سااعدوني مااعرف اصب لا شاهي ولا قهوة احس بارتبااااك

بليزز صبايا ساعدوووني
ابغى اعرف فيه احد عنده مثل مشكلتي ولا بس انا ؟؟
مشكلتي عويصة ومقلقتني خصوصا هالايام وهي اني ارتبك مره لما اقدم القهوه والشاهي للضيوف :(

والمشكله اني اول كنت اتكاليه وعايشه لحياتي بس
مااعرف المجاملات هاذي اوبمعنى اصح مااعرف ( السناعه ) :icon33:

وكنت متكله على اخواتي اللي اكبر مني في صب الشاهي والقهوه
لحد الحين مع العلم اني حاليا في الجامعه بس عجزت اتعلم هالامور :angry2:

والمشكله الحين اختي اللي اكبر مني اللي كنت متكله عليها تزوجت لها شهرين
وبديت الحين اعيش فتره انتقاليه لاني صرت انا المسؤله :crap:

الحين فيه ضيوف راح يزورونا ومضطره انا اللي اقدم الشاهي والقهوة
لاني صعبه اترك امي تصب وانا جالسه اتفرج :29:

والمشكله عجزت اعرف اصب ارتبك مره لاني ماتعودت يمكن اقدم شوكلاته اقدم عصيرماعندي اشكال
بس اصب شاهي ولا قهوه لا :06:
مع العلم اني حاولت مره اصب لضيفه كانت عندنا ماعرفت جلست يدي تنتفض
لدرجة انها انتبهت لي وحرمت بعدها اصب لاحد :icon33:
رغم اني اجتماعيه نوعا ما صح اني نادر مااحضر مناسبات
بس امشي حالي معهم بس اصب لهم لا

مره جانا ضيوف وقالت لي اختي انتي اللي راح تصبين علشان تتعودين حاولت اجرأ نفسي بس ماقدرت
والمصيبه كل اللي في سني من اقاربي احسن مني في هالامور وصرت اشيل هم امهاتهم اذا جو عندنا
مع العلم انها بعيده عن اهتماماتي امور( السناعه) بس الشكوى على الله مضطره اجاري عاداتنا وتقاليدنا :angry2: :44:

ختاماااااا
ابغى اعرف فيه احد قد مر بمعاناتي وكيف عالجها؟؟