سابلية الموز اكلة تجنن وسله جدا

:cook: مساء الخير علي عيونكم ياحبيباتي الاعزاء
عندي ليكم طريقة عمل حاجة حلوة ومش مكلفة خالص ودي اول مشاركة ليا معاكم في هذا المنتدي وعلي فكرة انا بحب الاكل جدا بس مش علشان اكله لا بحب اعمله
المهم علشان منطولش عليكم لاني مش بحب اتشويق الزايد عن اللزوم
انا حبدأ في الكلام
سابلية الموز:
المقادير:2 كوب دقيق او طحين
1 كوب زبدة
1/2 كوب سكر بودرة
2 صفار بيض.
لتغطية الوجة :
حوالي 8 موزات مقطعين شرايح بالطول + 1.5 كوب شيكولاتة سايلة
الطريقة :
توضع المقادير مع بعضها البعض وتخلط جيداحتي تتجانس وتتماسك نوعا ما
بعد كده يوضع الخليط في صنية مدهونة بسمنة او زبدة يعني الموجود عندك
وتفرد العجينة في الصنية وتخرم بالشوكة ثم تخبز في فرن متوسط الحرارة لمدة 1/4 ساعة تقريبا
ثم تخرج من الفرن وتترك لتبرد
بعد كده يوضع الموز المقطع عليها حتي يغطي الخليط ثم توضع بعد ذلك الشيكولاته وايضا حتي تغطي الخليط
بعد كده تضعي الخليط في الثلاجة لمدة 1 ساعة حتي تجمد او 1/2 ساعة في الفريزر المهم انها تجمد
بعد كده تخرجيها من الثلاجة وتقطعيها حسب رغبتك
وتقدم باردة
ويارب تعجبكم وياريت تقلولي رايكم فيها
وبالهنا والشفا