للمره الثانيه الاحوال المدنيه بتفقع مرارتي

اول شي اقسم بالله اني امس في صلواتي في السجود وقبل التسليم وبصلاتي اخر الليل
دعيت وقلت اللهم من ترد على موضوعي اللهم اجعلها في هذا الشهر من عتقائك من النار
وارزقها الصحه والعافيه
ولا تجعل لها حاجه من حوائج الدنيا هي لك رضا ولها فيها صلاح الا يسرتها لها واعنتها على قضائها
ثاني شي بادخل للموضوع
انا حابه اغير اسمي ونزلت موضوع قبل كم شهر اسال الاخوات عن الاجراءات
وهل لازم يكون الاسم معناه سيئ علشان اغيره قالولي الاخوات لاء
وانهم يعرفون ناس غيرو واسمائهم كانت عاديه وتسهلت لهم من غير واسطه ولا شي
يعني غيرو من غير ما يحتاجون واسطه لان اسمائهم لا تحمل معنى غير لائق اجتماعيا
وقدر الله وتاخرت في الموضوع ورحت الاربعاء قالولي الموظفات من عند الرجال
قلت في نفسي وش فايدة القسم النسائي اذا ما بيدهم شي غير يطلعون بطاقات
مفروض صلاحيتهم اكثر علشان الوحده تخدمها امراه مو رجال وتصير لفه ودوره
طبعا راح اخويه وصورلي الشروط وجابها لي
طلع فيه شرط ان يكون المعنى غير لائق اجتماعيا وانا اسمي قديم بس معناه مافيه مشكله
بس سبحان الله من صغري ما احبه لانه قديم واسماء اخواتي احلى من اسمي
قسما بالله تحطمت بس رجعت وتفائلت بالله خير وقلت الله كريم امره بين كاف ونون
وقررت استفسر منكم لان املي فيكم بعد الله اني اسمع منكم كلام تقولون فيه:
ايه في امكانيه ومو ضروري يكون معناه غير لائق ونعرف ناس مثل حالتك
لان الموضوع الاول قالولي البنات ان اللي غيرو معنى اساميهم عادي بس قديمه
فياليت اللي تعرف احد معرفه شخصيه
وغيرت اسمها من غير واسطه بس لانه قديم ومو عاجبها ترفعلي معنوياتي وتقولي
كمان اذا فيه وحده عارفه وش ممكن اكتب علشان ارفع الخطاب اللي اطلب فيه تغيير الاسم
ويكون كلام مقنع ياليت تقول ليه او تكتبلي بالخاص وتعلمني وش اكتب في الطلب
اخر شي حابه اقوله اني ما نسيت اللي ترد عليه من الدعاء
فياليت اللي عندها معرفه عن موضوعي لا تبخل عليه بالاجابه
واسفه على الاطاله واتمنى ما احد يكتبلي عادي تقبلي اسمك :icon36::icon36::icon36: رجاااااااااء